Mateo 6:1 - Tagbanwa

¹ Ipiyasigi ni Jesus i panulduꞌ ya ngayti, nga maat ya, “Kaꞌilangan inturun mi nga ega lamang desang paleteg-leteg in magbuwat kamu it magayen. Ka basta atkayan i pagbuwaten mi, siguradung egay tumbas nga matanggap mi nga gumaring duꞌut Amaꞌ mi nga duꞌut langit.

Mateo 6:1 Iomraidhean Croise

2 Mga Adiꞌ 10:31

Temed ta, si Jehu ngayti, ega tingled i nakem ya nga pasigi nga sumunud it mga urdin it AMPUꞌANG DIYUS it bangsa nira nga Israel. Sabap, mga maraꞌe-raꞌet nga buwat ni Jeroboam nga iti nay ipiyagkasalaꞌan it mga Israelita, iyan naga i giyuru ni Jehu ngayti.

Daniel 4:27

Aypaꞌ, kagalang-galang nga Adiꞌ, in mapakay pagnegan mu i masugid ku. Sana indiꞌan mu nay karaꞌe-raꞌetan mu. Baꞌguun mu nay adat mu. Magayen na nga adat i adaten mu, nga maꞌildaw ka na it mga makukuriꞌ. Ka barang in atkayan, maneꞌteꞌ naga nga maꞌimbeng i pangaꞌgenan mu.’ ”

Mateo 16:27

Sabap talagang matuud nga paꞌuliꞌ aku naga situ, aku nga Taga Langit nga Ipiyanganak it Taw, nga matanyag na situt aken i kabantugan it Amaꞌ ku, baw kaꞌibaan kuy mga anghil ku. Kat iyan nga aldaw, tumbasan kuy kada taw uyun kat kanyang binwatan.

Mateo 16:6

Kaꞌampang si Jesus, “Iyan magꞌintur kamu it ipagpaꞌalsa it mga Pariseo baw mga Saduceo.”

Mateo 23:13

Talagang subrang makuriꞌ i magꞌaꞌareg it imyu, mga manigpaꞌyag it urdin baw mga Pariseo, mga magbete-beteꞌ nga magpamayaꞌ it Ampuꞌang Diyus. Ka sabap it imyu magkabaeran i katataawan it pasakep it kaꞌadiꞌan it Ampuꞌang Diyus. It daꞌkamu nay imyu magꞌireg pasakep it kaꞌadiꞌan ya ngayti, pagpaaren mi paꞌ i magꞌireg pasakep.

Mateo 23:5

Buwat nira, purus paleteg-leteg lamang it masigkataw nira. Iyan ipagbegkes kat ulu baw alima nga pagbetangan it isiyurat nga in pirang tagaꞌ nga ampang it Ampuꞌang Diyus, pagpalabgen niray kanira. Baw iyan mga ipagkabit duꞌun it sagyaden it gulamen, arubwatay i kanira.

Mateo 25:40

Bawnga aaten ku yan nga Adiꞌ nira, ‘Matuud talagay iꞌaat kut imyu. Iyan binwat mi i mga itu ngaytu kat maski piyakatimawaꞌ nga bilang mga sulsug ku, simpri aku na i binwatan mi.’

Mateo 5:16

Aypaꞌ ega itaguꞌ mi i pamayaꞌ mi. Sana masgu nga pirmi i imyu nga tidaw kat panleteg it kadakel, isaꞌun maꞌyag it kanira i magagayen nga buwat mi, baw bantugun nira i Amaꞌ mi nga duꞌun it langit.”

Mateo 5:46

Ka in iyan lamang, mga magraras it imyu i rarasan mi, unu paꞌ i tumbas nga pagꞌeꞌlaten mi? Ka daꞌga baꞌ pagbuwaten nay atkaytu it maski mga malulupig nga manigpabayad it barayadan duꞌut gubirnu?

Mateo 5:48

Aypaꞌ kaꞌilangan pasbung kamu it Amaꞌ mi nga duꞌun it langit, nga kagayen it buwat ya, egay kakurangan.”

Mateo 6:16

Beken paꞌ gasiꞌ nga iꞌaat kut imyu, in pagbuwaten mi i pagpuwasa, ayaw kamut pagrupa it subuk magkasmek, nga subung it pagꞌadaten it mga taw nga mamagbete-beteꞌ nga mamagsunud it kaꞌirgan it Ampuꞌang Diyus. Ka buwat nira yan, daꞌna mamagpangayus it bilug, ka isaꞌun maꞌrutan lamang it beken nga mamagpuwasa sira. Matuud tu talaga nga tiyanggap na nira i kanirang tumbas.

Mateo 6:9

Atkaytu i magayen nga panalangin mi. ‘Amaꞌ namen nga kat langit, bantugun baw kilalaen nga ega babasta-bastaen i ngaran mu.

