Mateo 10:3 - Tagbanwa

³ si Felipe, si Bartolome, si Tomas baw si Mateo nga manigpabayad na ngayti it barayadan duꞌut gubirnu, si Santiago nga anak ni Alfeo, si Tadeo,

Mateo 10:3 Iomraidhean Croise

Mateo 18:17

Takaꞌ in ega paꞌayus kanya ka ega pagnegan yay mga piyabayaꞌ mu ngayti, isugid mu duꞌun it kapuꞌsaan it mga magpamayaꞌ in tingped na. Ta in maski duꞌun, ega paꞌ paꞌayus kanya, ipabetang mu na lamang nga taw nga ega magkilala it Ampuꞌang Diyus u esa na nga ega magayen i adat nga subung it malulupig nga mga manigpabayad it barayadan.

Mateo 27:56

Uyut duꞌun it mga babay ngayti si Maria Magdalena, si Maria nga inaꞌ ni Santiago baw ni Jose, baw asawa ni Zebedeo.

Mateo 9:9

Gumaring sikayti, napanaw siꞌ na Jesus ngayti. Napsagan it panaw nira i esang manigpabayad nga pagpangaranan it ki Mateo, magꞌaꞌdung duꞌun it pagpabayadan it barayadan duꞌut gubirnu. Inaat kanya ni Jesus, “Mayaꞌ ka nat aken.” Timnindeg nga lagi si Mateo, dimnasun na it ki Jesus.

Marcos 15:40

May mga babay nga duꞌun it alaid, mamaglalawag. Kaꞌuyutan nira, si Maria Magdalena, si Maria nga inaꞌ na Santiago duwa ni Jose, baw si Salome.

Marcos 2:14

Gimnaring duꞌun, napsagan it panaw ni Jesus si Levi nga anak ni Alfeo. Magꞌaꞌdung si Levi ngayti duꞌun it pagpabayadan it barayadan duꞌut gubirnu, ka katengdanan ya, manigpabayad. Pagkalteg ni Jesus, maat ya, “Mayaꞌ ka nat aken.” Timnindeg nga lagi si Levi, ka dimnasun nat ki Jesus.

Marcos 3:18

Mga beken, si Andres, si Felipe, si Bartolome, si Mateo, si Tomas, si Santiago nga anak ni Alfeo, si Tadeo, si Simon nga Cananeo,

Lucas 18:10

Maat ya, “May duwa nga lalaki nga miyapyat duꞌun it Templo ka manalangin. Pariseo i esa. Esa, manigpabayad it barayadan duꞌut gubirnu.

Lucas 18:11

Timnindeg it pagayen-gayen i Pariseo ngayti ka maat kunuꞌ manalangin, arit kanya ngayting panalangin, desang magpatuꞌgud. Ka maat ya, ‘Ampuꞌang Diyus, magpasalamat akut imu nga daꞌku subung it beken nga ega magayen i adat, ka sira, malupig, mapiyanluku, baw magpamakun duꞌun it ega asawa nira. Magayen ku talagay daꞌku makasalaꞌan nga subung it manigpabayad ngayni.

Lucas 18:13

Iti, manigpabayad ngaytit barayadan, ala-alaid kanya duꞌun it Pariseo baw beken nga taw. Magrurungguk kanya nga subuk magꞌeyaꞌ yumaꞌngad duꞌut langit, baw siging baneg yat deꞌgan ya kat kadakulat kasmek ya. Maat i panalangin ya, ‘Ampuꞌang Diyus, sanguꞌan mu naga aku ngayni nga makasalaꞌan.’

Lucas 19:2

May esang manggaden duꞌun nga pagbayaꞌen it mga manigpabayad it barayadan duꞌut gubirnu, nga si Zaqueo i ngaran.

Lucas 5:27

Iyan nakatupus na si Jesus it panulduꞌ ya, limniꞌwan na kanya, dayun it napanaw na. Naltegan yay esang manigpabayad nga pagpangaranan it ki Levi, magꞌaꞌdung duꞌun it papabayadan it barayadan duꞌut gubirnu. Inaat kanya ni Jesus, “Mayaꞌ ka nat aken.”

Juan 1:48

Iningkut ni Natanael si Jesus, “Tabiꞌ it imu, magꞌuꞌunu naꞌrutan muy adat ku?” Timnubag si Jesus, “Parabir nasugidan ka ni Felipe, naltegan ku na ikaw duꞌut siꞌrung it kayu nga igos.”

Juan 11:16

Si Tomas nga panaꞌwag it kanya, Gambar, rimnarang na gasit mga kaꞌibaan ya ngayting mga alagad. Maat ya, “Mayaꞌ tami naga bayat kanya. Matay in matay, basta sang tamiyan.”

