Mateo 2:7 - Tagbanwa

⁷ Pagkagaring it tiningped ya ngayti, iyan siꞌ i piyapaꞌaduꞌun ni Herodes it kanya it egay nakaꞌrut nga beken, mga mapipikir ngayti nga miyabut. Ka tiyeꞌe-teꞌeng ya sirat mingkut, in kaꞌnu talaga i ipiyaglebat it paꞌaaten nira ngayting bituꞌun.

Mateo 2:7 Iomraidhean Croise

Exodo 1:10

Kaꞌilangan ipaꞌabwatay tami i pikiran ta isaꞌun mapeꞌtek tami i pandakel nira ngaytu. Ka in beteꞌ mabut nga rumpakan tami it mga kalaban ta, barang kumampiꞌ i mga Israelita ngaytu it mga manrumpak ngayan. Daꞌga sikayan makalꞌid na sira situt Egipto ngaytu?”

Mateo 2:1

Piyanganakan it ki Jesus ngayti, duꞌun it Betlehem nga sakep it Judea, timpu nga si Herodes i adiꞌ nga magsasakep duꞌun. Ega naꞌlay nga timpu, may miyabut duꞌun it Jerusalem nga mga mapipikir nga mga mamimintuꞌ, nga garing kat lebatan nga ayun.

Mateo 2:16

Iyan namuyaan ni Herodes nga palan nalabawan i pikir ya, ka ega tiyuman it mga mapipikir ngayti i pakiꞌupakat ya ngaytit kanira, miniseg kanyat iseg banar. Ipiyagꞌurdin ya nga pangimatayen i muꞌsa nga mangaꞌwaꞌ nga lalaki duꞌun it Betlehem ngayti, pati duꞌun it linibut ya, garing it mga madaragen sareg it magꞌidad nat duwang taꞌun, isaꞌun siguradung makaꞌuyut nga maꞌimatay si Jesus ngayti nga paꞌaaten, ka ega magkalipatan ni Herodes i inaat it mga mapipikir ngayti sabap it paglebat it iting bituꞌun.

Mateo 2:8

Iyan naꞌrutan ya na, piyapanaw ya na sira nga paBetlehem. Maat ya, “Gayen-gayenen mit tumulus i waꞌwaꞌ ngayan. Pagkaparag mi, ipaꞌrut mit aken, isaꞌun masamba ku gasiꞌ kanya.”

Mga Binwat 24:22

Ta, si Felix ngayting gubirnadur, naꞌrutan ya nat magayen i mga pagpamayaꞌnen it mga taw nga magsunud it dalan ngaytit karibriyan. Aypaꞌ inaat yay kadakel ngayti nga duꞌun, “Pedkanan tami daꞌan i surugiden ngaytu. Sublan mana in mabut situ si Lysias, nga piyakapagbayaꞌen it sundaluꞌ duꞌun it Jerusalem.”

Mga Ipiyalteg 12:15

Pagkamuya it paꞌaaten ngayting dragon, simnupra kanyat danum nga miyakan-bakan, ka isaꞌun ibelbeg i babay ngayti.