Mateo 4:10 - Tagbanwa

¹⁰ Maat siꞌ i tubag ni Jesus, “Magpaꞌalaid ka na, Satanas! Unu basaꞌan i magsusurat? Daꞌga magꞌaat nga, ‘Ampuꞌang Diyus mu lamang i sambaen mu, baw kanya lamang gasiꞌ i pagsirbiyan mu.’”

Mateo 4:10 Iomraidhean Croise

Mateo 16:23

Temed siyarunga kanya ni Jesus baw inaat, “Paꞌalaid ka situt aken. Basta magꞌampang ka nga subuk ki Satanas, palsa ka lamang it aken. Iyan i kat pikir mu, ega kaꞌirgan it Ampuꞌang Diyus, in daꞌga kat taw lamang.”

Marcos 1:13

Epat nga pulung aldaw i kaꞌlay ya duꞌun. Siyukdanan kanya ni Satanas, in unu makapakursud ya. Duꞌut rugar ngayti, may maꞌiꞌiseg nga mga ramu-ramu, temed pagsirbiyan si Jesus it mga anghil.

Lucas 10:18

Katubag si Jesus, maat ya, “Talagang nagpasar kat mata ku i pagꞌulug it ki Satanas nga garing duꞌun it langit. Subung talaga it kilat i kadali-daliꞌ.

Lucas 11:18

In beteꞌ si Satanas, pagꞌimugawun ya i mga pagsasakpen ya nga maraꞌe-raꞌet, daꞌga diri ya naga i pagkuntraꞌen ya? Ta, magꞌuꞌunu maneꞌteꞌ i kaꞌadiꞌan ya? Daꞌga ega? Aypaꞌ ega mapakay i pagꞌaaten mi nga magkaꞌimugaw akut mga maraꞌe-raꞌet sabap it binggayan aku ni Beelzebub it itu nga kakayaan.

Lucas 13:16

Ta kayti, itu nga babay nga tungtung-inapuꞌ naga ni Abraham, sang puluꞌ baw walu na nga taꞌun i kaꞌlay it subuk pagbabayukun kanya ni Satanas. Daꞌga baꞌ kaꞌilangan nga subuk uꞌbadan na kanya, maski Aldaw it Kapaꞌnaan?”

Lucas 22:3

Ta, piyanakman na ni Satanas si Judas Iscariote, esa kat sang puluꞌ baw duwa ngayting mga alagad, nga idagang ya si Jesus.

Lucas 22:31

Bawnga maat ni Jesus it ki Simon Pedro, “Simon, pagꞌangutun kamu ni Satanas nga sukda-sukdanan ya. Ta, ipagpalugut nga kamung muꞌsa, masukdanan i pamayaꞌ mi.

Lucas 4:8

Pagtubag siꞌ ni Jesus, “Daꞌga baꞌ magsusurat naga nga, ‘Ampuꞌang Diyus mu lamang i sambaen mu, baw kanya lamang i pagsirbiyan mu.’”

Juan 13:27

Pagkakawaꞌ ni Judas it tinapay ngayti, nagpasarum na duꞌut kanya si Satanas. Maat ni Jesus, “Ta, ereg-eregen mu nay kubwaten mu ngayan.”

Mga Binwat 26:18

Sira ngaytu nga ega Judio i tulduꞌan mu isaꞌun kamukrat sira ka kayti, subuk beleg sira. Tulduꞌan mu sira isaꞌun kaliꞌwan sirat kadleman it kasalaꞌan baw pamegbeg ni Satanas, ka paꞌugad na sira kat kaꞌyagan nga ibgay it Ampuꞌang Diyus, nga pasakep na sirat kanya. Ka in mamayaꞌ sirang matuud it aken, mapasinsiya i mga kasalaꞌan nira baw makaꞌuyut sira kat mga taw nga piniliꞌ baw ipiyapinpin it Ampuꞌang Diyus nga mga taawan ya.’”

Mga Binwat 5:3

Temed maat ni Pedro it kanya, “Ananias, unuka siyumbayaꞌ mu i panakem ni Satanas it imu nga ambutan i Espiritu Santo? Tanud mu mataguꞌ i piyagꞌuyunan mi duwa magꞌasawa nga idawaꞌ mi nagay beken.

