Mateo 15:3 - Tagbanwa

³ Katubag si Jesus, maat ya, “Ta, unuka pagranggaꞌen mi gasiꞌ i urdin it Ampuꞌang Diyus sabap duꞌun it siyubli-subli mi ngaytu nga ipagpanulduꞌ?

Mateo 15:3 Iomraidhean Croise

Mateo 15:2

“Unuka ega pagsunudun it mga alagad mu i siyubli-subli tami nga ipiyanulduꞌ it kamagugurangan tami? Ka magkaꞌen sirat ega nakapangugas it alima uyun duꞌut ipiyanulduꞌ ngayti.”

Mateo 15:4

Ka daꞌga baꞌ ipiyagꞌurdin it Ampuꞌang Diyus nga, ‘Galangen muy amaꞌ baw inaꞌ mu,’ baw ‘In siyu-siyuy mampang it maraꞌe-raꞌet kat amaꞌ u inaꞌ ya, bagay it kanya, imatayen.’

Marcos 7:13

Kat iyan nga kaꞌulugan, talagang ampang it Ampuꞌang Diyus, paggantiyan mi na it mga siyubli-subli mi ngaytu. Baw talagang dakel paꞌ nga mga bagay nga subung nat mga iyan ngayan nga pagbuwaten mi.”

Colosas 2:23

In letganan ta lamang, kaꞌaat ka kamatuudan i itung mga pangadal sabap iyan mga magsunud kaytu, kat panleteg it beken, masiyambaen baw mapiyababaꞌ sirang banar, baw pagpakuriꞌan nay pati bilug nira. Takaꞌ ega nagay kapulusan it itung mga bagay ka yanagang magtaban it aten it pagsumbayaꞌ it mga singkadan tang kaꞌiꞌirgan nga maraꞌe-raꞌet.

Colosas 2:8

Pirmi kamu nga magtitiyakap nga egay maski siyu it imyu nga marayak it mga manigpangadal it pangambu-ambut nga egay kakapulusan. Itung mga pangadal, tuturan-manuturan lamang it taw, mga malbaw nga pasepsep it banwa. Talagang ega uyun kat kamatuudan pasar it ki Cristo.

Tito 1:14

Sardawun mu sira nga ega na pabuyug-buyug sirat mga egay kakapulusan nga katuturanan it mga Judio baw mga ipagsekat it mga magpakiꞌambut it kamatuudan ngaytu.