Mateo 10:2 - Tagbanwa

² Ituy mga ngaran it sang puluꞌ baw duwa ngayting mga alagad ni Jesus. Si Simon nga esang paggetaꞌen nga ngaran ya, si Pedro, baw si Andres nga sulsug ni Simon ngayti, si Santiago baw si Juan nga mga anak ni Zebedeo,

Mateo 10:2 Iomraidhean Croise

Mateo 17:1

Nagtaꞌlib i enem nga aldaw, piyabayaꞌ ni Jesus si Pedro baw duwa ngayti magsulsug nga si Santiago baw si Juan. Timnungul sira duꞌun it esang matindeg nga bukid.

Mateo 20:20

Bawnga nagpatpad duꞌun it ki Jesus i asawa ni Zebedeo baw mga anak ya, ka may kuꞌangutun ya. Aypaꞌ ka nanluud kanya duꞌun it sarungaan ni Jesus.

Mateo 26:37

Temed piyabayaꞌ ya naga si Pedro baw duwa ngayting mga anak ni Zebedeo. Nagpapuꞌun it rumaꞌe-raꞌet i nakem ya baw talagang magkasusa kanya.

Mateo 4:18

Kaꞌsa nga magpanaw si Jesus duꞌut tambing it Lapnaw it Galilea ngayti, napsagan ya i duwang namagsulsug nga manigsedaꞌ, si Simon nga esang ngaran ya si Pedro, baw si Andres. Mamaglaya sira.

Mateo 4:21

Sigi nga panaw ni Jesus ngayti, napsagan ya gasiꞌ namagsulsug nagang duwa, si Santiago baw si Juan. Mga anak sira na Zebedeo. Mamagꞌayus sira it lambat nira duꞌut sakayan, iba nira nagay amaꞌ nira ngayti. Tiyaꞌwagan gasiꞌ sira ni Jesus.

Marcos 1:29

Pagliꞌwan nira duꞌut papagsambaan, naꞌaduꞌun na Jesus it balay it duwa ngayti magsulsug nga si Simon baw si Andres. Kaꞌibaan nira nagat naꞌaduꞌun, si Santiago baw si Juan.

Marcos 13:3

Bawnga iyan magꞌaꞌdung na si Jesus duꞌun it Mungsuꞌ it Olibo, nga kaꞌantupag it Templo, tiyeꞌe-teꞌeng kanyat mingkut na Pedro, si Santiago baw si Andres.

Marcos 6:30

Pagkaꞌuliꞌ it sang puluꞌ may duwa ngayting alagad nga piyapanaw ni Jesus, ipiyagtuturan nirang muꞌsa duꞌut kanya i nabwat baw nakapanulduꞌ nira.

Lucas 11:49

Aypaꞌ ka matuud talagay inaat it Ampuꞌang Diyus kat ega basta-bastang kasepsep ya, nga maat ya, ‘May papaꞌaduꞌunun ku it kanira nga mga prupitaꞌ baw mga apustul, nga iyan beken pangimatayen nira, pakuriꞌan nira i beken.’

Lucas 22:14

Iyan naꞌbut nay uras, miyadung na si Jesus duꞌun it papangaꞌnan, sang siraan it mga alagad ya ngayti.

Lucas 22:8

Singkat ni Jesus si Pedro baw si Juan ngayti nga mga alagad ya. Maat yat kanira, “Mapanaw kamu ka simpanen mi i adat it pangiyapun ngaytu nga Tiyaꞌliban isaꞌun makaꞌen tami.”

Lucas 5:10

Naliluꞌ gasiꞌ i mga kaꞌibaan nira duꞌun it sangbat ngayting sakayan, nga si Santiago duwa ni Juan, nga mga anak ni Zebedeo. Bawnga maat ni Jesus it ki Simon ngayti, “Ayaw kat iꞌlam. Ka garing kayti, buwaten ku na ikaw nga taw na i subuk paglugitmen mu.”

Lucas 9:10

Pagkaꞌuliꞌ it sang puluꞌ baw duwa ngayting mga alagad nga piyapanaw ni Jesus, itiyuturan nira duꞌut kanya i muꞌsa nga nabwat nira. Pagkaꞌanu kayti, naꞌaduꞌun sirat esang rugar nga ayun duꞌun it lansangan it Betsaida. Egay piyabayaꞌ ni Jesus nga beken, mga alagad ya lamang ngayti.

