Mateo 8:3 - Tagbanwa

³ Tiyapal kanya ni Jesus, dengan it miyampang nga magꞌaat, “Talagang ireg ku. Kayti nga lagi, gumayen ka naytu!” Pagkaꞌampang ni Jesus kayti, sakaling gimnayen i babangbangen ngayti.

Mateo 8:3 Iomraidhean Croise

Genesis 1:3

Bawnga miyampang i Ampuꞌang Diyus nga maat ya, “Ireg ku may eyag na.” Egay beken, sakaling may eyag na.

2 Mga Adiꞌ 5:11

Pagkagneg ni Naaman it ampang ngayti ni Eliseo nga isiyugid duꞌut kanya, miniseg kanya. Magbubutung-butung i gimnaring. Maat ya, “Tanud ku bayan, susmuun ya aku bawnga timindeg kanyat mataldeng baw taꞌwagan yay AMPUꞌANG DIYUS ya, bawnga papatuꞌan ya akut mga alima ya isaꞌun nga gumayen aku.

2 Mga Adiꞌ 5:14

Napikir ni Naaman nga matuud i pagꞌaaten it mga katabang ya ngayti. Egay beken, naꞌaduꞌun na kanya it Jordan. Pagꞌabut ya, limindep na it pitung ledep, subung nat inaat ngayti it prupitaꞌ it Ampuꞌang Diyus. Ta, unupat nagꞌuliꞌnan i bilug ya nga dati, malnis nay lamilamit ya nga subung it kat madaragen. Limpiyung-limpiyuꞌ na. Muꞌsang bilug ya, ega nay maski dekeyeng barnaꞌ it biyangbang kanya.

Exodo 4:7

“Ta,” maat siꞌ it AMPUꞌANG DIYUS, “isaꞌup mu siꞌ.” Piyamayaꞌ naga ni Moises. Pagsurut ya siꞌ it alima ya ngayti, egay maski unu nga bangbang.

Mateo 12:13

Bawnga inaat ni Jesus i taw ngayti nga kimay, “Ibtir muy alima mu.” Ibintir ya nga matuud, langkuy it kimay ya ngayti gimnayen it gayen banar, nga subung nat sangbat nga alima ya.

Marcos 1:41

Nakasanguꞌ nga matuud si Jesus it kanya. Tiyapal ya i taw ngayti, dengan it miyampang nga magꞌaat, “Talagang ireg ku. Kayti nga lagi, gumayen ka naytu!”

Marcos 4:39

Egay beken, nagbangun si Jesus. Pagkabangun ya, biyugrakan yay deres, maat ya, “Yemengyeng na!” Baw inaat ya gasiꞌ i lapnaw, “Lantap!” Ta sakaling yimnengyeng i deres baw limnantap nat atna.

Marcos 5:41

Singkel ni Jesus i alima it waꞌwaꞌ ngayti baw miyampang kanya nga magꞌaat, “Talita kumi!” Ireg sugiden kayti, “Edeꞌ, sigi, magbangun ka!”

Marcos 7:34

Yimnaꞌngad si Jesus duꞌut langit baw nangginawa it maꞌber kat kadakulat sanguꞌ ya. Baw maat yat taw ngayti, “Effrata!” nga ireg sugiden, “Paꞌabriyen!”

Marcos 9:25

Iyan naltegan ni Jesus nga ega siꞌ magbugtuꞌ i bulyug it taw nga magꞌabut, siyardaw yay magpapulpug ngayting maraꞌe-raꞌet. Maat ya, “Ikaw nga maraꞌe-raꞌet nga magpabuyun baw magpabngel it taw, pagsekaten ku ikaw kayti nga limꞌid ka na asat waꞌwaꞌ ngayan, baw ayaw ka nat saꞌu-saꞌup it papulpug it kanya!”

Lucas 4:27

Ta, dakel gasiꞌ i mga babangbangen nga tungtung-inapuꞌ ni Israel it timpu it prupitaꞌ nga si Eliseo. Temed egay piyagayen nga maski siyu it kanira. Si Naaman lamang nga taga Siria i piyagayen.”

Lucas 5:13

Tiyapal kanya ni Jesus, dengan it miyampang, nga magꞌaat, “Talagang ireg ku. Kayti nga lagi, gumayen ka naytu!” Ta, sakaliꞌ nga nagsipat i bangbang ya ngayti.

Lucas 7:14

Minlep kanya baw tiyapal ya i lungun baw timnindeg i mamagpipirisiꞌen ngayti. Miyampang si Jesus nga magꞌaat, “Dunguꞌ, sigi! Magbangun ka!”

Juan 11:43

Pagkaꞌampang ya kayti, igiyaꞌuy ya nga magꞌaat, “Lazaro, manliꞌwan ka!”

Juan 15:24

In beteꞌ daꞌga minwat akut mga buwat nga nagpasar kat mata nirang muꞌsa, nga ega nabwat it maski siyu it yanaytuy kaꞌlay, egay turubagen nira sabap it kasalaꞌan nga pandaꞌga nirat aken. Temed ta, talagang naltegan nira aku, baw subung nagat naltegan nira gasiꞌ i Amaꞌ ku kat nagpasar na kat mata nira nga mga buwat ku ngaytu. Temed yanagang, pagꞌisgan nira aku, pati Amaꞌ ku ngayti.

Juan 5:21

Ka in magꞌuꞌunu pagꞌegnen it Amaꞌ i mga miyatay, atkayan naga egnen naga it Anak i kumpur ireg ya nga egnen.