Mateo 3:4 - Tagbanwa

⁴ Inabel nga bulbul it ramu-ramu nga kamelyo i pakayan ni Juan ngayti, baw sambut ya binwat nga kulit it bakaꞌ. Payaꞌtung nga apan baw deges it putyukan i pangaꞌen ya.

Mateo 3:4 Iomraidhean Croise

Malakias 4:5

Temed parabir mabut i kaiꞌlaman baw ega basta-bastang aldaw nga ipangukuman it AMPUꞌANG DIYUS it katataawan, taꞌgen ku i prupitaꞌ nga si Elias nga paꞌasan it imyu.

Mateo 11:18

Subung kamuy imyu it kanira, ka ega gasiꞌ magkapakay mi i maski unu. Sabap si Juan, magpuwasa kanya baw ega magꞌinum it irimnun nga kalalangu. Ta, pagꞌaaten it katataawan nga pagpapulpugun kanyat maraꞌe-raꞌet.

Mateo 11:8

Unu baꞌ talagay kultegan mi duꞌun? Esang taw nga piyakamagayen i pakayan ya? Simpri ega gasiꞌ, sabap iyan baꞌ, atkaytu ngaytu nga taw, duꞌun lamang it pamalay-balay it adiꞌ.

Marcos 1:6

Inabel nga bulbul it ramu-ramu nga kamelyo i pakayan ni Juan ngayti, baw sambut ya, binwat nga kulit it bakaꞌ. Payaꞌtung nga apan baw deges it putyukan i pangaꞌen ya.

Lucas 1:17

Ka kanya ngaytuy taꞌgen nga muꞌna it isiyanggup nga Cristo. Yay matuud, kat pagmaꞌiseg it nakem ni Juan ngayti baw kat guna it Ampuꞌang Diyus nga duꞌut kanya, subung talaga kanya it ki Elias ngayting prupitaꞌ it tagnaꞌ paꞌ. Sabap kat panulduꞌ ya, magkagayen siꞌ i mga amaꞌ baw mga anak. Baw papaꞌuliꞌen ya kat kasepsep it mga mataldeng i mga ega mamagsunud it Ampuꞌang Diyus, isaꞌun kat panulduꞌ ya ngayti, masiguru ya nga pagꞌabut it Ampuꞌan, magꞌaꞌalistu nay mga taawan ya.”

Mga Ipiyalteg 11:3

nga yay sang ribu baw duwang gatus baw enem nga pulung aldaw. Temed may papaꞌasanen ku yan nga duwang manigpamatuud ku, nga mamagpapakay it maꞌerep nga tandaꞌ it kasmek. Ta, seledat mga aldaw ngaytu, sigi yan nga pangadal nira it pasar it Ampuꞌang Diyus baw ampang ya nga kaꞌilangan nga magsinguliꞌ i taw.”