Mateo 3:6 - Tagbanwa

⁶ Pamagsinguliꞌan nira i mga kasalaꞌan nira baw magpabawtis na sirat ki Juan duꞌut danum it Jordan ngayti, nga magpamatuud it indiꞌan na niray kasalaꞌan.

Mateo 3:6 Iomraidhean Croise

Daniel 9:4

Kat panalangin ku duꞌun it kanya ngaytu, inamin kuy mga kasalaꞌan namen nga mga taawan ya. Maat ku, “Ampuꞌang Diyus nga magbebegbeg it muꞌsa, ikaw i landaw nga gunaan, nga dapat namen nga galangen it may iꞌlam. Pagtumanen mu i mga sanggup mu kat mga matuud nga magmaꞌal it imu baw kamatuudan nga magsunud it mga urdin mu.

Mateo 3:11

Pagbawtisen ku kamu situt danum, bilang tandaꞌanan lamang it pagsinguliꞌ baw pangindiꞌ mit mga kasalaꞌan mi. Temed yay matuud, iyan mabut nga magsusunud it aken, kanya nga ibawtis it imyu, Espiritu Santo baw apuy. Talagang landaw paꞌ kanya it aken. Maski mawaꞌ it talumpaꞌ ya, ega mapakay nga mabwat ku, ka subrang banar i kataꞌasan ya.

Marcos 1:5

Mamagpuꞌsa-puꞌsa it paꞌaduꞌut kanya i mga taw duꞌun it mga lansangan nga sakep it Judea, pati mga taga Jerusalem. Pamagsinguliꞌan nira i mga kasalaꞌan nira baw magpabawtis na sirat ki Juan duꞌut danum it Jordan, nga magpamatuud it indiꞌan na niray kasalaꞌan.

Lucas 1:16

Talagang dakel nga tungtung-inapuꞌ ni Israel i ipapaꞌuliꞌ ya duꞌun it Ampuꞌang Diyus nira.

Lucas 3:16

Pagkamuya ni Juan kayti, maat ya it mga taw ngayti, “Pagbawtisen ku kamu situt danum. Temed yay matuud, iyan mabut nga magsusunud it aken, kanya nga ibawtis it imyu, Espiritu Santo baw apuy. Talagang landaw paꞌ kanya it aken. Kamatuudan, maski muꞌbad it seget it talumpaꞌ ya, ega mapakay nga mabwat ku, ka subrang banar i kataꞌasan ya.

Mga Binwat 1:5

Ka danum i ipagbawtis ni Juan it tagnaꞌ, temed kamu, Espiritu Santo i ibawtis it imyu it ega na maꞌlay nga timpu, ka pasarum na kanya kat bilug mi.”

Mga Binwat 11:16

Duꞌun nademdeman ku i inampang ngayat Ampuꞌan, nga maat ya ngayan, ‘Danum i ipagbawtis ni Juan, temed kamu, Espiritu Santo i ibawtis it imyu.’

Mga Binwat 19:18

Garing duꞌun kayti, dakel i mga magpamayaꞌ nga subuk nasulag. Aypaꞌ ipiyalbaw nira baw sininguliꞌan i mga kasalaꞌan nira duꞌun it adapan it kadakel.

Mga Binwat 22:16

Bawnga inaat ya siꞌ aku, ‘Ta, unu pay pagꞌelaten? Timindeg ka na baw pabawtis. Manalangin ka duꞌun it Ampuꞌang Diyus nga mangut it pasinsiyaen i mga kasalaꞌan mu.’

1 Corinto 10:2

Kabilangan ya, subuk nabawtisan sirang muꞌsa duꞌut kunum ngayti baw duꞌun it dagat, tandaꞌ it mga manigsunud sira ni Moises nga magpanguꞌna it kanira.

Colosas 2:12

Ka iyan biyawtisan kamu, subuk iba kamu ni Cristo it ilimbeng baw inggen it paꞌuliꞌ sabap it pagsarig baw pamayaꞌ mi it guna it Ampuꞌang Diyus, yanagang guna nga minggen it kanya it paꞌuliꞌ.

Hebreo 6:2

Maꞌyag gasiꞌ siguru it imyu i pangadal pasar it pagbawtis baw beken nga ipagkalimpiyuꞌ kat panleteg it Ampuꞌang Diyus, baw pangadal pasar it panapal, pasar it pagꞌegen it paꞌuliꞌ it mga miyatay na, baw pasar it pangukuman nga panrigang egay kaskedan.

Hebreo 9:10

Sabap buwat nira ngayting atkayti, iyan lamang i pagpaꞌiguꞌan, mga bagay-bagay sabap it bilug it taw, nga subuk pangaꞌen, pagꞌimnun, baw paglimpiyuꞌ. Mga itu ngaytu nga urdin, magpapanaw tu seked it ega paꞌ ipiyatindeg it Ampuꞌang Diyus i baꞌgung pakiꞌupakat ya nga subrang magayen.

Santiago 5:16

Aypaꞌ in may nabwat mi nga kasalaꞌan duꞌun it masigkataw mi, kaꞌilangan aminen mi duꞌun it kanya nga magꞌangut it pasinsiyaen. Bawnga magsigpanalangin kamu isaꞌun pagayenen kamu it Ampuꞌan. Ka talagang may paglapusan it panalangin it taw nga mataldeng kat panleteg it Ampuꞌang Diyus, nga dakulaꞌ nga banar i magkabwat it panalangin ngaytu.

Josue 7:19

Pagkaꞌanu kayti inaat ni Josue si Acan ngayti, “Dunguꞌ, kayti kat adapan ka it AMPUꞌANG DIYUS it Israel. Kaꞌilangan isugid mu i kamatuudan. Egay itaguꞌ mu nga maski unu. Unu nga matuud i binwat mu?”

1 Pedro 3:21

Aypaꞌ sikayan may mapisiꞌ ta nga ladawan it karibriyan ta, sabap iyan biyawtisan ta, ladawan yan it bilang binilwat ta gasiꞌ kat panriga. Sabap pagbawtis ngaytu, ega maat magꞌawaꞌ it buring kat bilug ta, in daꞌga, magpamatuud tu nga miyangut tami na it kapasinsiyaan it mga kasalaꞌan tami. Aypaꞌ ega nay pagꞌiꞌlaman tami nga panriga it Ampuꞌang Diyus. Kapasinsiyaan ngaytu, mapakay na talaga sabap it inggen it paꞌuliꞌ si Jesu-Cristo.

1 Juan 1:9

Temed in pagꞌaminen tami duꞌun it Ampuꞌang Diyus i mga kasalaꞌan ta, masiguru ta nga ipasinsiya yat aten i mga itu ngaytu, baw limpiyuꞌun ya kita kat muꞌsang karaꞌe-raꞌetan ta, sabap purus kamatuudan i kanya baw talagang mataldeng.