Mateo 10:8 - Tagbanwa

⁸ Pagayenen mi i mga magsarut baw egnen mi i maski patay na. Pagayenen mi i mga babangbangen baw pangimugawun mi i mga mararaꞌe-raꞌet kat pagpapulpugun nira. Ta it tiyanggap mi i atkaytung ildaw it egay babayad, ipamgay mi gasiꞌ i tabang mi it ega kaꞌman bayadan.

Mateo 10:8 Iomraidhean Croise

Isaias 55:1

Magtaꞌwag i AMPUꞌANG DIYUS, “Daliꞌ mi na! Wayni i danum, in siyu-siyuy pagbaꞌnekan. Kamu nga egay pangangalang, daliꞌ mi na! Misiꞌ kamu it pagꞌimnun nga letes it ubas baw gatas ngayni. Misiꞌ kamu maski egay ibayad, sabap egaytu kaꞌman bayadan.

Mateo 10:1

Kaꞌsa, tiningped ni Jesus i mga alagad ya, ka piyamgayan ya sira it pudir nga ipagkaꞌimugaw it mararaꞌe-raꞌet kat mga taw nga pagpapulpugun, baw makapagayen it maski unu nga kalasit sarakiten.

Mateo 10:7

Mapanaw kamu ka ipangadal mi i adeꞌdeng na ngaytu nga kaꞌadiꞌan it Ampuꞌang Diyus.

Mateo 10:9

Ayaw kamut pagbalun it ipagꞌalang, maski bulawan, pirak u tumbaga.

Marcos 16:18

May mga ega naga maꞌunu maski semkel sira it dukul u minum it kaꞌiꞌilu. May tapalen nira nga mga magsarut, nga mapagayen nira.”

Lucas 10:9

Pagayenen mi i mga magsarut duꞌun, baw iꞌaat mit taga lansangan ngayan nga, ‘Adeꞌdeng nat imyu i kaꞌadiꞌan it Ampuꞌang Diyus.’

Mga Binwat 3:6

Temed maat ni Pedro, “In pirak baw bulawan, egay magkabgay namen, temed may beken nagang ibgay kut imu. Kat keseg it guna ni Jesu-Cristo nga taga Nazaret, timindeg ka na kayti ka makapanaw ka nayan.”

Mga Binwat 4:30

Itanyag muy guna mu isaꞌun mapagayen namen i mga magsarut baw may mabwat nga mga tandaꞌanan nga kalililuꞌang bagay, kat keseg nagat guna it manigsirbi mu nga si Jesus nga alaid kat muꞌsang kasalaꞌan.”