Mateo 7:5 - Tagbanwa

⁵ Aypaꞌ ikaw nga ipagpabetang mu nga egay magkaꞌiway kat pangaꞌgenan mu, gayen-gayenen mu daꞌan i sadiling adat, bawnga mapakay nga iwayen muy ega magayeng buwat it maꞌiba mu. Awaꞌen mu daꞌan i magbabangkar ngayan, isaꞌun makalteg ka it magayen. Magayen-gayen mut kaꞌawaꞌ i puling it iba mu.”

Mateo 7:5 Iomraidhean Croise

Mateo 22:18

Temed pagꞌuꞌrutan ni Jesus i maraꞌe-raꞌet nga antap it nakem nira. Aypaꞌ ka maat ya, “Matuud nga magbete-beteꞌ kamu nga magpamayaꞌ it Ampuꞌang Diyus. Unuka pagtinggelen mi i liꞌeg ku?

Mateo 7:3

Taꞌway in unuka, in puling gat beken nga kapu-kapu lamang, yan i pagsisigmataen mu nga pirmi. Temed in sadili mu nga puling nga magbabangkar nat mata mu, pagpataꞌnan mu lamang.

Mateo 7:4

Ta, magꞌuꞌunu mu maꞌaat i maꞌiba mu, ‘Daliꞌ, awaꞌen kuy puling mu ngayan nga kapu-kapu,’ it may magbabangkar asat mata mu?

Mateo 7:6

Bawnga ipiyanulduꞌ ni Jesus nga ega tegelan it tumulduꞌ i mga taw nga magtibabaꞌ it ampang it Ampuꞌang Diyus, ka daꞌsira kupagneg. Maat ya, “Iyan ega ibgay mit mga keꞌdeng i bagay nga ega basta-basta, sabap pasaꞌliyan kamu lamang baw kagaten nira. Ega gasiꞌ isaꞌbug mi duꞌut adapan it mga beyeꞌ i mga kararasan nga marerga nga baliꞌeg mi, sabap tegday-tegdayan nira lamang yan i mga iyan ngayan.”

Lucas 12:56

Kamung mga magbete-beteꞌ nga magpamayaꞌ it Ampuꞌang Diyus, pagꞌiꞌimandaꞌanan mi na i tandaꞌanan situt banwa baw duꞌun it langit. Ta unuka ega magkaꞌimandaꞌanan mi i mga tandaꞌanan it kayting timpu?

Lucas 13:15

Katubag i Ampuꞌan nga si Jesus, maat ya, “Kamung mga magbete-beteꞌ nga magpamayaꞌ it Ampuꞌang Diyus! Daꞌga baꞌ kada esat imyu, maski Aldaw it Kapaꞌnaan, pagꞌuꞌbaden mi i bakaꞌ u kabayuꞌ mi nga asno nga magsesget duꞌun it pagpaꞌlungan nga bala-balay baw ipaliꞌwan ka pagpaꞌimnun?

Lucas 4:23

Aypaꞌ ka miyampang si Jesus nga magꞌaat, “Siguru sangpiten mi i sambatan ngayan nga magꞌaat, ‘Manigꞌubaꞌubat, sigi, ubaꞌubaten mu i sadili mu nga bilug.’ Ka aaten mi yat aken nga buwaten ku situt sadili ku nga lansangan i mga nabaritaꞌan mi ngayan nga binwat ku duꞌun it Capernaum.”

Lucas 6:42

Ta, magꞌuꞌunu mu maꞌaat i maꞌiba mu, ‘Daliꞌ, awaꞌen kuy puling mu ngayan nga kapu-kapu,’ it may magbabangkar asat mata mu? Aypaꞌ ikaw nga ipagpabetang mu nga egay magkaꞌiway kat pangaꞌgenan mu, gayen-gayenen mu daꞌan i sadiling adat bawnga mapakay nga iwayen muy ega magayeng buwat it maꞌiba mu. Awaꞌen mu daꞌan i magbabangkar ngayan, isaꞌun makalteg ka it magayen. Magayen-gayen mut kaꞌawaꞌ i puling it maꞌiba mu.”

Mga Binwat 19:15

Takaꞌ, tiyubag ga sirat maraꞌe-raꞌet ngayti, nga magꞌaat, “Bilaꞌ! Pagkilalaen ku bayan si Jesus, baw si Pablo, magkakilalaan ku gasiꞌ. Temed in kamu, ega kilala ku in siyu may siyu kamu!”