Mateo 26:4 - Tagbanwa

⁴ Pagrundingen nira nga maꞌakalan nira si Jesus isaꞌun madakep nira kanya baw maꞌimatay.

Mateo 26:4 Iomraidhean Croise

Genesis 3:1

Iyan dukul nga esa gasing giyuna it AMPUꞌANG DIYUS, kanyang adat nga mapiyandaya-dayaꞌ, subraꞌ paꞌ it muꞌsang ramu-ramu nga beken nga giyuna it AMPUꞌANG DIYUS. Miningkut kanya it babay ngayti, nga maat ya, “Unu, matuud nga inaat kamut Ampuꞌang Diyus nga may mga kayu situt kalulwakan ngaytu nga ega salyaen mit kumaꞌen i buwaꞌ nira?”

Mateo 12:14

Temed nagliꞌid i mga Pariseo, ka namagrunding sira in magꞌuꞌunu maꞌimatay si Jesus ngayti.

Mateo 23:33

Mga dukul kamu. Talagang mga mapiyandayaꞌ kamu nga subung it dukul. Daꞌkamu makaribri it panriga nga duꞌun it apuy nga egay kapugdawan ya.

Marcos 14:1

Duwang aldaw mana, ipagpistaꞌ na nira it Pistaꞌ it Tiyaꞌliban baw Pistaꞌ it Tinapay nga Egay Ipagpaꞌalsa. Iyan mga pagbayaꞌen it sasirduti baw mga manigpaꞌyag it urdin, sigi nga pagrundingen nira in magꞌuꞌunu maꞌakalan nira si Jesus isaꞌun madakep nira kanya baw maꞌimatay.

Juan 11:53

Garing it iting aldaw, pagtulusun na nira in magꞌuꞌunu nira maꞌimatay si Jesus.

Mga Binwat 13:10

Maat i inampang ya, “Ikaw ngaytu nga taw, subuk nagpaꞌanak ka nat ki Satanas! Purus pangakal baw kalukuwan i muꞌsang pagbuwaten mu. Maski unung kataldengan, pagkalabanen mu. Unu, ega paꞌ pedkanan muy buwat mu ngayan nga pagpakiꞌambutun muy kamatuudan nga ampang it Ampuꞌang Diyus?

Mga Binwat 7:19

Dakulaꞌ nang binwat ya nga pangakal kat bangsa ta. Piyakuriꞌan ya nga banar i mga kagiyaringanan tami, ka pagregesen ya sira nga pataꞌnan na duꞌut liꞌwan i mga madaragen nira isaꞌun ega na maꞌgen.

2 Corinto 11:3

Magregen aku talaga nga in magꞌuꞌunu inakalan si Eva it dukul nga piyanakman ni Satanas, barang maꞌakalan kamu gasiꞌ i imyu it beken asan. Barang paꞌugad kamu nga ega na tingled duꞌut ki Cristo i pamayaꞌ baw pagsarig mi.