Mateo 2:12 - Tagbanwa

¹² Iyan panguliꞌ na nira, pagdelem ipiyatagaynep it kanira it Ampuꞌang Diyus nga magꞌaat, daꞌsira na mamsag duꞌun it ki Herodes. Aypaꞌ ka duꞌun nat belag nga dalan i piyanawan nirat miyuliꞌ.

Mateo 2:12 Iomraidhean Croise

Genesis 31:24

Iting delem nga pagꞌeyag ngayti naꞌbutan na nira, piyatagaynep it Ampuꞌang Diyus si Laban ngayti nga taga Aram, nga magꞌaat, “Ayaw ka it kasalya mampang it inu-inu u ega magayen asat ki Jacob.”

Exodo 1:17

Temed sabap it may iꞌlam nira it Ampuꞌang Diyus, ega siyunud it mga panday ngayti i ipiyagꞌurdin ngaytit adiꞌ it kanira. Ega naga pagꞌimatayen nira, maski lalaki i sumakit.

Daniel 2:19

Ta, iti nga delem, subuk ipiyatagaynep it Ampuꞌang Diyus it ki Daniel i inangut ya ngayti nga kaꞌulugan. Egay beken, biyantug ni Daniel i Ampuꞌang Diyus ngayti nga duꞌun it langit nga magbebegbeg it muꞌsa.

Mateo 1:20

Iyan pagpikiren na ni Jose i iti ngayti, nga in unuy magayeng buwaten ya, nanagaynep kanya, nga sakaling may miyabut nga anghil it Ampuꞌang Diyus. Magpaꞌa-paꞌaat it kanya, “Jose, nga tungtung-inapuꞌ ni David, ayaw kat pasurut. Tabusun muy pangasawa mut ki Maria. Ka iyan pagdarugmatiꞌen ya ngayan, kat keseg yan it Espiritu Santo.

Mateo 2:13

Pagkagaring it mga mapipikir ngayti, nanagaynep si Jose. Tagaynep ya, miyabut i esang anghil it Ampuꞌang Diyus, nga magpaꞌa-paꞌaat it kanya, “Jose, magbangun kamu na, ka magliꞌid kamung lagi situ. Tabanen muy waꞌwaꞌ ngayan duwa magꞌinaꞌ baw malagyu kamu duꞌut Egipto. Baw ayaw kamut liꞌi-liꞌid duꞌun mintras ega pay aat kut imu, sabap ipatulus ni Herodes i waꞌwaꞌ ngaytu ka imatayen.”

Mateo 2:19

Iyan natay na si Herodes, piyatagaynep siꞌ si Jose ngayti nga duꞌut Egipto. Tagaynep ya, sakaling miyabut i esang anghil it Ampuꞌang Diyus.

Mateo 2:22

Temed pagkabaritaꞌ ya it si Arquelao naga i simnubli it amaꞌ ya nga si Herodes, nga yanay magsasakep duꞌut rugar it Judea, miniꞌlam kanya muliꞌ duꞌut Betlehem nga sakep it Judea ngayti. Ta it piyatagaynep siꞌ kanyat sumaꞌup, nga in unuy magayeng buwaten ya, aypaꞌ ka duꞌut Galilea i inaduꞌunan nira, nga esa gasing rugar it Israel.

Mateo 27:19

Baw ega lamang iti, ka iyan magꞌaꞌdung paꞌ kanya duꞌut araꞌdungan it manigꞌukuman, may ipiyagliplip it asawa ya nga ampang duꞌut kanya, nga magꞌaat, “Ayaw kat palabe-labet it iyan nga taw nga egay kakasalaꞌan, sabap iniꞌlaman ku nga banar i tiyagaynep ku kat delem pasar it kanya.”

Lucas 2:26

Ta, natantuwan ya kat panakem it Espiritu Santo ngayti nga ega paꞌ matay kanya seked it ega paꞌ naltegan ya i Cristo ngayting isiyanggup it Ampuꞌang Diyus.

Mga Binwat 10:22

Itiyuturan na niray enged nira. Maat nira, “Amay, panaw namen ngaytu, tiyaꞌeg kamit pagbayaꞌen namen nga si Cornelio. Esa kanyang kapitan it sundaluꞌ duꞌut Cesarea. Itu nga taw, mataldeng kanya kat panleteg it Ampuꞌang Diyus nga paggalangen ya it may iꞌlam, baw pagdaya-dayawun kanya it muꞌsang mga Judio duꞌun it rugar namen. Inaat kanyat esang anghil it Ampuꞌang Diyus nga ipapisiꞌ ya ikaw situ ka papaꞌaduꞌunun kat balay ya, isaꞌun makagneg kanya it mga makapaꞌyag mu.”

Mga Binwat 4:19

Temed pagkagneg na Pedro, tiyubag nira nga magꞌaat, “Ukumanan mi in ari mapakay it Ampuꞌang Diyus. Unu, kanya nga kaꞌirgan i sunudun namen u imyu ngaytu nga kuntraꞌ kat itiyaꞌeg yat amen?

Mga Binwat 5:29

Temed timnubag si Pedro baw mga kaꞌibaan yang mga apustul. Maat nira, “Dapat nga kaꞌirgan it Ampuꞌang Diyus i sunudun namen, ega kaꞌirgan it taw nga kuntraꞌ kat itiyaꞌeg ya ngaytit amen.

1 Corinto 3:19

Sabap, iyan ipagpabetang it banwa nga magayeng kasepsep, nga ega Ampuꞌang Diyus i pagkilalaen, egay kuwintaꞌ kat panleteg ya. Ka maat i duꞌun it kasuratan it tagnaꞌ paꞌ, “Iyan mga pangtasan na kat adat nga mapiyandaya-dayaꞌ, ipapanaw it Ampuꞌang Diyus nga pandaya-dayaꞌ nira ngayti i ikasigapul yat kanira.”

Hebreo 11:7

Ta, si Noe gasiꞌ, paribasay magayen i pamayaꞌ ya, piyakimatuud yang banar i sasar it Ampuꞌang Diyus sabap it ega basta-bastang ukuman nga magꞌaꞌabut, maski ega pay nagpasar kat mata ya. Aypaꞌ, uyun gasiꞌ it inaat it Ampuꞌang Diyus, minwat kanya it dakulang masakayan nira, isaꞌun maribri sira nga sang anakan. Sabap it pamayaꞌ ya ngayti ipiyabetang kanya nga mataldeng kat panleteg it Ampuꞌang Diyus, baw sikayan gasiꞌ minyag nga dapat nga ukumanan i muꞌsa ngayting taw nga beken situt sinirungat langit ka daꞌsira namayaꞌ it inaat it Ampuꞌang Diyus.

Hebreo 8:5

Temed, pagsirbi nira ngaytu, bilang ladawan lamang it duꞌun it langit. Sabap iyan ipagkupatindeg na ni Moises i magkapuru-purun nga papagsambaan, maseked-seked talaga nga inaat it Ampuꞌang Diyus it kanya nga kaꞌilangan ibayaꞌ nga banar it pabetang-betang nga ipiyalteg it kanya duꞌun it Bukid it Sinai.