Mateo 26:5 - Tagbanwa

⁵ Temed maat nira, “Ega itakaꞌ it pistaꞌ ka barang mangiseg baw magkagulu i kadakel it mga taw.”

Mateo 26:5 Iomraidhean Croise

Mateo 14:5

Kuꞌimatayen sana ni Herodes si Juan ngayti, temed magꞌiꞌlam kanya it pagsasakpen ya nga mga Judio sabap pagkilalaen nira nga prupitaꞌ si Juan ngayti nga magpamawtis.

Mateo 21:26

Temed in aaten ta gasiꞌ, ‘Garing it taw,’ barang unuy buwaten it aten it mga katataawan? Sabap pagkilalaen it puꞌsa nga si Juan ngayti, esa nga prupitaꞌ.”

Mateo 27:24

Iyan namuyaan ni Pilato nga egay magkabwat ya, in daꞌga subraꞌ nang magkagulu i mga taw ngayti, nagpapisiꞌ kanyat danum bawnga nangugas kanya it alima ya duꞌun it sarungaan it kadakel ngayti. Miyampang kanya nga magꞌaat, “Limpiyuꞌ nay aken nga alima. Iyan egay aken nga uyu-uyut it kamataynen it itung taw. Baalaꞌ kamu!”

Marcos 14:12

Miyabut nay aldaw nga papuꞌun nat Pistaꞌ it Tinapay nga Egay Ipagpaꞌalsa, aldaw nga ipagꞌimatay it uꞌuybun it tupa nga kaꞌadatan it Pistaꞌ it Tiyaꞌliban. Iningkut si Jesus it mga alagad ya, “Agalen,” maat nira, “ari ireg mu nga pagsimpanan namen it adat it pangiyapun ngaytu nga Pistaꞌ it Tiyaꞌliban?”

Marcos 14:2

Temed maat nira, “Ega itakaꞌ it pistaꞌ ka barang mangiseg baw magkagulu i kadakel it mga taw.”

Marcos 14:27

Uyut it mga inampang ni Jesus it iting delem i sasar ya nga magꞌaat, “Kayti nga delem, muꞌsa kamu, kumurang i pamayaꞌ mit aken. Tananan mi nayan aku. Ka subung nat inaat ngayan duꞌun it isiyurat nga ampang it Ampuꞌang Diyus ngayan, nga magꞌaat, ‘Imatayen ku i manigꞌeper. Aypaꞌ baraꞌan it mga tupa, matari-tariwanak na.’

Lucas 20:6

Temed in aaten ta gasiꞌ, ‘Garing it taw,’ siguru nga buntalan tamit batu it kadakel ngaytu sabap pagkilalaen nira nga prupitaꞌ si Juan ngayti.”

Lucas 22:7

Miyabut nay aldaw nga papuꞌun nat Pistaꞌ it Tinapay nga Egay Ipagpaꞌalsa, aldaw nga ipagꞌimatay it uꞌuybun it tupa nga kaꞌadatan it Pistaꞌ it Tiyaꞌliban.

Juan 18:28

Garing duꞌun it balay ni Caifas, tiyaban sit mga Judio si Jesus duꞌun it balay it gubirnadur nga Romano. Magpangyag na it iting uras. Ega siminled i mga Judio duꞌut balay it gubirnadur, isaꞌun daꞌsira ipabetang nga ega mapakay nga kumaꞌen it pangiyapun nga Tiyaꞌliban.

Mga Binwat 19:29

Unupat nagulu nay sang kasiyudadan. Egay beken, miyuꞌsa na sirat dimnaliꞌ duꞌun it papagtingpedan nira nga rugar. Pagrarayaken it beken i duwang kataawan nga kaꞌibaan ni Pablo, nga si Gayo baw si Aristarco nga taga Macedonia.

Mga Binwat 21:38

“Daꞌga baꞌ basaꞌan, ikaw i taga Egipto ngayan nga magpanggulu it tagnaꞌ? Daꞌga baꞌ nangukus kat epat nga ribung kataawan nga mangingimatay, nga tiyaban mu duꞌun it kapupuyangtan nga rugar bawnga magpanrangpas kamu na?”

Mga Binwat 4:28

Temed ta, kumpur napikir nira nga kubwaten, uyun nga muꞌsa it ipiyabetang-betang mu naga nga magꞌabut.