Mateo 5:3 - Tagbanwa

³ “Magkasagya i mga taw nga, ipagpabetang nira nga talagang egay sadiling kakayaan nga masarigan, in daꞌga Ampuꞌang Diyus lamang, sabap kaꞌuyut sira duꞌun it kanyang kaꞌadiꞌan.

Mateo 5:3 Iomraidhean Croise

2 Cronica 33:12

Kat atkayti nga nabetangan ni Manases, nagpababaꞌ kanya nga banar kat adapan it AMPUꞌANG DIYUS it mga kagiyaringanan ya, baw piyaꞌresan yat kamatuudan i ildaw ya.

2 Cronica 34:27

Namuyaan ku nga ega piyadsen muy ulu mu pagkagneg it mga ampang ngayan pasar it pangukuman ku it itung rugar baw mga taw ya. Baw namuyaan ku gasiꞌ nga nagpababaꞌ ka baw nagsinguliꞌ nga banar it piyanrarasik mu na i pakayan mu, nga biyayaꞌ nat luwaꞌ mu kat adapan ku. Aypaꞌ ka piyagnegan ku i panalangin mu,’ maat it AMPUꞌANG DIYUS.

Mateo 11:25

Kat iti nga timpu, nanalangin si Jesus nga maat ya, “Pagpasalamatan ku ikaw, Amaꞌ, ikaw nga Ampuꞌan it langit baw banwa, sabap itiyagu-taguꞌ muy itu nga mga kamatuudan isaꞌun ega matantuwan it mga magpataꞌas-taꞌas it sadiling kiyaꞌrutan baw pasepsep. Iyan i piyaꞌyagan mu, mga raꞌyat lamang nga may palulus.

Mateo 11:6

Talagang magkasagya nga banar i taw nga ega magduwa-duway pikir sabap it aken.”

Mateo 13:16

Temed talagang magkasagya kamuy imyu ka subuk magkalteg baw magkagneg kamu, ka magkasepsepan mi i mga kamatuudan ngaytu.

Mateo 19:14

Takaꞌ mampang si Jesus, “Ega sulang-sulangen mi i mangaꞌwaꞌ nga magpaꞌasitut aken. Pataꞌnan mi lamang. Sabap mga mapiyababaꞌ nga subung it mangaꞌwaꞌ ngaytu, sira i mapakay nga pasakep it kaꞌadiꞌan it Ampuꞌang Diyus.”

Mateo 24:46

Makasagya talaga i iyan nga uripen in abutan it agalen ya, atkayan nga matuud i buwat ya.

Mateo 25:34

Bawnga aku nga Adiꞌ nira, aaten ku yan i kat iwanan ku nga ayun, maat ku yan, ‘Daliꞌ kamu na, mga inildawan it Amaꞌ ku. Semled kamu na ka duꞌun nay taꞌidan mi it kaꞌadiꞌan ku nga ipiyagꞌareg it imyu garing it pagguna it banwa.

Mateo 3:2

Ipagsugid yat mga taw, nga magꞌaat, “Singuliꞌan baw indiꞌan mi na i mga kasalaꞌan mi, sabap adeꞌdeng nay kaꞌadiꞌan it Ampuꞌang Diyus.”

Mateo 8:11

Talagang matuud tuy iꞌaat ku ngaytut imyu, nga dakel i mabut nga ega Judio nga gumaring kat paꞌari-aring rugar, nga ayun duꞌun it lebatan baw sedpan, nga maꞌiba na Abraham, si Isaac baw si Jacob kat kasagyaan duꞌun it kaꞌadiꞌan it Ampuꞌang Diyus duꞌun it langit.

Marcos 10:14

Pagkamuya ni Jesus kayti, ega napakay ya. Maat yat mga alagad ya ngayti, “Ega sulang-sulangen mi i mangaꞌwaꞌ nga magpaꞌasitut aken. Pataꞌnan mi lamang. Sabap mga mapiyababaꞌ nga subung it mangaꞌwaꞌ ngaytu, sira i mapakay nga pasakep it kaꞌadiꞌan it Ampuꞌang Diyus.

Lucas 11:28

Temed timnubag si Jesus, nga magꞌaat, “Yay matuud, subraꞌ pang magkasagya i magpagneg it ampang it Ampuꞌang Diyus baw pagsunudun ya.”

