Mateo 8:2 - Tagbanwa

² May nandangep duꞌut kanya nga esang lalaki nga babangbangen, nga nanluud duꞌun it sarungaan ya, baw miyampang nga magꞌaat, “Ampuꞌan, in beteꞌ ireg mu, talagang mapagayen mu aku.”

Mateo 8:2 Iomraidhean Croise

2 Mga Adiꞌ 5:1

Duꞌun it banwa it Siria may esang pagbayaꞌen it mga sundaluꞌ, si Naaman i ngaran ya. Pagbantu-bantugun kanya it agalen yang adiꞌ sabap maꞌiseg kanyang lalaki baw ega babasta-bastaen. Pagtabangen kanya it AMPUꞌANG DIYUS, aypaꞌ ka pirming magpandaꞌeg i Siria in may pagbunuꞌ. Iyan lamang i salaꞌ, babangbangen kanya.

2 Mga Adiꞌ 5:27

Ta kayti it atkayay binwat mu, manindak na asat imu i bangbang ni Naaman. Seked it mga kaꞌanak-anakan mu mana may bangbangen naga.” Ta, kat iti nga laging uras biyangbang na si Giezi, namutiꞌ-putiꞌ nay bilug ya.

Mateo 10:8

Pagayenen mi i mga magsarut baw egnen mi i maski patay na. Pagayenen mi i mga babangbangen baw pangimugawun mi i mga mararaꞌe-raꞌet kat pagpapulpugun nira. Ta it tiyanggap mi i atkaytung ildaw it egay babayad, ipamgay mi gasiꞌ i tabang mi it ega kaꞌman bayadan.

Mateo 13:58

Ta it atkayti, ega minwat si Jesus it dakel nga kalililuꞌang bagay duꞌun, ka daꞌsira ngayti magpamayaꞌ it kanya.

Mateo 14:33

Siyamba si Jesus it muꞌsa ngayting magsasakay baw maat nira, “Kamatuudan nga Anak ka talaga it Ampuꞌang Diyus.”

Mateo 15:25

Temed nagpatpad ga duꞌut kanya i babay ngayti, nanluud duꞌut sarungaan ya baw miyampang, nga magꞌaat, “Sanguꞌan mu aku nga matuud, Ampuꞌan!”

Mateo 18:26

Nanluud duꞌun it sarungaan it adiꞌ i pagsukutun ngayti, ka nagpasanguꞌ-sanguꞌ. Maat ya, ‘Agalen, sana begayan mu naga akut timpu nga kapanulus, siguradu yan nga bayadan ku yat muꞌsa i utang ku ngayan situt imu.’

Mateo 2:11

Pagkasled nira duꞌut balay ngayti, naltegan nira i waꞌwaꞌ nga pagsasakbutun it inaꞌ ya nga si Maria. Siyamba nira kanya it magtetꞌem i rupa duꞌun it daꞌtag. Bawnga inukad nira nay mga marerga nga taban nira nga bulawan, pirmirang kamangyan baw marga nga babangluun nga mira, nga ibgay nirat waꞌwaꞌ ngayti.

Mateo 20:20

Bawnga nagpatpad duꞌun it ki Jesus i asawa ni Zebedeo baw mga anak ya, ka may kuꞌangutun ya. Aypaꞌ ka nanluud kanya duꞌun it sarungaan ni Jesus.

Mateo 26:6

Iyan duꞌun paꞌ na Jesus it Betania, naꞌaduꞌun sira it balay ni Simon ngayti nga piyagayen i bangbang ya.

Mateo 28:17

Pagkalteg nirat ki Jesus, siyamba nira kanya. Temed iyan beken, magduwa-duwa i kat nakem nira.

Mateo 28:9

Temed sakaliꞌ nga siyusmu sira ni Jesus, baw kiyumusta sira. Inlep kanya it duwa ngayting kababayan. Nanluud sira ka siyakem i aꞌay ya baw siyamba nira kanya.

Mateo 4:9

Maat siꞌ ni Satanas ngayti, “Talagang ibgay kuytut imu i muꞌsa ngaytu, basta manluud ka nga sumamba it aken.”

Mateo 8:1

Pagpanadsad ni Jesus duꞌun it bulud ngayti, dakel siꞌ nga taw nga magdasun-dasun it kanya.

Mateo 8:25

Ta it maꞌigaꞌ ngayti si Jesus, siyulag kanyat mga alagad ya. Maat nira, “Ampuꞌan, tabangen mu kami! Matgeb ta na baytu!”

Mateo 9:18

Magꞌampang paꞌ si Jesus it iti nga pagꞌampangen ya, may miyabut nga esang pagbayaꞌen it mga Judio. Nanluud kanya duꞌun it sarungaan ni Jesus baw miyampang, nga magꞌaat, “Yapaꞌ bay bugtuꞌ it ginawat anak ku nga babay. Temed pagsisiguruun ku nga basta mayaꞌ ka lamang it aken baw tapalen mu kanya, maꞌgen naga.”

Lucas 4:27

Ta, dakel gasiꞌ i mga babangbangen nga tungtung-inapuꞌ ni Israel it timpu it prupitaꞌ nga si Eliseo. Temed egay piyagayen nga maski siyu it kanira. Si Naaman lamang nga taga Siria i piyagayen.”

Juan 9:38

Yamanay naꞌampang it lalaki ngayti, maat ya, “Magpamayaꞌ aku nat imu, Ampuꞌan.” Bawnga nanluud kanya ka siyamba ya na si Jesus ngayti.

Mga Binwat 10:14

Temed timnubag si Pedro, “Aaꞌ, ega mabwat kuy atkayan, Ampuꞌan, ka sapagtaw ku kat banwa, daꞌku nakasalya kumaꞌen it maski unung pangaꞌen nga bawal kat siyubli-subli nameng urdin.”

Mga Binwat 10:25

Desang magseled na si Pedro, siyusmu na ni Cornelio. Nanluud kanya ka sambaen ya si Pedro.

1 Corinto 14:25

Ta daꞌga kat pagneg nira makalbaw na i mga tagu-taguꞌ nga kasalaꞌan kat nakem nira? Bawnga limingkuꞌud na sira ka bantugun nay Ampuꞌang Diyus, langkuy aaten nira nga talagang situ nang matuud it imyu i Ampuꞌang Diyus ngaytu.

Mga Ipiyalteg 19:10

Pagkagneg ku, nanluud aku duꞌun it sarungaan it magpakisugi-sugid ngaytit aken, ka sambaen ku kanya. Temed maat yat aken, “Ayaw! Ega mu buwaten i atkayan. Kaꞌilangan Ampuꞌang Diyus lamang i sambaen mu. Ka aku, manigsirbi ya gasiꞌ subung it imu baw subung it mga sulsug mu kat pamayaꞌ, sira nga magpamatuud it panulduꞌ nga ipiyaꞌrut ni Jesus. Sabap kamatuudan ngayting ipiyaꞌrut ni Jesus, itu nay pagpatalandagan it ampang it mga prupitaꞌ.”