Mateo 4:4 - Tagbanwa

⁴ Temed pagtubag ni Jesus, maat ya, “Daꞌga baꞌ magsusurat i inaat it Ampuꞌang Diyus nga magꞌaat, ‘Ega lamang bulun nga pangaꞌen i ipagkaꞌgen it taw, in daꞌga kada ampang nga magliꞌwan kat baꞌbaꞌ it Ampuꞌang Diyus.’”

Mateo 4:4 Iomraidhean Croise

Exodo 16:15

Ega naꞌrutan nira in unuyti. Ingku-ingkutun nay buwat nira. “Bilaꞌ, unu bayan?” maat nira. Maat ni Moises it kanira, “Yanay pangaꞌen nga begay it AMPUꞌANG DIYUS it imyu.”

Exodo 16:35

Manna na ngayti i pangaꞌen it mga Israelita seledat epat nga pulung taꞌun, seked it nakaꞌbut na sira duꞌut Canaan.

Exodo 16:8

Maat pay beken nga inaat ni Moises, “AMPUꞌANG DIYUS i megay it imyu kada apun it pagsedaꞌ baw kada kadedelman bastanting pangaꞌen. Sabap talagang nagnegan yay ipagpakusalaꞌ mi it kanya. Ka yay matuud, ega kami in daꞌga kanya i pagpakusalaꞌen mi ngaytu, ka kanya nga pabetang-betang i muꞌsa ngaytu.”

Mateo 15:11

Ega iyan magseled kat baꞌbaꞌ it taw i magparaꞌway it kanya kat panleteg it Ampuꞌang Diyus, in daꞌga iyan ampang nga maraꞌe-raꞌet nga magliꞌwan kat baꞌbaꞌ ya.”

Mateo 4:10

Maat siꞌ i tubag ni Jesus, “Magpaꞌalaid ka na, Satanas! Unu basaꞌan i magsusurat? Daꞌga magꞌaat nga, ‘Ampuꞌang Diyus mu lamang i sambaen mu, baw kanya lamang gasiꞌ i pagsirbiyan mu.’”

Mateo 4:7

Katubag siꞌ si Jesus, maat ya, “Daꞌga baꞌ magsusurat gasiꞌ, nga, ‘Ega sukdanan mu i Ampuꞌang Diyus mu.’”

Marcos 7:20

Ipiyasigi na ni Jesus i ampang ya, nga maat ya, “Iyan karaꞌe-raꞌetan nga kat nakem nga magliꞌwan kat baꞌbaꞌ it taw, yanay magparaꞌway it kanya kat panleteg it Ampuꞌang Diyus.

Lucas 4:12

Temed maat gay tubag ni Jesus it kanya, “Temed daꞌga baꞌ magsusurat gasiꞌ ngayan nga magꞌaat, ‘Ega sukdanan mu i Ampuꞌang Diyus mu.’”

Lucas 4:4

Temed tiyubag ga kanya ni Jesus, nga magꞌaat, “Daꞌga baꞌ magsusurat i inaat it Ampuꞌang Diyus, nga magꞌaat, ‘Ega lamang bulun nga pangaꞌen i ipagkaꞌgen it taw.’”

Lucas 4:8

Pagtubag siꞌ ni Jesus, “Daꞌga baꞌ magsusurat naga nga, ‘Ampuꞌang Diyus mu lamang i sambaen mu, baw kanya lamang i pagsirbiyan mu.’”

Juan 15:26

Temed pagꞌabut situ it Manigtabang nga papaꞌasituun ku nga garing duꞌut Amaꞌ, kanya i pamatuud it aken. Kanya, Espiritu Santo ngaytu, i manigpaꞌrut it kamatuudan baw pagtaꞌgen it Amaꞌ ku.

Juan 6:63

Mga ipagtulduꞌ ku ngaytu, egay beken nga uliꞌan, mga bagay pasar it kiyarurwa baw kaꞌgenan nga egay kaskedan. Yay matuud, mga bagay nga pagpaꞌiguꞌan it panulduꞌ ku ngaytu, iyan i mapisiꞌan it kaꞌgenan ngaytu. Egaytu makabgay it isi nga pagkaꞌnen.

Roma 15:4

Ega lipaten mi nga, muꞌsa nga magbebtang duꞌun it kasuratan garing paꞌ it tagnaꞌ, panulduꞌ naytut Ampuꞌang Diyus it aten. Ka sabap it ampang ya ngaytu magkasagkaꞌ ta it mga kakuriꞌan nga magꞌabut it aten, baw pagpaksegen i nakem tami isaꞌun subraꞌ nga maꞌingget i paniguru ta it kagayenan nga maꞌaten kat pagdadarapaꞌen.

Efeso 6:17

Pagdedemdemen mi nga pirmi i karibriyan mi ka yay piyakakatupung mi. Baw iyan piyakabasiꞌ mi nga iꞌindaꞌeg it mga kalaban mi ngaytu, mga ampang it Ampuꞌang Diyus nga ampangen mi kat tabang it Espiritu Santo.