Juan 12:22

Isiyugid ni Felipe duꞌut ki Andres i inaat it mga Griego ngayti. Nagbayaꞌ na sirang duwa i nanugid duꞌut ki Jesus.

Juan 13:23

Iyan esa nga alagad nga talagang pagmaꞌa-maꞌalen ni Jesus, magꞌaꞌdung duꞌun it tepad ya.

Juan 20:2

Ta sabap it itiꞌen, magpapalagyu kanya nga naꞌaduꞌun it ki Simon Pedro baw duꞌun it alagad ngayti nga pagmaꞌalen ni Jesus. Pagꞌabut ya, maat ya, “Pinsiꞌ na bay Ampuꞌan duꞌun it lebeng ya. Ega magkaꞌrutan namen in ipiyaꞌunu-unu na.”

Juan 21:2

Kaꞌsang tingped na Simon Pedro, si Tomas nga panaꞌwag it kanya, Gambar, si Natanael nga taga Cana nga sakep it Galilea, mga anak ni Zebedeo baw duwa paꞌ nga mga alagad,

Juan 21:20

Nalingawan ni Pedro nga magdadasun it kanira i alagad ngayting pagmaꞌalen ni Jesus, kanya ngayti nga simnandir duꞌun it ki Jesus iyan magkaraꞌnen sira ngayti it pangiyapun, baw miningkut ngayti nga magꞌaat, “Ampuꞌan, siyu bay bayaꞌen ngayan it mga kuꞌimatay it imu?”

Juan 21:24

Ta, itu nagang alagad nga dimnasun ngaytit kana Jesus duwa ni Pedro, magpamatuud kanya it muꞌsa ngaytu pasar it ki Jesus. Kanya naga gasiꞌ i simnurat it mga itu ngaytu. Talagang magkaꞌrutan namen nga matuud tuy ipagpamatuud ya ngaytu.

Juan 6:67

Ta it atkayti, iningkut ni Jesus i sang puluꞌ may duwa ngayting mga piniliꞌ yang mga alagad ya. “Unu,” maat ya, “kulꞌid kamu na gasiꞌ situt aken?”

Juan 6:70

“Daꞌga baꞌ,” maat ni Jesus, “sang puluꞌ may duwa kamung kataawan i piniliꞌ ku? Takaꞌ yay matuud, may esa nagat imyu nga magnanakem pat nakem it maraꞌe-raꞌet!”

Juan 6:71

Iting inampang ni Jesus, iyan i pagpaꞌiguꞌan ya, si Judas ngayti nga anak ni Simon Iscariote, sabap si Judas ngayti, maski kaꞌuyutan it sang puluꞌ may duwa ngayting piniliꞌ ni Jesus, temed ta, it iti i dumagang it kanya.

Juan 6:8

Maat i sang kataawan nga alagad ya nga si Andres, nga sulsug ni Simon Pedro,

Mga Binwat 1:13

Pagꞌabut nira duꞌun it siyudad, dayun-dayun sira duꞌut piyaꞌabutan nira nagang balay, baw miyapyat duꞌut esang seled duꞌut dibwat nga pagꞌiꞌistaran nira. Kadakel nira, si Pedro, si Juan, si Santiago baw si Andres, si Felipe baw si Tomas, si Bartolome baw si Mateo, si Santiago nga anak ni Alfeo, si Simon nga Cananeo, baw si Judas nga anak ni Santiago.

Mga Binwat 1:26

Pagkatupus it panalangin nira ngayti, namagpintuꞌan na sira. Si Matias i napintuꞌ, aypaꞌ kanya i nakadungag kat sang puluꞌ may esa ngayting mga apustul.

Mga Binwat 12:2

Esa it mga apustul, nga si Santiago nga sulsug ni Juan, ipiyabunuꞌ ya.

Mga Binwat 3:1

Kaꞌsang apun nga kabali nang alaid i aldaw, namagpaꞌaduꞌun sit Templo na Pedro, duwa ni Juan, ka uras siꞌ it panalangin duꞌun.

1 Corinto 15:7

Pagkapakikita ya duꞌun it kadakel ngayti nagpakikita kanya gasiꞌ it ki Santiago, bawnga kapuꞌsaan it mga apustul.

