Mateo 9:2 - Tagbanwa

² Iyan duꞌun siꞌ ngayti kanya, may miyabut nga mamagtataban it taw nga may patay nga bagit bilug. Pagkamuya ni Jesus it dakulay pamayaꞌ it iting mga taw, maat ya it may sarakiten ngayti, “Dunguꞌ, paksegen muy nakem mu, ka piyasinsiya nay mga kasalaꞌan mu.”

Mateo 9:2 Iomraidhean Croise

Mateo 14:27

Miyampang nga lagi si Jesus, nga magꞌaat, “Ayaw kamut iꞌlam. Si Jesus aku naga bayni. Paksegen mi lamang i nakem mi.”

Mateo 4:24

Nangalaid nay baritaꞌ pasar it mga kalililuꞌan nga buwat ngayti ni Jesus, nakalkep it muꞌsang banwa it Siria. Aypaꞌ ka dakel na nga magꞌabut, nga magtataban it magsarut it dakel nga kalasit sarakiten, pati mga pagpapulpugun it maraꞌe-raꞌet, mga magpulpug nga magpangingsil, baw beken nga may patay nga bagit bilug. Pagpagayenen ya sira nga muꞌsa.

Mateo 6:12

Pasinsiyaen mu naga i mga kasalaꞌan namen, nga subung it pagbuwaten namen nga pagpasinsiyaen namen i mga magkasalaꞌan sinit amen.

Mateo 8:10

Naliluꞌ si Jesus, pagkagneg ya kayti. Maat ya it mga taw ngayti nga mamagbaya-bayaꞌ it kanya, “Matuud talagay iꞌaat ku ngaytut imyu. Egay namuyaan ku nga maski siyu situt mga Judio, nga mga tungtung-inapuꞌ ni Israel, nga atkaytuy kadakulaꞌ it pamayaꞌ yat aken.

Mateo 8:16

Pagsedep it aldaw, dakel i tiyaban duꞌut ki Jesus nga pagpapulpugun it maraꞌe-raꞌet. Siyari ni Jesus it pangimugaw i mga maraꞌe-raꞌet ngayti. Baw iyan tiyaban duꞌut kanya nga mga magsarut, piyagayen ya nga muꞌsa.

Mateo 9:22

Limningaw si Jesus ka natanudan ya. Pagkalteg yat babay ngayti, miyampang kanya, nga magꞌaat, “Edeꞌ, paksegen muy nakem mu. Piyagayen ka na sabap it pamayaꞌ mut aken.” Ta dengan it mindek na nga matuud i sarakiten it babay ngayti.

Mateo 9:5

Ari manggid i marway nga ampangen? Unu, ‘Ipiyasinsiya nay mga kasalaꞌan mu,’ u aaten nga, ‘Tindeg, ka mapanaw ka’? Daꞌga nagsubung nga guna it Ampuꞌang Diyus lamang i magkabwat?

Mateo 9:6

Aypaꞌ pagayenen ku i sarakiten ya ngaytu isaꞌun matantuwan mi nga aku, nga Taga Langit nga Ipiyanganak it Taw, may pudir ku naga situt sinirungat langit nga pasinsiya it mga kasalaꞌan.” Pagkaꞌampang ya kayti, maat ya it taw ngayti nga may patay nga bagit bilug, “Timindeg ka na, pirisiꞌnen mu nay pagliliꞌtidan mu ngayan ka muliꞌ ka na.”

Marcos 1:32

Pagsedep it aldaw, tiyaban duꞌut ki Jesus i muꞌsa nga mamagsarut baw pagpapulpugun it maraꞌe-raꞌet.

Marcos 10:49

Timnindeg si Jesus ngayti nga magpanaw baw maat ya, “Paꞌasituun mi kanya.” Aypaꞌ tiyaꞌwagan nira i beleg ngayti, nga magꞌaat, “Paksegen muy nakem mu. Tindeg! Ka pagpaꞌaduꞌunun ya ikaw.”

Marcos 5:34

Pagkagneg ni Jesus, kaꞌampang kanya. Maat ya, “Edeꞌ, piyagayen ka sabap it pamayaꞌ mut aken. Masagya ka nayang muliꞌ. Mindek nayang banar i sarut mu ngayan.”

Marcos 6:50

Talagang pagkalteg nirang muꞌsat kanya, nakapagyegyeg sirat iꞌlam. Miyampang nga lagi si Jesus, nga magꞌaat, “Ayaw kamut iꞌlam. Si Jesus aku naga bayni. Paksegen mi lamang i nakem mi.”

Juan 16:33

Isiyugid kut imyuytu isaꞌun may kaꞌimbengan it nakem mi kat pakilagpit mit aken. Talagang may kakuriꞌan mi naga yan, mintras situ kamu pat banwa ngaytu. Temed paksegen mi i nakem mi ka aku ngaytu, diyaꞌeg ku nay magsasakep situt sinirungat langit.”

Juan 2:25

Ega na kaꞌilangan paꞌ nga may sumugid duꞌut kanya, sabap magkaꞌrutan ya nga banar i kat nakem it taw.

Juan 21:5

Piyataꞌwagan sira ni Jesus, maat ya, “Mga Anak, daꞌga egay napisiꞌ mi nga sedaꞌ?” Nagdenga-denganen i tubag nira nga magꞌaat, “Daꞌga bay napisiꞌ namen.”

Mga Binwat 14:9

Iyan magpangadal na si Pablo duꞌun, magpagneg i iting taw. Pagkalteg ni Pablo, namuyaan ya nga may pamayaꞌ it pilay ngayti nga mapagayen. Aypaꞌ tiyermek yat semyek,

Mga Binwat 19:12

Kamatuudan, basta may nakapadiꞌkit it bilug ya nga lages u pagsambutun nga rambay, nga yanay ipadiꞌkit gasiꞌ duꞌun it mga magsarut, magpedek i sarut nira, u limꞌid i magpapulpug nga maraꞌe-raꞌet.

Mga Binwat 23:11

Pagdelem nagpakikita it ki Pablo ngayti i Ampuꞌan ka miyaat it kanya, “Pakalalaki ka, ka in magꞌuꞌunuy nagpamatuud ka pasar it aken situt Jerusalem, atkayan naga i kaꞌilangan nga buwaten mu duꞌun it Roma.”

Roma 5:11

Baw ega lamang maribri ta kat panriga in daꞌga masagya tami nga magbantug it Ampuꞌang Diyus ka, sabap it Ampuꞌan nga si Jesu-Cristo, tiyanggap ya na kita nga mga iba-iba ya.

Santiago 2:18

Temed barang may kupakibatir, nga magꞌaat, “Iyan beken, pamayaꞌ nga ipiyagꞌildaw it kanya, ega basta-bastang pagsarig yat Ampuꞌan. Iyan beken, ipiyagꞌildaw it kanya, magagayeng pagbuwaten.” Temed tubag ku kayan, “Egay beblagan it kamatuudang pamayaꞌ baw magagayeng pagbuwaten. Ipatantu mut aken nga in magꞌuꞌunu makilalaan ku nga may kamatuudan it pamayaꞌ mu ngayan nga egay pagbuwaten mu nga magpamatuud it kat Ampuꞌan ka na. Aken, mga pagbuwaten ku i magpamatuud it kamatuudan talagay pamayaꞌ ku.”