Mateo 20:3 - Tagbanwa

³ Desa siꞌ nga magꞌinlalakay nay aldaw, napanaw siꞌ i tagpuꞌun ngayti. May naparagan yang mga taw nga mamagtindeg-tindeg duꞌun it palingkiꞌ.

Mateo 20:3 Iomraidhean Croise

Mateo 20:2

Pagkaparag ya, nagꞌupakat na sirat tangdan nga ustung tangdan it magꞌapun. Ta it napakay nat murnal ngayti, piyapaꞌaduꞌun ya nat ubasan ya ngayti.

Mateo 20:4

Inupakat ya sira nga maat ya, ‘Murnal kamu gasiꞌ i imyu duꞌun it ubasan ku. Ustuꞌun ku naga yan i tangdan mi.’

Marcos 15:25

Magꞌinlalakay nay aldaw, pagransang nirat ki Jesus duꞌun it krus.

Mga Binwat 16:19

Ta, yan namuyaan it mga agalen it babay ngayti nga ega na mapirakan nira, diyakep nira si Pablo baw si Silas bawnga riyayak-rayak nira duꞌun it mga punuꞌan it siyudad ngayti.

Mga Binwat 2:15

Kami ngaytu, egaytu mamaglangu nga subuk tandes it beken. Unuy ilangu namen it padali-daliꞌ it kadedelman paytu?

1 Timoteo 5:13

Baw beken, basta mga mangaꞌwaꞌen i ipaꞌuyut mu, barang gumarus sira. Yanay maꞌrutan, tungbalay duꞌut kabebekenan. Ta wayan baꞌ magꞌadat na sirat maraꞌe-raꞌet nga pagpasilabtan i ega kanira baw maguꞌyas paꞌ.

Hebreo 6:12

Aypaꞌ magayen, ega garusan mi i pamayaꞌ mi. Iyan i guruun mi, mga taw nga ega magkaskedan kat pagsarig baw pamayaꞌ nirat Ampuꞌang Diyus, ka iyan i siguradu nga ikatanggap it mga isiyanggup ya.