Mateo 3:1 - Tagbanwa

¹ Kat iti nga timpu, si Juan nga uꞌna-uꞌnang namawtis, nagpapuꞌun na kanyat mangadal, duꞌun it rugar nga kapupuyangtan nga duꞌut Judea.

Mateo 3:1 Iomraidhean Croise

Mateo 11:11

Matuud talagay iꞌaat ku ngaytut imyu, nga kat muꞌsa nga piyapagtaw situt banwa, ega pay limniꞌwan seked kayti nga kasubraꞌ it kataꞌasan ni Juan ngaytu nga uꞌna-uꞌnang namawtis. Temed kayti, maski raꞌyat basta pasakep kanyat kaꞌadiꞌan it Ampuꞌang Diyus, talagang kasubraꞌ paꞌ kanyat ki Juan ngaytu.

Mateo 11:7

Pagkagaring it mga alagad ngayti ni Juan, may inaat ni Jesus it kadaklan ngaytit mga taw pasar it ki Juan. Maat ya, “Iyan namagpaꞌaduꞌun kamu it ki Juan duꞌun it rugar nga kapupuyangtan, unuy pagtulusun mi duꞌun? Taw nga alang-alang, nga subuk rabung nga magduyug-duyug ka pagpesagen it deres? Simpri ega.

Mateo 16:14

Katubag i mga alagad ya ngayti, maat nira, “Maat i beken, si Juan ka ngayting magpamawtis. Ta kat beken, si Prupitaꞌ Elias ka kunuꞌ. May magꞌaat paꞌ nga si Prupitaꞌ Jeremias ka u esa ka kat mga prupitaꞌ ngayting beken it tagnaꞌ nga nagꞌegen it paꞌuliꞌ.”

Mateo 21:32

Sabap naꞌasitu nat imyu si Juan ngayan nga magpamawtis baw ipiyatantu yat imyu i mataldeng nga pangaꞌgenan. Takaꞌ ega pagpamayaꞌnen mi kanya. Temed piyamayaꞌ kanya it mga manigpabayad ngayti it barayadan baw mga babay nga ipagpanulus i bilug. Namuyaan mi nagay namayaꞌ na sira, temed daꞌkamu namayaꞌ it panulduꞌ ya.”

Mateo 3:8

Kaꞌilangan nga ipamatuud mi kat pangaꞌgenan mi nga magsinguliꞌ kamu na nga matuud.

Marcos 1:15

Ipagpangadal ya nga magꞌaat, “Naꞌbut nay ipiyabetang-betang nga timpu. Adeꞌdeng nay kaꞌadiꞌan it Ampuꞌang Diyus. Singuliꞌan mi nay mga kasalaꞌan mi baw indiꞌan mi na. Pamayaꞌnen mi i Magayen ngaytung Baritaꞌ.”

Marcos 1:2

Nagpapuꞌun tu it iyan natuman i isiyurat it mga prupitaꞌ it tagnaꞌ, nga magꞌaat, “Yay matuud, may taꞌgen ku nga makauꞌna it imu, ka asikasuun ya i panawan mu.”

Lucas 1:76

Ta, ikaw na, anak ku, taꞌwagen ka nga prupitaꞌ it Ampuꞌang Diyus nga Subrang Piyakamataꞌas. Sabap makauꞌna ka it Ampuꞌan isaꞌun asikasuun mu i panawan ya.

Lucas 7:24

Pagkagaring it mga tiyaꞌeg ngayti ni Juan, may inaat ni Jesus it kadaklan ngaytit mga taw duꞌun pasar it ki Juan. Maat ya, “Iyan namagpaꞌaduꞌun kamu it ki Juan duꞌun it kapupuyangtan nga rugar, unuy pagtulusun mi duꞌun? Taw nga alang-alang, nga subuk rabung nga magduyug-duyug ka pagpesagen it deres? Simpri ega.

Mga Binwat 1:22

garing it pagpamawtis ni Juan seked it miyuliꞌ na si Jesus duꞌun it langit, ka idungag it kadakel namen nga manigpamatuud it pagꞌegen ni Jesus ngaytu it paꞌuliꞌ.”