Mateo 10:5 - Tagbanwa

⁵ Piyapanaw ni Jesus i sang puluꞌ may duwa ngayting mga alagad ya baw tinggunan ya, nga magꞌaat, “Iyan ayaw kamut aduꞌun it rugar it mga taw nga ega Judio, u maski ari nga lansangan it mga Samaritano.

Mateo 10:5 Iomraidhean Croise

Mateo 22:3

Iyan simpan na, singkat ya nay mga uripen ya nga pamaꞌrutan nay kumpur inimbitar, temed daꞌsira kuparagiꞌ.

Mateo 4:15

“Iyan mga babanwaan nga susubliyen it kuyunang mga tungtung-inapuꞌ ni Zabulon, nga ayun duꞌut dagat, baw susubliyen it kuyunang mga tungtung-inapuꞌ ni Neftali nga duꞌun it dipag it Jordan, rugar ngaytu nga Galilea na, nga kadaklan it taw ya ega Kat Bangsa nga Israel,

Marcos 6:7

Bawnga tiningped yay sang puluꞌ may duwa ngayting mga alagad ya ka papanawun yat tagduwa-duwa. Piyamgayan ya sira it pudir nga ipagkaꞌimugaw it mararaꞌe-raꞌet kat mga taw nga pagpapulpugun.

Lucas 10:1

Ta, pagkaꞌanu kayti, miniliꞌ siꞌ si Jesus it pitung puluꞌ baw duwa nga beken nga mga alagad ya. Bawnga piyauꞌna ya sirat papanaw it tagduwa-duwa duꞌun it kada lansangan baw baryu nga pagrima-rimaen yat paꞌaduꞌunan.

Lucas 10:33

Temed ega naꞌlay, may esang Samaritano nga nakapsag gasiꞌ. Naltegan yay taw ngayti nga inatkayti it mga manigpanrangpas. Pagkalteg ya, nakasanguꞌ kanyang banar.

Lucas 17:16

Nanluud kanya duꞌun it sarungaan ni Jesus ka nagpasalamat. Iti nga taw, Samaritano.

Lucas 9:1

Tiningped ni Jesus i sang puluꞌ baw duwa ngayting mga alagad ya baw piyamgayan ya sira it pudir baw kakayaan nga magkaꞌimugaw it muꞌsang mga maraꞌe-raꞌet baw makapapdek it mga sarut.

Lucas 9:2

Bawnga tiyaꞌeg ya na sira nga mapanaw ka ipangadal nira i pasar it kaꞌadiꞌan it Ampuꞌang Diyus baw pagayenen nira i kumpur magpangabang nga may sarut.

Juan 17:18

In magꞌuꞌunu tiyaꞌeg mu aku nga manulduꞌ sinit kadakel it mga makasalaꞌan, atkayan naga pagtaꞌgen ku na sira, nga manulduꞌ naga duꞌut katataawan nga alaid pat imu.

Juan 20:21

Maat siꞌ ni Jesus it kanira, “Maꞌimyu nay kaꞌimbengan it nakem mi. In magꞌuꞌunu tiyaꞌeg akut Amaꞌ, atkayan naga pagtaꞌgen ku gasiꞌ kamu.”

Juan 4:20

Sikaytut itung mungsuꞌ i pagsambaan it mga kiyaꞌapuꞌ-apuꞌan tamit Ampuꞌang Diyus, temed maat mi nga mga Judio, duꞌun na lamang it Jerusalem i mapakay nga pagsambaan it Ampuꞌang Diyus.”

Juan 4:5

Pagkaꞌbut duꞌut esang lansangan it Samaria nga pagpangaranan it Sicar, namagpaꞌna sira duꞌut liꞌwan it lansangan ngayti. Sicar ngayti, adeꞌdeng it ki Jose nga kabagiꞌan nga lugtaꞌ it amaꞌ nira nga si Jacob it timpu paꞌ nira.

Juan 4:9

Kaꞌampang i babay ngayti nga Samaritano, maat ya, “Unuka magꞌangut kat danum nga imnun mu, it Judio ka, aku Samaritano?” (Ka iyan mga Judio, pagliꞌyan niray mga ipagkaꞌen baw ipagꞌinum it mga Samaritano.)

Juan 7:35

Namagrunding-rundingen siꞌ i mga Judio ngayti, “Ay ari tuy aduꞌunan it taw ngaytu nga ega maparagan tami? Barang duꞌun i aduꞌunan ya it mga kaꞌibaan ta ngayan nga mga Judio nga nagpakilaꞌuk-laꞌuk nat mga Griego duꞌut banwa nira, ka duꞌun nat kanira i panulduꞌan ya.

Juan 8:48

Inaat siꞌ si Jesus it mga Judio ngayti, “Daꞌga baꞌ matuud i pagꞌaaten namen nga Samaritano ka, baw pagpapulpugun ka it maraꞌe-raꞌet?”

Mga Binwat 1:8

Temed yay matuud, pagpasarum it Espiritu Santo kat bilug mi, maꞌimyu nay ega basta-bastang kakayaan. Baw pamatuud kamu na sabap it aken, ega lamang situt Jerusalem in daꞌga duꞌun it muꞌsang rugar nga sakep it Judea baw Samaria, baw kat paꞌari-aring rugar nga situt sinirungat langit.”

Mga Binwat 10:45

Pagkamuya it mga Judio nga magpamayaꞌ nga miyayaꞌ ngaytit ki Pedro, namagkaliluꞌ sira, ka piyapasaruman nagat Espiritu Santo i mga taw ngayting ega Judio.

Mga Binwat 8:1

Si Saulo ngayti, siyagyaan ya nga banar i pagꞌimatay ngaytit ki Esteban. Baw garing it iting aldaw, talagang pagpakuriꞌan ya nay kadakel it mga magpamayaꞌ nga duꞌun it Jerusalem. Aypaꞌ ka, magpuyrat mga apustul ngayti, natari-tariwanak na i mga magpamayaꞌ duꞌun it muꞌsang Judea baw Samaria.

1 Tesalonica 2:16

Kamatuudan, pati pangadal namen ngaytu it Magayeng Baritaꞌ duꞌun it mga taw nga ega Judio isaꞌun makanira gasiꞌ i karibriyan, talagang maseked-seked gasiꞌ nga pagpaaren it mga Judio ngaytu. Talagang karaꞌe-raꞌetan nay nakapnuꞌ, nga kayti subrang-subraꞌ na. Aypaꞌ ka naꞌbut nay miguꞌ na nga banar it bilug nira i iseg it Ampuꞌang Diyus.