Mateo 11:1 - Tagbanwa

¹ Pagkatupus ni Jesus it kumpur ipagkuꞌaat ya it sang puluꞌ may duwa ngayting mga alagad ya nga papanawun ya ngayti, napanaw na si Jesus it kanya ka mangadal siꞌ duꞌun it mga lansangan nga adeꞌdeng duꞌun.

Mateo 11:1 Iomraidhean Croise

Mateo 28:20

Baw itulduꞌ it kanira nga sunudun i muꞌsa nga ipiyagꞌurdin ku it imyu. Baw dedemdemen mi nga iba mi aku nga pirmi seked it umur nat banwa.”

Mateo 4:23

Ta, it magpangadal na ngayti si Jesus, liyekep-lekep yay rugar it Galilea ngayti. Magpanulduꞌ kanya duꞌut mga papagsambaan, nga ipagpanulduꞌ ya i Magayen nga Baritaꞌ sabap it kaꞌadiꞌan it Ampuꞌang Diyus. Pagpagayenen ya gasiꞌ i mga taw kat in unu nga sarut nira.

Mateo 7:28

Pagkatupus ni Jesus it ipagpanulduꞌ ya ngayti, namagkaliluꞌ i mga taw ngayti nga namagkagneg.

Mateo 9:35

Binwat siꞌ ni Jesus, liyekep-lekep ya i muꞌsang lansangan baw baryu duꞌun it iti nga rugar. Ipagpanulduꞌ ya duꞌun it mga papagsambaan i Magayen nga Baritaꞌ sabap it kaꞌadiꞌan it Ampuꞌang Diyus. Pagpagayenen ya gasiꞌ i mga mamagsarut it maski unu nga kalasit sarakiten i pagsintiꞌen nira.

Marcos 6:12

Ta, napanaw nay sang puluꞌ baw duwa ngayting mga alagad ka nangadal na sira duꞌun it katataawan. Ipagpangadal nira nga kaꞌilangan singuliꞌan baw indiꞌan nay mga kasalaꞌan.

Lucas 23:5

Temed ipagpadaꞌeg nira, nga magꞌaat, “Talagang kat ipagpangadal ya ngayan, pagpaꞌulu-uluwan yay katataawan kat muꞌsang banwa nameng mga Judio nga kuntraꞌen i gubirnu. Piyapuꞌnan yat buwat ya ngaytu, duꞌun it Galilea. Kayti unupat situ naytu.”

Lucas 8:1

Ega naꞌlay liyekep-lekep ni Jesus i mga lansangan baw baryu ka ipagpangadal ya i Magayeng Baritaꞌ pasar it kaꞌadiꞌan it Ampuꞌang Diyus. Kaꞌibaan ya naga i sang puluꞌ baw duwa ngayting mga alagad ya.

Juan 15:10

In pagsunudun mi nga pirmi i mga urdin ku, subrang magkamuyaan mi i pagmaꞌal ku ngaytut imyu. Subuk aken, siyunud ku nga muꞌsa i mga urdin it Amaꞌ ku, aypaꞌ magkamuyaan ku nga banar i pagmaꞌal yat aken.

Juan 15:14

Kamu i magayen nga iba-iba ku in pagsunudun mi i ipagꞌurdin ku.

Mga Binwat 1:2

seked it aldaw nga piyaꞌuliꞌ na kanya duꞌun it langit, pagkatupus it mga ipiyagꞌaat yat mga piniliꞌ ya ngayti nga mga alagad, nga isingkat yat kanira i buwaten nira kat keseg it Espiritu Santo.

Mga Binwat 10:38

Si Jesus ngaytu nga taga Nazaret, piniliꞌ kanya baw ipiyasiguru it Ampuꞌang Diyus kat Espiritu Santo nga piyapasarum duꞌun it kanya baw kat ega basta-bastang guna nga ibinggay it kanya. Nanlepkep-lekep kanya it banwa namen, nga magbuwat it mga magagayeng buwat, baw piyagayen ya i pati mga pagpapulpugun it maraꞌe-raꞌet, kat keseg it tabang it Ampuꞌang Diyus nga duꞌun it kanya nga pirmi.

Mga Binwat 10:42

Baw ipiyagꞌurdin yat amen nga mangadal sabap it kanya duꞌun it katataawan, baw ipamatuud gasiꞌ nga kanya na i ipiyabetang-betang it Ampuꞌang Diyus nga mangukuman it muꞌsang taw, patay u egen.

1 Tesalonica 4:2

Ka siguru ega payan nalipatan mi i mga ipiyangadal namen ngayan it imyu, nga purus garing duꞌun it Ampuꞌan nga si Jesus.

2 Tesalonica 3:10

Ka daꞌga baꞌ pirmi nga ipagꞌaat namen it imyu it iyan asan kami ngayan, nga ega subuꞌun i maski siyu it imyu nga paggarusan yay panulus?

2 Tesalonica 3:6

Palangbus, mga sulsug namen kat pamayaꞌ, ituy ipagsekat namen it imyu kat ngaran it Ampuꞌan nga si Jesu-Cristo. Ega na pakiꞌiba-ibaan mi i mga taw nga garusan baw ega magpangaꞌgenan uyun kat ipiyangadal namen it imyu.

1 Timoteo 6:14

Sunudun mut magayen i muꞌsang mga ipiyagꞌurdin it imu. Gayen-gayenen mu isaꞌun egay maski unu nga maꞌiway. Baw ipasigi mu seked it ipaꞌuliꞌ situ it Ampuꞌan tami nga si Jesu-Cristo.