Marcos 8:15

Simnasar si Jesus, nga maat ya, “Iyan magꞌintur kamu it ipagpaꞌalsa it mga Pariseo baw ki Herodes.”

Lucas 11:35

Aypaꞌ kaꞌilangan nga magꞌintur ka, ka barang eyag ngayan nga pagsisiguruun mu na, barang sayan kadleman paꞌ, ka barang ega paꞌ naꞌyagan i pikir mu pasar it kaꞌirgan it Ampuꞌang Diyus.

Lucas 12:1

Iyan sigi na nga abut it rinibu na nga mga taw, ta unupat magkapagtegda-tegdayen na sirat aꞌay. Miyampang si Jesus nga mga alagad ya daꞌan i inaat ya. “Iyan,” maat ya, “magꞌintur kamu it ipagpaꞌalsa it mga Pariseo, isaꞌun daꞌkamu matindakan. Paꞌaaten ku ngayan, adat nira nga pagbete-beteꞌen nira lamang nga magpamayaꞌ it Ampuꞌang Diyus.

Lucas 12:15

Bawnga miyampang si Jesus nga ipiyagneg yat kadakel ngayti, nga magꞌaat, “Iyan magꞌintur kamu! Ipaꞌalaid mi talaga i adat nga maꞌingarum, sabap kusas, maski sang unu nang kadakulaꞌ, ega magkapuꞌgun it ginawat taw.”

Lucas 16:15

Pagkamuya ni Jesus kayti, maat yat kanira, “Kamu i pagpaꞌiguꞌan ku ngayan, nga buwat mi, pagpapamayaꞌnen mi i katataawan nga mataldeng kamu nga mga taw, isaꞌun istimaren kamut magayen. Temed ega talaga magkataguꞌ duꞌun it Ampuꞌang Diyus i karaꞌe-raꞌetan kat nakem mi. Yay matuud, iyan ipagpabetang mi nga mabantug nga ipagkatuꞌgud it imyu it mga taw, maraꞌway nga maraꞌway yan kat panleteg it Ampuꞌang Diyus.

Juan 12:43

Ireg paꞌ nirang sagyaan sirat masigkataw nira, ega gat Ampuꞌang Diyus i sumagya it kanira.

Juan 5:44

Ka iyan i pagꞌabaten mi, pagbantug it esa may esa, ega pagbantug nga garing duꞌun it matuud nga Ampuꞌang Diyus. Ta magꞌuꞌunu kamu yan makapamayaꞌ it aken?

Mga Binwat 3:12

Pagkamuya ni Pedro, inaat ya sira, “Mga kabanwa ku nga tungtung-inapuꞌ ni Israel, unuka magkaliluꞌan mi siꞌ i itung taw? Baw unuka atkayay panenyekan mit amen, adimaat ikiyapanaw ya ngaytu, kat keseg it sadili nameng kiyaꞌrutan u pagsunud it kaꞌirgan it Ampuꞌang Diyus?

Galacia 6:12

Iyan mga magpanreges it imyu it paturiꞌ, antap yan it nakem nira, tuꞌgudun sirat mga taw sabap it pagsunud nirat mga urdin it rilihiyun nira. Temed iyan talagay kat nakem nira nga magpanreges sira ngayan it imyu, magꞌiꞌlam it barang pakuriꞌan sirat mga kaꞌibaan nirang Judio in ipatindeg nira nga kamataynen lamang ni Cristo i ikapisit karibriyan, ega na pagsunud it mga urdin ni Moises.

Hebreo 11:26

Ka, kat pikir ya, maski unu nga kakuriꞌan i malabayan ya kat alima it beken sabap it pamayaꞌ ya it Manriribri nga ipalampud it Ampuꞌang Diyus kat pagdadarapaꞌen, yay subraꞌ pang magayen it kamanggadan nga mapisiꞌ ya duꞌun it Egipto. Iyan talagay ipiyatdek ya kat nakem ya, ega basta-basta nga itumbas it Ampuꞌang Diyus it kanya kat pagdadarapaꞌen.

Hebreo 2:1

Aypaꞌ, kayti, dapat tang ipakagat it maꞌingget kat nakem tami i kamatuudan nga ipiyangadal it aten isaꞌun daꞌtami rumarad.

Hebreo 6:10

Ka talagang mataldeng i Ampuꞌang Diyus. Ega lipaten ya i mga binwatan mi baw pagmaꞌal mit kanya nga ipiyalteg mi, baw seked kayti ipagpalteg mi paꞌ, kat pagsirbi mit mga kasubung mi nga magpamayaꞌ it ki Jesus.

2 Juan 1:8

Aypaꞌ kaꞌilangan magꞌintur kamu, isaꞌun ega maꞌilang i piyakarigaan mi, in daꞌga matanggap mi i piyakamagayen nga tumbas.