Mateo 21:3 - Tagbanwa

³ In may mimraw it imyu, tubagen mi nga ‘Kaꞌilangan baytut Ampuꞌan.’ Ta, ega nayan rimiꞌe-riꞌeng kanya.”

Mateo 21:3 Iomraidhean Croise

1 Mga Adiꞌ 17:9

“Limꞌid ka siꞌ situ, paꞌaduꞌun ka it lansangan it Sarepta nga duꞌut rugar it Sidon. May singkat ku duꞌun nga esang balu nga yay sumuwituꞌ it imu it pangaꞌen.”

Esdras 1:1

Iyan uꞌnang taꞌun it pagꞌadiꞌ duꞌun it Babilonia ni Ciro nga adiꞌ it Persia, piyanakman kanya it AMPUꞌANG DIYUS it ipapanaw ya nga urdin kat muꞌsang sinakepan ya. Nagꞌabut tu isaꞌun matuman i inampang it AMPUꞌANG DIYUS it tagnaꞌ nga ipiyasugid ya it prupitaꞌ nga si Jeremias. Egay beken, ipiyasurat it adiꞌ ngayti i ipapanaw ya nga urdin ya nga magꞌaat,

Esdras 1:5

Ta, it atkayti, namagꞌitsu na i mga ginuꞌu kat mga kuyunang mga tungtung-inapuꞌ ni Juda baw ki Benjamin. Namagꞌitsu gasiꞌ i mga sasirduti, mga Levita, baw muꞌsa nga piyayaꞌngan it Ampuꞌang Diyus i nakem nga muliꞌ duꞌun it Jerusalem ka tumabang it ipatindeg siꞌ ngayti nga papagsambaan nira nga balay it AMPUꞌANG DIYUS.

Esdras 7:27

Pagkatanggap ku it surat ngayti, kaꞌampang aku, “Bantugun i AMPUꞌANG DIYUS it mga kagiyaringanan tami, sabap it piyanakman ya i adiꞌ ngaytu nga pagayenen i balay nga papagsambaang balay it AMPUꞌANG DIYUS duꞌun it Jerusalem.

Mateo 21:2

Maat yat duwa ngayti, “Paꞌaduꞌun kamu daꞌan it baryu ngayti. Maltegan mi yan nga lagi asan i magsesget nga inaꞌan it kabayuꞌ nga asno. Iba yay uꞌuybun ya. Uꞌbaden mi ka tabanen mi situt aken.

Mateo 21:4

Nagꞌabut tu i atkaytu isaꞌun matuman i isiyugid it prupitaꞌ it tagnaꞌ paꞌ, nga magꞌaat,

Juan 17:2

Subung nagat pagbegay mut aken it pagsakep it muꞌsang taw kat sinirungat langit, isaꞌun begayan kut kaꞌgenang egay kaskedan i muꞌsang ibinggay mut aken.

Juan 3:35

Pagmaꞌalen nga banar it Amaꞌ i Anak. Baw ipiyaꞌalima ya it kanya i muꞌsa nga mga bagay.

Mga Binwat 17:25

Baw ega gasiꞌ kaꞌilangan ya nga pagsirbiyan it taw, adimaat may maski unung tabang nga pagkaꞌilanganen ya, sabap kanya i magbegay it kaꞌgenan, ginawa baw muꞌsa nga pagkaꞌilanganen it muꞌsang binwat ya.

2 Corinto 8:16

Talagang magpasalamat aku duꞌun it Ampuꞌang Diyus sabap binggayan ya si Tito it kutabang nga banar it imyu, subung naga it aken nga kutabang.

2 Corinto 8:9

Ka daꞌga baꞌ magkaꞌrutan mi na in sang unu talaga i kadakulaꞌ it kaꞌildaw it Ampuꞌan tami nga si Jesu-Cristo, nga maski ega babasta-bastaen i kabantugan baw kataꞌasan ya duꞌut langit, nagpabalyu nga subuk timawaꞌ nga miskin isaꞌun, kat pagkamiskin ya ngayti, magmanggaden kamu it kagayenan nga duꞌun it langit.

Santiago 1:17

Ampuꞌang Diyus i puꞌun it muꞌsang kagayenan, baw purus magayen i ipagbegay ya. Ega talagay kakurangan it ildaw nga magpanggaring duꞌun it Amaꞌ ta ngaytu nga gimnuna it muꞌsang mga mamagꞌeyag duꞌun it langit. Mga giyuna ya ngaytu, magꞌugad-ugad i eyag nira, temed Ampuꞌang Diyus, talagang ega magꞌugad-ugad i adat yat kanya.