Lucas 18:14

Matuud talagay iꞌaat kut imyu, nga iti nga taw, miyuliꞌ kanya nga ipagpabetang nat Ampuꞌang Diyus nga mataldeng, ka piyasinsiya nay mga kasalaꞌan ya. Temed iti, Pariseo ngayti, ega. Sabap yay matuud, siyu-siyuy mapiyataꞌas-taꞌas, buwaten kanya nga mababaꞌ, temed iyan mapiyababaꞌ, iyan i ipataꞌas.”

Lucas 22:29

Ta, in magꞌuꞌunu pagꞌaꞌargan akut Amaꞌ ku nga duꞌun it langit it pagkaꞌadiꞌ, atkayan naga pagꞌaꞌargan ku kamu ngaytu it pagkaꞌadiꞌ,

Lucas 22:30

isaꞌun sang tamiyan i magkaꞌen baw magꞌinum duꞌun it kaꞌadiꞌan ku. Baw kaꞌibaan ku na kamu kat pamegbeg ku ngaytut mga taawan ku nga bilang tungtung-inapuꞌ it sang puluꞌ may duwang iriyasyaꞌ ni Israel.”

Lucas 4:18

“Magsasarum situt aken i Espiritu Santo it Ampuꞌang Diyus, ka piniliꞌ baw ipiyasiguru ya aku isaꞌun makapangadal it Magayeng Baritaꞌ duꞌun it mga makukuriꞌ. Tiyaꞌeg ya aku isaꞌun ipaꞌyag ku duꞌun it mga dakepan nga maribri sira, baw iyan subuk beleg ka sakep pat kadleman, maꞌyagan naga sira. Tiyaꞌeg ya aku isaꞌun tabangen talaga i kumpur magkaꞌigpitan,

Juan 20:29

Inaat siꞌ kanya ni Jesus, “Ta, magpamayaꞌ ka na ka naltegan mu na aku. Temed makasagya talaga sira nga magpamayaꞌ maski daꞌsira nakalteg it aken.”

Santiago 1:10

Temed iyan manggaden, magayen sagyaan ya in ipakilala it kanya nga egay kapulusan it kamanggadan ya ngayti kat panleteg it Ampuꞌang Diyus. Ka yay matuud, subung kanya lamang it bura-burak nga madaliꞌ abutun it kamataynen.

Santiago 1:12

Magkasagya talaga i taw nga magpaneꞌteꞌ nga matuud kat pamayaꞌ ya it Ampuꞌang Diyus, maski pagꞌabutun kanya it mga kakuriꞌan nga sukda-sukdan it pamayaꞌ ya ngaytu. Ka basta temeꞌteꞌ, siguradu yan nga tanggapen ya i tumbas nga kaꞌgenan nga egay kaskedan, ka iyan i isiyanggup it Ampuꞌang Diyus kat muꞌsang may pagmaꞌal it kanya.

Santiago 2:5

Ka panawun it pikir mi, mga pagmaꞌalen ku nga sulsug kat pamayaꞌ. Daꞌga ba piniliꞌ it Ampuꞌang Diyus i mga makukuriꞌ situt sinirungat langit, nga siray magmanggaden kat pamayaꞌ baw makaꞌuyut duꞌun it kaꞌadiꞌan nga isiyanggup ya it muꞌsang kamatuudan i pagmaꞌal it kanya?

Mga Ipiyalteg 19:9

Bawnga inaat akut anghil, “Isurat muytu. Magkasagya i piniliꞌ nga makaꞌuyut it paꞌaaten ngayting pagsadu it subuk pangasawa it paꞌaateng Uꞌuybun it Tupa.” Paꞌugdun ya paꞌ, “Matuud tu nga ampang it Ampuꞌang Diyus.”

Mga Ipiyalteg 22:14

Magkasagya talaga sira nga pirmi nga maglimpiyuꞌ it mga pakayan nira, nga ireg sugiden, pagsinguliꞌan i kada kasalaꞌan isaꞌun maꞌawaꞌ. Ka mabgayan sirat pudir nga semled situt siyudad ngaytu baw kumaꞌen it buwaꞌ it kayu ngaytu nga magbegay it kaꞌgenan.

Mga Ipiyalteg 3:17

Maat mi, manggaden kamu, baw bastanti nay muꞌsa. Egay maski unu nga kakurangan. Takaꞌ ega magkaꞌrutan mi nga yay matuud, kaꞌildaw-ildaw kamu, miskin kamu nga egay kaya mi. Beleg kamu baw lebas kamu nga taw.