Mikas 5:4 - Tagbanwa

⁴ Pagkapatindeg it itu nga adiꞌ, pamaalaꞌan yay mga taawan ya kat keseg it kakayaan nga ibgay it AMPUꞌANG DIYUS it kanya, baw kat ega basta-bastang kabantugan it AMPUꞌANG DIYUS ngaytu nga pagsirbiyan ya. Mga taawan ya ngaytu, mangaꞌgenan sira it maꞌimbeng nga pangaꞌgenan sabap, iyan nga adiꞌ, kilalaen kanya nga mabantug kat muꞌsang banwa situt sinirungat langit.

Mikas 5:4 Iomraidhean Croise

Isaias 52:10

Kat muꞌsa nga bangsa, matantuwan nira i keseg it alima it Ampuꞌang Diyus. Talagang maltegan it muꞌsang taw situt sinirungat langit i panribri nga buwaten ya.

Isaias 52:13

Maat it Ampuꞌang Diyus, “Iyan manigsirbi ku, talaga nga may lapusan it unu-unu nga pagbuwaten ya. Egay makasbung it kanya nga pagdaya-dayawun baw pagbantu-bantugun.

Zacarias 9:10

Maat it AMPUꞌANG DIYUS, “Ipaꞌawaꞌ ku i mga sarakayan it magpakibunuꞌ duꞌun it Efraim. Ipaꞌawaꞌ ku gasiꞌ i mga kabayuꞌ nga pagsakayan it magpakibunuꞌ nga taga Jerusalem. Pamariꞌen ku gasiꞌ i panaꞌ it mga mamamanaꞌ. Baw yanay ipapanaw it adiꞌ ngaytu nga mabut, pagꞌurunyun it mga bangsa. Dagat nga pabali-bali i seked it kaꞌadiꞌan ya. Gumaring duꞌun it kadanuman it Eufrates, mabut duꞌun it kapuspusan na it banwa.

Mateo 16:18

Aypaꞌ ituy iꞌaat kut imu. Ngaran mu ngaytung si Pedro, ireg sugiden ya, batu. Ta duꞌun it magdadalniꞌ ngaytu nga batu i unayan kut ipatindeg ku nga subuk balay, nga paꞌaaten ku, kapuꞌsaan it mga magpamayaꞌ baw magsarig it aken. Mga taawan ku ngaytung ipatindeg ku, talagang ega maꞌindaꞌeg ni Satanas kat maski unu nga kubwaten ya it kanira.

Mateo 2:6

‘Lansangan it Betlehem, nga sakep it Judea, ega naga yan matuduꞌ it beken, in daꞌga magbalyu talagang matanug. Sabap iyan i liꞌwanan it pagbayaꞌen nga marigra it mga taawan ku nga bangsa nga Israel.’”

Mateo 25:31

Ipiyasigi ni Jesus, nga maat ya, “In mabut aku nga Taga Langit nga Ipiyanganak it Taw, nga maꞌyag nay kabantugan ku baw kaꞌibaan kuy muꞌsang mga anghil, madung aku na duꞌun it ega basta-bastang araꞌdungan it adiꞌ.

Lucas 1:32

Talagang mataꞌas yan kanya, baw pagpangaranan it Anak it Ampuꞌang Diyus nga Subrang Piyakamataꞌas. Ibgay it Ampuꞌang Diyus it kanya i pagkaꞌadiꞌ nga subung it kagiyaringanan ya nga si David.

Juan 10:38

Temed in pagbuwaten kuy buwat ya ngaytu, maski ega pagpamayaꞌnen mi aku, kaꞌilangan nga pamayaꞌnen mi i mga pagbuwaten ku ngaytu ka sikayan mi matantuwan baw masiguru nga aku baw Amaꞌ ku, sang kagina-ginawaan kami.”

Juan 20:17

“Ega na daꞌan sumari kat sekel it aken, ka daꞌku paꞌ nakaꞌuliꞌ duꞌun it Amaꞌ. Iyan i buwaten mu kayti, paꞌaduꞌun kat mga alagad ku nga ipagpabetang ku na nga mga sulsug ku baw isugid mut kanira nga muliꞌ aku na duꞌun it Amaꞌ ku, nga Amaꞌ mi gasiꞌ, duꞌun it Ampuꞌang Diyus ku nga Ampuꞌang Diyus mi gasiꞌ.”

Efeso 1:3

Uꞌnang masugid ku, magayen, bantugun tami nga pirmi i Ampuꞌang Diyus, kanya nga Ampuꞌan baw Amaꞌ it Ampuꞌan tami nga si Jesu-Cristo ka, sabap it pakilagpit tami it ki Cristo, inildawan ya na kita it muꞌsa ngaytung ega basta-bastang kagayenan.

1 Pedro 1:5

Ta sabap it pagsarig baw pamayaꞌ mi it kanya, pagtatarimaen kamu nga pirmi kat guna it Ampuꞌang Diyus, mintras pagꞌeꞌlaten mi i karibriyan nga tumanen ya baw itanyag asan it umur nat banwa.

Judas 1:1

Aku nga si Judas nga manigsirbi ni Jesu-Cristo baw sulsug ni Santiago i tagsurat kaytu. Pagsuratan ku kamu, nga mga ipiyapinpin it Diyus Amaꞌ isaꞌun mataawan ya na baw talagang pagrarasan ya, kamu nga pagtatarimaen nga pirmi ni Jesu-Cristo baw piyanakman nga pasakep it kanya.

Mga Ipiyalteg 11:15

Inyepan nat ikapitu ngayting anghil i kanya ngayting taburi. Bawnga may nagnegan ku nga mamagꞌampang it dadakulaꞌ nga duꞌun it langit, nga magꞌaat, “Muꞌsang katataawan nga kat pudir it simnakep it kanira kat sinirungat langit, kayti sinakepan na sira it Ampuꞌang Diyus tami baw si Jesu-Cristo nga siyarigan ya. Talagang magꞌadiꞌ kanya it egay katupusan.”