Mateo 3:12 - Tagbanwa

¹² Kanya ngaytu i mukuman it mga taw. Ka subung it pagseskelen ya i aꞌawꞌaw ya, nga iꞌawꞌaw ya it kuꞌut. Bulunun ya i legas ka idawaꞌ duꞌut lagkaw. Temed iyan kuꞌut ngaytu, idaꞌpug duꞌun it apuy nga ega magpugda-pugdaw seked it kaꞌnu-kaꞌnu.”

Mateo 3:12 Iomraidhean Croise

Isaias 5:24

Talagang in magꞌuꞌunu magpangimpus i tiyaꞌbas in tuꞌug na nga tuꞌug, atkayan i mabetangan nira. Makasbung sira it luwak nga raꞌmuk nay mga gamut baw ipagperad na i burak ka tuꞌug na. Mabut i muꞌsa ngaytu sabap siyutilan na niray mga urdin it AMPUꞌANG DIYUS nga landaw nga gunaan, baw tinibabaꞌ niray ampang it Ega Babasta-bastaen nga Ampuꞌang Diyus it bangsa nira nga Israel.

Isaias 66:24

Pagpanliꞌwan nira duꞌun it papagsambaan, lumanggang na sira it mga pagrigaen ku na nga mga miyatay nga kimnuntraꞌ it aken. Iyan reetat ulud nga mamagkaꞌen it kanira, ega magpata-patay. Atkayan naga i apuy nga talpakan it kanira, ega magpamu-pamugdaw. Talagang, kabetangan nira, maraꞌway na nga ereꞌeret nga pagletganan it masigkataw nira.”

Malakias 4:1

“Dedemdemen mi tu, mabut talagay aldaw nga puuꞌun ku i muꞌsang mga mapiyasubraꞌ baw mga mamumuwat it karaꞌe-raꞌetan. Kat iyan nga aldaw, maꞌanteng sira nga subung it dagami duꞌun it dakulang apuy nga magdidigalang it panugu-sugu. Talagang egay maꞌped it kanira,” maat it AMPUꞌANG DIYUS nga landaw nga gunaan.

Mateo 13:30

Pataꞌnan mi nay kemseg i muꞌsa. Elaten nay pakakayeg. Ka in pakakayeg na, sekaten ku yan i mga manigkayeg nga yay uꞌnaen nira, ilamunun ngayan baw pamegkesen ka suriban. Isunud mana i tirigu, ka iyan i iduꞌun it lagkaw ku.’”

Mateo 13:41

Sekaten it Taga Langit nga Ipiyanganak it Taw i mga anghil ya, ka tingpeden nira baw ipablag duꞌun it mga taawan ya nga kat pamegbeg it Ampuꞌang Diyus i muꞌsa nga magpakursud kat kasalaꞌan baw muꞌsa nga mamumuwat it karaꞌe-raꞌetan.

Mateo 13:42

Ka buwaten it kanira, italpak i ega ngaytu taawan it Ampuꞌang Diyus duꞌun it masgu nga masgu nga apuy nga egay kapugdawan ya. Duꞌun gemeget nay nipen nira baw gumarwak na sirat daꞌna pateng.

Mateo 13:43

Temed iyan mga mataldeng kat panleteg it Ampuꞌang Diyus, masingkar nay kabantugan nira nga subuk aldaw duꞌun it kaꞌadiꞌan it Amaꞌ nira nga Ampuꞌang Diyus. Aypaꞌ it pagꞌargan it talinga, ipagpagneg, kaꞌilangan pagnegan mit magayen i pagꞌaaten ku ngaytu.”

Lucas 3:16

Pagkamuya ni Juan kayti, maat ya it mga taw ngayti, “Pagbawtisen ku kamu situt danum. Temed yay matuud, iyan mabut nga magsusunud it aken, kanya nga ibawtis it imyu, Espiritu Santo baw apuy. Talagang landaw paꞌ kanya it aken. Kamatuudan, maski muꞌbad it seget it talumpaꞌ ya, ega mapakay nga mabwat ku, ka subrang banar i kataꞌasan ya.

Lucas 3:17

Kanya ngaytu i mukuman it mga taw. Ka subung it pagseskelen ya i aꞌawꞌaw ya, nga iꞌawꞌaw ya it kuꞌut. Bulunun ya i legas ka idawaꞌ duꞌut lagkaw. Temed iyan kuꞌut ngaytu, idaꞌpug ya duꞌun it apuy nga ega magpugda-pugdaw seked it kaꞌnu-kaꞌnu.”

Juan 15:2

Pagsapiꞌen yay kada sanga ku nga ega magbuwaꞌ, baw pagꞌawanan ya gasiꞌ i kada sanga nga magbuwaꞌ isaꞌun subraꞌ nga dumakulaꞌ i buwaꞌ it pamayaꞌ kat pangaꞌgenan ya.