Mateo 3:16 - Tagbanwa

¹⁶ Iyan nabawtis na si Jesus, nga magpatingdal na, sakaling miyabri i langit. Naltegan ya i Espiritu Santo it Ampuꞌang Diyus nga magpapasalu duꞌun it kanya, nga subung it kalapatiꞌ i pamabilug.

Mateo 3:16 Iomraidhean Croise

Isaias 11:2

Pasarum duꞌun it kanya i Espiritu Santo it AMPUꞌANG DIYUS, nga yay tumaban it kanya it kasepsep it muꞌsang bagay. Kat keseg gasiꞌ it Espiritu Santo ngaytu, kumaꞌrut kanya nga banar, paꞌiguꞌ-iguꞌ kanya it magayen, baw magmaꞌiseg i nakem ya kat pagsarunga it katengdanan ya it may kamatuudan nga galang nga may iꞌlam ya it AMPUꞌANG DIYUS.

Marcos 1:10

Desang magpatingdal na si Jesus, naltegan ya nga sakaling miyabri i langit, baw nagpasalu duꞌun it kanya i Espiritu Santo it Ampuꞌang Diyus, nga subung it kalapatiꞌ i pamabilug.

Isaias 42:1

Maat it Ampuꞌang Diyus, “Waytu na i manigsirbi ku nga pagtabangen ku. Piniliꞌ ku kanya baw pagsagyaan ku kanya nga banar. Piyapasaruman ku kanya it Espiritu Santo ku baw kamatuudan nga kataldengan i ipapanaw ya kat muꞌsang mga bangsa.

Mga Binwat 7:56

“Aruy”, maat ya, “letganan mi ti! Magkaltegan ku, inabri i langit. Waytiꞌen magtitindeg duꞌun it iwanan nga ayun it Diyus Amaꞌ si Jesus ngayting taga langit nga ipiyanganak it taw!”

Juan 3:34

Sabap iyan nga tiyaꞌeg it Ampuꞌang Diyus, simpri egay beken nga ipagsugid ya in daꞌga iyan ipagpasugid nagat Ampuꞌang Diyus, sabap may Espiritu Santo na duꞌut kanya nga egay kaskedan it tabang ya.

Juan 1:51

Kamatuudan talagay ipagsugid ku ngaytut imu. Maltegan mu nga abri i langit baw mga anghil it Ampuꞌang Diyus, mapyat, lumampud, magpaꞌasitut aken nga Taga Langit nga Ipiyanganak it Taw.”

Mga Binwat 1:22

garing it pagpamawtis ni Juan seked it miyuliꞌ na si Jesus duꞌun it langit, ka idungag it kadakel namen nga manigpamatuud it pagꞌegen ni Jesus ngaytu it paꞌuliꞌ.”

1 Juan 5:6

Si Jesu-Cristo ngaytu, kanyay limnampud situt denaꞌ. Biyawtis kanya duꞌun it danum. Ipiyaturuꞌ i duguꞌ ya kat kamataynen ya. Talagang ega lamang desang nagpabawtis kanya duꞌun it danum, in daꞌga ipiyaturuꞌ ya naga gasiꞌ i duguꞌ ya. Baw yay magpamatuud kaytu, Espiritu Santo, sabap purus kamatuudan i ipagpaliꞌwan it Espiritu Santo ngaytu.