Mateo 2:2 - Tagbanwa

² Pagꞌabut nira duꞌut Jerusalem ngayti, sigi nang ingkut-ingkut nira in ariyen i ipiyanganak nga magꞌadiꞌ, nga Adiꞌ it mga Judio. “Sabap naltegan namen,” maat nira, “i baꞌgung bituꞌun nga limimbat duꞌut lebatan nga ayun, nga tandaꞌanan it simnakit na kanya. Ituytu i panaw namen ngaytu, sambaen namen kanya.”

Mateo 2:2 Iomraidhean Croise

Jeremias 23:5

“Kat pagdadarapaꞌen nga timpu,” maat it AMPUꞌANG DIYUS, “pabaraꞌen ku nga may limiꞌwan kat kaduguꞌ-duguꞌan it adiꞌ nga si David nga esa nga mataldeng kat panleteg ku. Rumraan ku kanya kat pagkaꞌadiꞌ baw manggayen nga banar i pagꞌadiꞌ ya. Kat muꞌsang rugar pangukuman nga mataldeng baw purus tamaꞌ i ipapanaw ya.

Zacarias 9:9

Sumagya kamu nga sumagya, mga taga Sion. Igaꞌuy-gaꞌuy mi i kasagyaan mi, mga taga Jerusalem. Sabap magdadarapaꞌ na i magꞌadiꞌ situt imyu. Mataldeng kanya nga ruyut baw pirmi nga pagtabangen it Ampuꞌang Diyus isaꞌun mandaꞌeg. Mapiyalulus kanya baw kabayuꞌ nga asno i pagsasakayan ya, esang uꞌuybun nga uꞌuybun it asno.

Mateo 2:3

Pagkaꞌrut it adiꞌ ngayti nga si Herodes, nalibeg nga banar i pikir ya. Atnagay kadakel ngayti duꞌut Jerusalem.

Mateo 21:5

“Sugidan mi i mga taga Sion, aaten mi, ‘Lawagen mi. Magdadarapaꞌ nay magꞌadiꞌ situt imyu. Talagang mapiyalulus tu kanya. Esang kabayuꞌ nga asno i pagsasakayan ya. Esang uꞌuybun nga uꞌuybun it asno.’”

Mateo 27:11

Ta, yanayti, tiyaban nira si Jesus duꞌun it gubirnadur. Pagꞌadap ni Jesus, iningkut kanya it gubirnadur ngayti, “Unu, ikaw na i Adiꞌ it mga Judio?” Katubag si Jesus, “Eeꞌ, matuud i inaat mu ngayan.”

Lucas 19:38

Maat i ipaggaꞌuy-gaꞌuy nira, “Mabantug i Adiꞌ ngaytu nga tiyaꞌeg it Ampuꞌang Diyus! Nagkagayen tami siꞌ it Ampuꞌang Diyus nga duꞌut langit! Bantugun i Ampuꞌang Diyus nga duꞌun it dibwat it langit!”

Lucas 2:11

Sabap ipiyanganak kayti duꞌun it lansangan ni David i Manriribri mi. Kanya i isiyanggup nga Cristo nga Ampuꞌan.

Lucas 23:3

Pagkagneg ni Pilato kayti, iningkut ya si Jesus ngayti. Maat ya, “Unu, ikaw na i Adiꞌ it mga Judio?” Katubag si Jesus, “Eeꞌ, matuud i inaat mu ngayan.”

Lucas 23:38

Duꞌun it dibwa-dibwat it ulu ya, may isiyurat nga tulung kaꞌampangan i giyamit, Ginirego, Liyatin baw Hinebreo, nga magꞌaat, “Adiꞌ tu it mga Judio.”

Juan 1:49

“Aa bilaꞌ,” maat siꞌ ni Natanael, “Manigtulduꞌ, in atkayan palan, matuud nga ikaw i Anak it Ampuꞌang Diyus! Ikaw talagay Adiꞌ it bangsa nga Israel!”

Juan 12:13

Binwat nira, namagpisiꞌ it palakpak it esang luwak nga subuk badangan baw namagpanliꞌwan sira duꞌun it siyudad ngayti ka susmuun nira si Jesus. Mamaggagaꞌuy-gaꞌuy siray mamagpanaw, nga magꞌaat, “Bantugun i Ampuꞌang Diyus! Mabantug kanya ngaytu nga tiyaꞌeg it Ampuꞌang Diyus! Mabantug i Adiꞌ ngaytut bangsa nga Israel!”

Juan 18:37

“Aypaꞌ adiꞌ ka, daꞌga?” maat ni Pilato. Maat i tubag ni Jesus, “Eeꞌ, matuud yan i inaat mu ngayan nga adiꞌ aku. Temed ipiyanganak aku baw piyalampud situt banwa ngaytu isaꞌun nga ipaꞌyag kuy in unu talagay kamatuudan. Magpagneg it mga ampang ku i kumpur kumaꞌrut it kamatuudan.”

Juan 19:19

Simnurat si Pilato it pirang tagaꞌ nga sugi-sugid. Ipiyapakeꞌpel ya duꞌun it krus. Maat i isiyurat ya ngayti, “Si Jesus nga taga Nazaret, nga Adiꞌ it mga Judio.”

Juan 20:28

Yanay seked it naꞌampang ni Tomas, maat ya, “Ampuꞌan ku, Ampuꞌang Diyus ku!”

Juan 5:23

isaꞌun nga galangen it muꞌsang katataawan i Anak, subung nagat paggalang nira it Amaꞌ ya. Ka yay matuud, in siyu nga egay paggalang it Anak, ega gasiꞌ paggalangen yay Amaꞌ nga timnaꞌeg it Anak nga paꞌasitu.

Juan 9:38

Yamanay naꞌampang it lalaki ngayti, maat ya, “Magpamayaꞌ aku nat imu, Ampuꞌan.” Bawnga nanluud kanya ka siyamba ya na si Jesus ngayti.

Hebreo 1:6

Baw ta, yan adeꞌdeng na nga palampudun na it Ampuꞌang Diyus situt banwa i Anak yang egay kasbung, maat siꞌ i inaat ya, “Talagang dapat kanya nga sambaen it muꞌsang mga anghil ku.”

Mga Ipiyalteg 22:16

Talagang aku nga si Jesus i timnaꞌeg it anghil ku ngaytu, isaꞌun kapatantu it imyu nga mga gurupu it mga taawan ku nga magpamayaꞌ it aken i itung mga bagay. Talagang liniꞌwanan ku, adiꞌ nga si David, ka matuud nga tungtung-inapuꞌ ya naga aku. Esa gasiꞌ nga panaꞌwag it aken, Magsinggat nga Buntatalaꞌ.”