Mikas 5:3 - Tagbanwa

³ Aypaꞌ ka, bangsa ngaytu nga Israel, ibgay na it Ampuꞌang Diyus kat alima it mga kalaban nira seked it ipanganak nat esang babay i madaragen ngaytu nga, pagdakulaꞌ ya, magꞌadiꞌ kanya. Bawnga, iyan naꞌped it mga kaduguꞌ ya nga taga Juda, paꞌuliꞌ siꞌ duꞌun it Ampuꞌang Diyus, sang siraan it beken nga mga Israelita.

Mikas 5:3 Iomraidhean Croise

Isaias 49:6

Maat it Ampuꞌang Diyus it aken nga manigsirbi ya, “May subraꞌ paꞌ nga mabantug nga ipabwat kut imu, puyra it papaꞌuliꞌen mu ngaytu i mga ipiyaꞌped ku nga mga tungtung-inapuꞌ ni Jacob, nga bangsa nga Israel. Ipatindeg ku ikaw nga bilang tidaw it mga taw nga ega kat bangsa nga Israel, ka maꞌyagan mu i muꞌsang taw situt sinirungat langit pasar it dalan it karibriyan nga gumaring sinit aken.”

Jeremias 23:5

“Kat pagdadarapaꞌen nga timpu,” maat it AMPUꞌANG DIYUS, “pabaraꞌen ku nga may limiꞌwan kat kaduguꞌ-duguꞌan it adiꞌ nga si David nga esa nga mataldeng kat panleteg ku. Rumraan ku kanya kat pagkaꞌadiꞌ baw manggayen nga banar i pagꞌadiꞌ ya. Kat muꞌsang rugar pangukuman nga mataldeng baw purus tamaꞌ i ipapanaw ya.

Mateo 1:21

Lalaki yan i sumakit. Si Jesus i ipangaran mu, sabap kanya i rimibri it mga taawan ya kat mga kasalaꞌan nira.”

Mateo 12:50

Sabap in siyu-siyu nga magsunud nga banar it kaꞌirgan it Amaꞌ ku nga duꞌun it langit, sira i bilang inaꞌ ku baw mga sulsug ku.”

Mateo 25:40

Bawnga aaten ku yan nga Adiꞌ nira, ‘Matuud talagay iꞌaat kut imyu. Iyan binwat mi i mga itu ngaytu kat maski piyakatimawaꞌ nga bilang mga sulsug ku, simpri aku na i binwatan mi.’

Roma 8:29

Sabap talagang garing paꞌ it katagnaꞌ-tagnaꞌan, pagnanakmen nang lagi it Ampuꞌang Diyus in siyu may siyu i panakman ya nga pasakep it kanya, baw ipiyasiguru ya gasiꞌ nga makasbung sirat Anak ya nga si Jesus. Kabilangan ya, si Jesus na ngaytu i mabantug nga kiyaꞌakaꞌan tami nga muꞌsang nagsulsu-sulsugun nga inanak it Ampuꞌang Diyus.