Mateo 22:3 - Tagbanwa

³ Iyan simpan na, singkat ya nay mga uripen ya nga pamaꞌrutan nay kumpur inimbitar, temed daꞌsira kuparagiꞌ.

Mateo 22:3 Iomraidhean Croise

Jeremias 25:4

Ega gasiꞌ pagdenggen mi i ipagꞌaat it beken nga mga manigsirbi ya nga prupitaꞌ nga pasigi ya nga pagtaꞌgen asan it imyu.

Mateo 21:34

Iyan naꞌbut nay timpu nga pararanas nat ubas, tiyaꞌeg it tagpuꞌun ngayti i mga uripen ya ka pisiꞌen nira i kanya nga kabagiꞌan.

Mateo 23:37

Bawnga maat ni Jesus, “Kaꞌildaw-ildaw kamu talaga nga taga Jerusalem! Kamu nga magꞌimatay it mga prupitaꞌ baw pagbatuun mi i pamagpaꞌasituun it imyu it Ampuꞌang Diyus! In pira ku na nga bisis pagpaꞌresan nga taraꞌnaen i mga taw nga taga situ, nga subung it pagtaraꞌna it upa nga pagleꞌge-leꞌgepan ya i mga duduꞌduy ya, temed it ega ireg mi.

Mateo 3:2

Ipagsugid yat mga taw, nga magꞌaat, “Singuliꞌan baw indiꞌan mi na i mga kasalaꞌan mi, sabap adeꞌdeng nay kaꞌadiꞌan it Ampuꞌang Diyus.”

Mateo 9:15

Katubag si Jesus, maat ya, “Unu baꞌ, mapakay nga masmek i mga inimbitar it pagsadu mintras iba nira i lalaki nga ipiyagsadu? Siguru ega. Ta atkayan naga i mga alagad ku ngaytu. Temed mabut i aldaw nga belagen aku na situt kanira. Baw mana yan nga magpuwasa sira.”

Lucas 13:34

Bawnga maat ni Jesus, “Kaꞌildaw-ildaw talaga i mga taga Jerusalem! Sira nga pagsariyen it imatay it buntal it batu i mga prupitaꞌ nga pamagpaꞌasanen it kanira it Ampuꞌang Diyus! In pira ku na nga bisis pagpaꞌresan nga taraꞌnaen i mga taw nga taga duꞌun, nga subung it pagtaraꞌna it upa nga pagleꞌge-leꞌgepan ya i mga duduꞌduy ya, temed it ega ireg nira.

Lucas 15:28

Pagkagneg it akaꞌ ngayti, nangiseg. Ega na limnangbus duꞌut balay. Egay beken, inaduꞌun it amaꞌ ya ka ininu-inu kanya.

Lucas 19:27

Baw iyan gasiꞌ nga magkuntraꞌ ngayan it aken, nga ega ireg nira nga pagꞌadiꞌan ku sira, pamisiꞌen mi sira kayti, ka pangimatayen situt adapan ku.’”

Juan 5:40

Temed ta, it ega naga ireg mi nga sumunud it aken isaꞌun mabgayan ku kamu it kaꞌgenan nga egay kaskedan.

Mga Binwat 13:45

Temed mga Judio, pagkamuya nirat dakel na ngayting banar i natingped nga ega Judio, mininggit sirang banar. Aypaꞌ, kada ampangen ni Pablo, pagsariyen nirat batir, uyut i diyampaꞌ.

Roma 10:21

Temed, pasar it mga Judio maat i inaat ya ngayan, “Pirmi nga magkakayap i alima ku it delem-aldaw, nga kutanggapen ku sira, temed iyan nagang pagpategasan baw pagkuntraꞌen akut bangsa ngaytu.”

Hebreo 12:25

Aypaꞌ magꞌintur kamu nga ega pasngelan mi i ampang it Ampuꞌang Diyus. Ka iyan ega simnunud it ampang ya nga garing duꞌut Bukid it Sinai it tagnaꞌ, ega talaga nakaribri sira it panriga. Ta, subraꞌ na kayti in pasngelan tami i ampang ya nga taban ni Jesus nga ipiyalampud ya nga garing duꞌut langit.

Hebreo 9:15

Aypaꞌ ka, kat keseg it duguꞌ nga ipiyaturuꞌ ya, piyapaꞌgen na ni Cristo i baꞌgu ngaytung pakiꞌupakat. Kamataynen ya ngayti i ipiyagribri yat taw kat panriga it Ampuꞌang Diyus it mga kasalaꞌan nira, iyan sakep paꞌ sira it uꞌna ngayting pakiꞌupakat. Aypaꞌ kumpur piyanakman it Ampuꞌang Diyus nga pasakep it kanya, makatanggap na sira it kagayenang egay kaꞌawaꞌan nga isiyanggup ya.

Mga Ipiyalteg 22:17

Pagꞌaaten it Espiritu Santo baw mga taawan it Ampuꞌang Diyus, sira nga subuk asawaen it paꞌaateng Uꞌuybun It Tupa, “Daliꞌ na!” Baw muꞌsa nga makagneg it itung mga bagay, kaꞌilangan maat gasiꞌ sira nga, “Daliꞌ na!” Melep sini i siyu-siyu nga pagbaꞌnekan. Misiꞌ lamang i iyan magꞌireg it danum ngaytu nga magbegay it kaꞌgenan. Egaytu kaꞌman bayadan.