Juan 14:22

Iningkut kanya ni Judas (ega si Judas Iscariote ngayti), “Ampuꞌan,” maat ya, “unuka kami lamang i pakilalaan mung banar? Unuka ega kapuꞌsaan it taw situt banwa?”

Juan 14:5

Pagkagneg ni Tomas, miningkut, “Ampuꞌan, ega magkaꞌrutan namen in ari paꞌaduꞌunan mu. Magꞌuꞌunu maꞌrutan namen i dalan?”

Juan 14:9

Maat i tubag ni Jesus, “Naꞌlay na nga timpu nga kaꞌiba-iba mi aku. Ta unu, Felipe, ega paꞌ magkakilalaan mi akung banar? Iyan nga nakalteg nat aken, nakalteg na gasiꞌ it Amaꞌ. Ta unuka inaat mu paꞌ nga ipalteg kut imyu i Amaꞌ?

Juan 21:2

Kaꞌsang tingped na Simon Pedro, si Tomas nga panaꞌwag it kanya, Gambar, si Natanael nga taga Cana nga sakep it Galilea, mga anak ni Zebedeo baw duwa paꞌ nga mga alagad,

Mga Binwat 1:13

Pagꞌabut nira duꞌun it siyudad, dayun-dayun sira duꞌut piyaꞌabutan nira nagang balay, baw miyapyat duꞌut esang seled duꞌut dibwat nga pagꞌiꞌistaran nira. Kadakel nira, si Pedro, si Juan, si Santiago baw si Andres, si Felipe baw si Tomas, si Bartolome baw si Mateo, si Santiago nga anak ni Alfeo, si Simon nga Cananeo, baw si Judas nga anak ni Santiago.

Mga Binwat 12:17

Pagkasled ni Pedro, sininyasan ya sirat alima ya nga ega timingeg. Bawnga itiyuturan ya na i muꞌsa, in magꞌuꞌunu ipiyaliꞌwan kanyat Ampuꞌan duꞌut pirisuwan. Pagkatupus, inaat ya sira, “Isugid mi manat ki Santiago baw beken nga mga sulsug ta kat pamayaꞌ.” Pagkaꞌampang ya kayti, napanaw nat palinga-linga daꞌan duꞌut belag nga rugar.

Mga Binwat 15:13

Pagkatupus it tuturan nira ngayti, si Santiago siꞌ i miyampang, nga magꞌaat, “Mga kasulsugan, pagnegan mi aku.

Mga Binwat 21:18

Pagsunud nga aldaw, naꞌaduꞌun kami na na Pablo it ki Santiago. Abutan namen duꞌun, tiꞌmes i mga magpamaalaꞌ it mga magpamayaꞌ.

Galacia 1:19

Kat iting timpu nakitaan ku gasiꞌ si Santiago nga ariꞌ it Ampuꞌan. Duwa lamang ngayti i nakitaan ku nga apustul. Ega nay beken.

Galacia 2:9

Aypaꞌ, iyan mga pagkilalaen nga piyakapagbayaꞌen it mga magpamaalaꞌ duꞌut Jerusalem, nga si Santiago, si Pedro baw si Juan, iyan namuyaan nira nga kat keseg it ildaw it Ampuꞌan it aken, dakulay paglapusan it pangadal ku kat mga taw nga ega Judio, tiyanggap nira kami ni Bernabe baw napakay sira nga kaꞌuyutan kami na nira nga mga manigbuwat it buwaten it Ampuꞌan. Ta piyagꞌupa-upakatan namen nga ipasigi namen nay amen nga pangadal duꞌun it mga taw nga ega Judio. Iyan kabilug namen nga mga Judio, yanay kanira.

Santiago 1:1

Aku nga si Santiago, nga manigsirbi it Ampuꞌang Diyus baw Ampuꞌan nga si Jesu-Cristo, i tagsurat kaytu. Ipagpaꞌabut ku i aken nga pangumusta kat muꞌsang piniliꞌ it Ampuꞌang Diyus nga taawan ya, nga natari-tariwanak na kat paꞌari-aring rugar.

Judas 1:1

Aku nga si Judas nga manigsirbi ni Jesu-Cristo baw sulsug ni Santiago i tagsurat kaytu. Pagsuratan ku kamu, nga mga ipiyapinpin it Diyus Amaꞌ isaꞌun mataawan ya na baw talagang pagrarasan ya, kamu nga pagtatarimaen nga pirmi ni Jesu-Cristo baw piyanakman nga pasakep it kanya.