Mateo 26:10 - Tagbanwa

¹⁰ Ega nataguꞌ it ki Jesus i pamagkidem-kidemen it mga alagad ngayti. Aypaꞌ ka maat ya, “Unuka pagsasawun mi i babay ngaytu? Magayen talaga i binwat ya ngaytut aken.

Mateo 26:10 Iomraidhean Croise

Nehemias 2:18

Ipiyagtuturan ku gasiꞌ it kanira in magꞌuꞌunu aku piyanguꞌnaan baw tiyabang it Ampuꞌang Diyus ku, baw in unuy ipiyagꞌaat it aken it adiꞌ duꞌun it Babilonia. Pagkagneg nira, maamaatan sira, “Ta, in atkayan palan, papuꞌun tami nat muwat.” Egay beken, masasagya nga nagtabang-tabangen sira it magayen ngayti nga ipiyanakem it aken nga buwaten.

Mateo 26:11

Seked it kaꞌnu-kaꞌnung timpu kaꞌibaan mi i mga makukuriꞌ, temed aku, ega kaꞌibaan mi it maꞌlay nga timpu.

Mateo 26:9

In ipiyaꞌalang sana yan it maꞌal, daꞌga iyan bayad ya makatabang it mga makukuriꞌ.”

Marcos 14:6

Temed kaꞌampang si Jesus, maat ya, “Unuka pagsasawun mi i babay ngaytu? Pataꞌnan mi na lamang kanya. Magayen talaga i binwat ya ngaytut aken.

Lucas 8:49

Ega paꞌ natupus i pagꞌampangen ngayti ni Jesus, may miyabut na nga magtundug it ki Jairo ngayti. Maat yat ki Jairo, “Mingget na bayti i anak mu. Siguru maski ega na palangbusun duꞌut balay i Manigtulduꞌ ngaytu.”

2 Corinto 9:8

Ka talagang magkabwat it Ampuꞌang Diyus nga pabastantiyan kamu nga pirmi it muꞌsang bagay, nga ega lamang tamaꞌ nga pirmi kat muꞌsang pagkaꞌilanganen mi, in daꞌga bastanti kamu gasiꞌ it magamit mi it muꞌsang pagbuwaten nga magayen.

Galacia 1:7

Temed ta, yan talagay matuud, esa-esay Magayeng Baritaꞌ. Ega naytuy beken. Iyan miyabut ngayan asat imyu nga maat manigpangadal sira, magpanlibeg lamang yan it pikiran mi. Pagpaꞌresan nira nga magantiyan i Magayen ngaytung Baritaꞌ pasar it ki Cristo.

Galacia 5:12

Talagang, iyan mga magpanasaw ngayan it imyu, magayen ega lamang desang paturiꞌ sira, paꞌimutuꞌ na!

Galacia 6:17

Aypaꞌ, garing kayti, sana ega nay asat imyu nga pakuriꞌ it aken nga pasakep paꞌ it panulduꞌ nga kamaliꞌ. Sabap iyan i daꞌnay budlat it pinilatat bungad kat bilug ku, panindeg ku lamang it kamatuudan ngaytu, nga ipiyakarguꞌ ni Jesus it aken.

Efeso 2:10

Sabap iyan pagbaꞌgu it adat ta kayti, Ampuꞌang Diyus i garing kaytu. Ipiyalagpit ya kita duꞌut ki Cristo Jesus baw biyaꞌgu ya i pangaꞌgenan tami isaꞌun gamiten ta na kat buwat nga magayen, nga ipiyagꞌareg yang lagi it aten garing paꞌ it tagnaꞌ.

Colosas 1:10

Ka in atkayan, makapangaꞌgenan kamu nat pangaꞌgenan nga kasasagyaan it Ampuꞌan, pangaꞌgenan nga bagay it mga maglalagpit it kanya, ka subuk magtumbud kat pangaꞌgenan mi i muꞌsang buwat nga magagayen baw magdudungag-dudungag i kasepsep mi it adat baw kaꞌirgan it Ampuꞌang Diyus.

2 Tesalonica 2:17

Pagꞌangutun namen nga paksegen yay nakem mi baw papaꞌgenen ya kamu kat buwat baw ampang nga purus magayen.

