Mateo 4:9 - Tagbanwa

⁹ Maat siꞌ ni Satanas ngayti, “Talagang ibgay kuytut imu i muꞌsa ngaytu, basta manluud ka nga sumamba it aken.”

Mateo 4:9 Iomraidhean Croise

2 Corinto 4:4

Itung mga taw, daꞌsira magpamayaꞌ sabap, mga pikir nira, piyadlem ni Satanas, kanya nga magpaDiyu-Diyus situt sinirungat langit ngaytu. Pagpadlemen yay pikir nira isaꞌun ega masepsepan nira i kaꞌyagan it Magayen ngaytung Baritaꞌ sabap it kabantugan ni Cristo, kanya nga ladawan it Ampuꞌang Diyus.

Mga Ipiyalteg 19:10

Pagkagneg ku, nanluud aku duꞌun it sarungaan it magpakisugi-sugid ngaytit aken, ka sambaen ku kanya. Temed maat yat aken, “Ayaw! Ega mu buwaten i atkayan. Kaꞌilangan Ampuꞌang Diyus lamang i sambaen mu. Ka aku, manigsirbi ya gasiꞌ subung it imu baw subung it mga sulsug mu kat pamayaꞌ, sira nga magpamatuud it panulduꞌ nga ipiyaꞌrut ni Jesus. Sabap kamatuudan ngayting ipiyaꞌrut ni Jesus, itu nay pagpatalandagan it ampang it mga prupitaꞌ.”

Juan 16:11

Pasar it pangukuman sabap it kasalaꞌan, itanyag ya nga inukumanan na si Satanas ngaytu nga magsasakep situt sinirungat langit.

1 Timoteo 3:6

Kaꞌilangan iyan i mamaalaꞌ, taw nga naꞌlay nang pamayaꞌ, ka in baꞌgu paꞌ, barang makapatuꞌgud ya. Ta in atkayan, ukumanan kanyat panriga subung it ki Satanas ngayting mapiyatuꞌgud.

Mga Ipiyalteg 19:16

Magsusurat duꞌun it pakayan ya baw duꞌun it paꞌa yay ampang nga magꞌaat, “Adiꞌ it muꞌsang mga adiꞌ baw Ampuꞌan it muꞌsang mga agalen.”

Juan 14:30

Ega abwatayen ku nga pakisugi-sugid it imyu, ka magꞌaꞌabut na si Satanas nga magsasakep na situt sinirungat langit. Temed yay matuud, egay pudir yat aken.

Juan 13:3

Urut talaga ni Jesus nga ibinggay nat kanya it Amaꞌ i muꞌsang pudir. Baw urut ya nga kanya, egay beken nga giyaringan ya, duꞌun it Ampuꞌang Diyus, baw duꞌun nagat Ampuꞌang Diyus i uliꞌan ya.

Juan 12:31

Ka naꞌbut nay timpu, kayti na ngaytu, nga betanganan nat ukuman i kumpur kakuntraꞌ ku. Daꞌgen na si Satanas nga magsasakep na situt sinirungat langit.

Mateo 26:15

Maat ya, “Unuy ibgay mit aken in tabangen ku kamu nga madakep si Jesus?” Binilangan kanya nga lagi it kantidad it tulung puluꞌ kat kanirang pirak.

Daniel 4:32

Kayti subuk imugawun ka, nga ega na situt taawan i taꞌidan mu. Kaꞌibaan mu nay mga ramu-ramu baw kumaꞌen ka na it dikut nga subung it mga bakaꞌ. Seledan it pitung taꞌun i kaꞌlay it atkaytuy kabetangan mu, seked it kilalaen mu nga Ampuꞌang Diyus nga Piyakamataꞌas i magbebegbeg it muꞌsa. Kanya i magpaꞌadiꞌ it in siyuy ireg ya nga papagꞌadiꞌen.’

Mateo 4:10

Maat siꞌ i tubag ni Jesus, “Magpaꞌalaid ka na, Satanas! Unu basaꞌan i magsusurat? Daꞌga magꞌaat nga, ‘Ampuꞌang Diyus mu lamang i sambaen mu, baw kanya lamang gasiꞌ i pagsirbiyan mu.’”