1 Corinto 5:5

iyan taw ngayan nga magbuwat it maraꞌway, awaꞌen mi na kat gurupu mi nga iꞌuliꞌ na duꞌut pamegbeg ni Satanas, isaꞌun sana singuliꞌan ya i pagsumbayaꞌ ya it kaꞌiꞌirgan ya nga maraꞌway. Ka in atkayan maribri naga kat aldaw ngayan nga ipangukuman it Ampuꞌan.

1 Corinto 7:5

Ayaw kamut daꞌga it asawa mi, magpuyrat piyagꞌupakatan mi nga daꞌkamu daꞌan magꞌulid it pirang aldaw isaꞌun kasarunga it magayen it panalangin. Ta in matupus mi na i timpu nga piyagꞌupakatan mi, kaꞌilangan magꞌulid kamu siꞌ. Atkaytuy magayen isaꞌun daꞌkamu marayak ni Satanas nga sumalya kat taw nga ega asawa mu, in beteꞌ ega magkapuꞌgunan mi i sadili mi.

2 Corinto 11:14

Egaytu dapat nga maliluꞌan i panluku nira ngaytu, sabap magpasbung sira naga it pagbayaꞌen nira nga si Satanas. Ka si Satanas ngaytu, maski gimpuꞌun kanya it karaꞌe-raꞌetan, paglukuun yay mga taw isaꞌun ipabetang nira kanya nga esang anghil nga garing duꞌun it kaꞌyagan nga duꞌun it Ampuꞌang Diyus.

2 Corinto 12:7

Temed, it isaꞌun ega magbaraꞌ aku nga taw nga mapiyalandi-landi sabap it mga kalililuꞌan ngaytung bagay nga ipiyalteg it Ampuꞌang Diyus it aken, baw isaꞌun maꞌindaꞌeg i mga singkadan ku nga kaꞌiꞌirgan nga maraꞌe-raꞌet, ipiyalugut it Ampuꞌang Diyus nga pakuriꞌan aku it esang taraꞌgen ni Satanas, nga kabilangan ya naꞌli nga dugi kat bilug ku, nga subung nat diꞌki-diꞌkit pagpasakitan ya aku.

2 Corinto 2:11

isaꞌun baꞌ daꞌtami daꞌgen ni Satanas. Sabap maꞌyag na it aten i mga pagꞌantapen it nakem ya nga karaꞌe-raꞌetan.

Deuteronomio 10:20

Ta, siguruun mi nga galangen mi it may iꞌlam i AMPUꞌANG DIYUS mi. Teꞌteꞌan mi kanya, baw kanyang ngaran lamang i sangpiten mi in magsanggup kamu.

Santiago 4:7

Aypaꞌ pasakep kamu nga matuud it Ampuꞌang Diyus. Iyan si Satanas, ega na pasaleꞌsegen mi, in daꞌga labanan mi kanya. Simpri in atkayay mamuyaan ya, paꞌalaid kanya talaga asan it imyu.

Josue 24:14

Aypaꞌ kayti ngaytu, kaꞌilangan galangen mi it may iꞌlam i AMPUꞌANG DIYUS ngaytu baw sirbiyan mi kanya it kamatuudan. Indiꞌan mi na i mga pagbete-beteꞌen nga diyus nga nasulagan nga pagsambaen it mga kiyaꞌapuꞌ-apuꞌan mi duꞌun it Mesopotamia baw duꞌun it Egipto. Siguruun mi nga AMPUꞌANG DIYUS na lamang i pagsirbiyan mi.

1 Pedro 5:9

Ega pasaleꞌsegen mi, in daꞌga labanen mi kanya. Papaꞌgenen mi i pamayaꞌ baw pagsarig mit Ampuꞌan. Ka urut mi na nga ega lamang kamu i maglabay it atkaytung mga kakuriꞌan, in daꞌga muꞌsang mga sulsug mi kat pamayaꞌ situt sinirungat langit.