Mateo 13:3 - Tagbanwa

³ Nagpapuꞌun siꞌ si Jesus it manulduꞌ it dakel na nga mga bagay nga ipagpaꞌalimbawa ya lamang. Papuꞌun ya, maat ya, “May esang manigꞌuma nga nanaꞌbug nat lulwaken ya.

Mateo 13:3 Iomraidhean Croise

Mateo 13:4

Ta it ipagsaꞌbug i panluwak ya, may nakasaꞌbug na duꞌun it padalan. Magkatalikud kanya, pagpasubliyan it mga manu-manuk ka kiyaꞌen na nira.

Mateo 13:53

Pagkatupus ni Jesus it panulduꞌ ya ngayti nga purus alimbawa, napanaw siꞌ kanya.

Mateo 22:1

Saꞌup siꞌ nga miyampang si Jesus it inalimbawa ya naga. Maat ya,

Mateo 24:32

Kaꞌilangan sepsepen mi baw pangadalan mi i kayu nga igos, nga basta magpamulus baw magpandaꞌun siꞌ, magkaꞌrutan mi nga adeꞌdeng nay panginit nga timpu.

Marcos 12:1

Ipiyasigi na ni Jesus i ampang ya, temed ipagpaꞌalimbawa ya. Maat ya, “May esang taw nga liminwak it luwak nga ubas duꞌun it uma ya. Kiyaliputput yat malad. Bawnga kimnali kanya it buwatan yat kikilangan it ubas ngayti, baw nagpatindeg paꞌ kanya it abwatay nga tatandaꞌan. Pagkaꞌman yat muꞌsa ngayti, isiyanaꞌ yat pirang kataawan nga manigꞌuma i ubasan ya ngayti, ka naꞌaduꞌun kanya it belag nga rugar.

Marcos 12:12

Egay beken, kudakpen it mga pagbayaꞌen it mga Judio si Jesus ngayti, ka nasepsepan nira nga siray pagpaꞌiguꞌan it iti nga pagꞌalimbawaen. Temed magꞌiꞌlam naga sira it kadakel it mga taw ngayti, aypaꞌ daꞌsira naga magkaꞌurum. Namagpanaw na sira.

Marcos 3:23

Pagkamuya ni Jesus kayti, piyapaꞌadeꞌdeng yay mga taw, ka may inampang ya nga pirang alimbawa. Maat ya, “Magꞌuꞌunu pagꞌimugawun ni Satanas i mga pagsasakpen ya nga maraꞌe-raꞌet, nga subuk diri ya naga i pagkuntraꞌen ya?

Marcos 4:13

Maat paꞌ ni Jesus, “Ay unu bayan, ega magkasepsepan mi i inalimbawa ku ngayan? Ta daꞌga ega masepsepan mi in may beken siꞌ nga alimbawa?

Marcos 4:33

Ipagpangadal ni Jesus i ampang it Ampuꞌang Diyus it may dakel nga pagpaꞌalimbawaan nga subung nat mga itu ngaytu, basta kaya nira nga masepsepan.

Lucas 12:41

Miningkut si Pedro, maat ya, “Ampuꞌan, alimbawa mu ngayan sabap it mga uripen nga pirming alistu, unu, kami lamang i pagꞌaaten mu u kat muꞌsa na?”

Lucas 8:10

Tiyubag sira ni Jesus, nga magꞌaat, “Talagang ipiyagꞌildaw it imyu nga maꞌrutan mi i patagu-taguꞌ nga kaꞌulugan it ipagpanulduꞌ ku pasar it kaꞌadiꞌan it Ampuꞌang Diyus. Temed iyan beken, pagꞌalimbawaen lamang, isaꞌun maski temegel sirat semyek, daꞌsira magkalteg. Baw maski manamar na sirat pagneg, ega makasepsep.”

Juan 16:25

Iyan mga itu ngaytu, ipiyagꞌaat kut imyu it paꞌalimbawa lamang. Temed mabut i timpu nga ega na atkaytuy pakisugi-sugid kut imyu. Raparan na nga isugid kut imyu i pasar it Amaꞌ.