1 Timoteo 3:1

Matuud tuy itung sugi-sugid, nga in siyuy magꞌireg mamaalaꞌ it mga magpamayaꞌ, talagang magayen baw mataꞌas nga katengdanan i pagꞌabaten ya.

1 Timoteo 5:10

Kaꞌilangan gasiꞌ nga matanug i mga adat yang magagayen, nga piyadisiran yat magayen i mga anak ya baw pagꞌistimaren yat magayen i mga taw nga magpaꞌabut duꞌut kanya. Egay pagdaꞌgaen ya nga pagsirbi it mga kaꞌibaan ya nga magpamayaꞌ. Pagtabangen yay mga magkakuriꞌan. Baw kaꞌlay ngaytu, yanay pagragaen ya, muꞌsang mga buwat nga magayen.

2 Timoteo 2:21

Ta kayti, iyan mga taw nga magpaꞌalaid na kat muꞌsang karaꞌe-raꞌetan, iyan i subung it garamiten ngaytu nga ega basta-basta. Sabap iyan i nakasiguru nga kat Ampuꞌan ya na, nga magkapakinabangan baw alistu nga pirmi kat in unu nga magayen nga pagbuwaten.

Tito 1:16

Mga taw ngaytu, magꞌaat nga magkilala sirat Ampuꞌang Diyus, arit maꞌyag kat pangaꞌgenan nira nga buwa-buwat nira lamang yan, egay kamatuudan. Ka mararaꞌway i adat nira, masusutil, baw alaid duꞌut kanira i kakayaan nga muwat it magagayen.

Tito 2:14

Nangganti kanyat aten isaꞌun iribri ya kita kat pagsakep it karaꞌe-raꞌetan, baw isaꞌun mabwat ya kita nga limpiyuꞌ na nga naꞌawaꞌ nay kasalaꞌan tami. Binwat yaytu isaꞌun mabwat ya kita nga kanya talaga nga mga taawan, nga maꞌireg nga banar muwat it mga buwat nga magagayen.

Tito 3:1

Ipademdem mut mga pagpamaalaꞌan mu ngayan nga kaꞌilangan pasakep sirat mga magpupudir it kanira nga subuk mga punuꞌan baw in siyuy may mataꞌas nga katengdanan asan. Kaꞌilangan masunud sira it kanira ngaytu baw alistu sira kat muꞌsang buwat nga magayen.

Tito 3:14

Baw tulduꞌan mu i mga pagpamaalaꞌan mu ngayan nga kaꞌibaan ta kat pamayaꞌ nga kaꞌilangan magpaꞌres it magagayeng panulus, isaꞌun ega desang kaya niray mga pagkaꞌilanganen nira, in daꞌga may areg paꞌ nga itabang it mga beken nga may kaꞌilangan. Basta atkayan i buwat nira, daꞌsira mga taw nga egay kapulusan.

Tito 3:8

Matuud tuy itung mga sugi-sugid. Aypaꞌ ka ireg ku, ibenge-bengel mut mga taw i muꞌsa ngaytu, isaꞌun iyan mga namayaꞌ na it Ampuꞌang Diyus, inturun nira nga yay paglabiyen nirang pirmi, magbuwat sira it magagayen nga buwaten. Ka talagang ega basta-basta i mga itu ngaytu baw kat ikagayen it muꞌsang taw.

Hebreo 13:21

it muꞌsa nga pagkaꞌilanganen mi isaꞌun, kat tabang ni Jesu-Cristo, iyan i pirmi nga mabwat mi, kaꞌirgan ya, baw magbaraꞌ kamung mga taw nga magkasagyaan ya. Aypaꞌ bantugun ta kanya it egay katupusan. Kamatuudan tu.

1 Pedro 2:12

Dapat mi nga inturun i adat mi, ka magkaꞌrutan mi nga maglulubuk-lubuk kamu paꞌ it mga kabanwa mi nga egay pagkilala nira it Ampuꞌang Diyus. Ka maski pagꞌaaten nira nga magbuwat kamu it maraꞌe-raꞌet, matantuwan nira nga magayen palan i adat mi. Aypaꞌ, liꞌwan ya, bantugun niray Ampuꞌang Diyus kat aldaw nga ildawan ya sira it mabaꞌgu i nakem baw pikir nira.