Efeso 4:11

Ta yan beken nga ipiyagꞌildaw ya, mga apustul. Iyan beken, mga prupitaꞌ. Mga beken gasiꞌ, mga manigpanaw nga magpangadal it Magayeng Baritaꞌ kat mga taw nga ega paꞌ namayaꞌ. Baw iyan mga beken gasiꞌ, mga manigpamaalaꞌ baw manigpangadal kat mga namayaꞌ na.

Hebreo 3:1

Aypaꞌ kayti, mga kasulsugan ku nga subung nat ipiyapinpin it Ampuꞌang Diyus, kamu nga ipiyabetang-betang ya nga makaꞌistar duꞌut langit kat pagdadarapaꞌen, magayen in panawun it pikir mi si Jesus ngaytu. Kat kamatuudan nga pagpamayaꞌnen tami, kanya i ipiyaꞌasitu it Ampuꞌang Diyus, baw kanya i Piyakamataꞌas nga Sasirduti nga magpanindeg it aten.

1 Pedro 1:1

Aku nga si Pedro, nga esang apustul ni Jesu-Cristo, i tagsurat kaytu. Mga pagsuratan ku, kamung mga piniliꞌ it Ampuꞌang Diyus nga mga taawan ya, nga subuk tari-tariwanak baw dayuꞌan kat rugar it Ponto, Galacia, Capadocia, Asia baw Bitinia. Sabagay magꞌiꞌistar kamu paꞌ situt sinirungat langit, takaꞌ yay matuud, bilang mga dumadayuꞌ kamu lamang.

2 Pedro 1:1

Aku nagang si Simon Pedro, nga manigsirbi baw apustul ni Jesu-Cristo, i garing kaytu. Pagsuratan ku kamung muꞌsa nga kasubung namen nga magpamayaꞌ baw magsarig it ki Jesu-Cristo. Kanyay Ampuꞌang Diyus baw Manriribri tami. Baw paribasay egay pagbidaꞌen ya, surubung tami nga inildawan ya it pamayaꞌ ngaytu.

2 Juan 1:1

Pagmaꞌaleng babay nga piniliꞌ it Ampuꞌang Diyus, baw mga anak mu, wayan i surat ku, aku nga piyakamagurang. Kamu, talagang pagmaꞌalen ku nga matuud, baw ega lamang aku in daꞌga pati kadakel nga nakakilala nang banar it kamatuudan pasar it Ampuꞌan.

3 Juan 1:1

Iba-iba ku nga si Gayo, nga pagmaꞌalen ku nga matuud, wayan i surat ku, aku nga piyakamagurang.

Mga Ipiyalteg 1:1

Itung mga magsusurat nga magbebtang situt kasuratan ngaytu, mga bagay nga ipiyaꞌrut it Ampuꞌang Diyus it ki Jesu-Cristo pasar it ipiyabetang-betang nga mabut asat pagdadarapaꞌen, ka ipalteg ya nat mga magsirbi it kanya. Muꞌsa ngaytu ipiyalteg nga matuud ni Jesu-Cristo it ki Juan nga manigsirbi ya, ka may tiyaꞌeg yang anghil ya nga palteg kaytu.

Mga Ipiyalteg 1:9

Talagang aku nga si Juan, sulsug mi kat pamayaꞌ baw kaꞌibaan mi naga it pagpakuriꞌan sabap it pamayaꞌ tami it ki Jesus. Baw esa aku nagang sinakepan it kaꞌadiꞌan ya, baw kasubung mi it temeꞌteꞌ it pagsunud it ki Jesus ngaytu. Idiyuꞌlung aku duꞌun it pulaw nga pagpangaranat Patmos, ka yay ukuman it aken sabap it pangadal kut ampang it Ampuꞌang Diyus baw pamatuud kut mga bagay pasar it ki Jesus.

Mga Ipiyalteg 18:20

Kamu nga duꞌun it langit, sagyaan mi nga banar i nabetangan ya ngaytu. Kamu nga mga prupitaꞌ baw mga apustul baw beken nga taawan it Ampuꞌan, magkasagya kamu na. Sabap binles nat Ampuꞌang Diyus i mga binwat it taga Babilonia ngayti nga binwat nirat imyu.”

Mga Ipiyalteg 22:8

Aku nga si Juan i nakagneg baw nakalteg it muꞌsa ngaytu. Bawnga pagkalteg ku, nanluud aku duꞌun it sarungaan it anghil ngayting nagpalteg it aken it itung mga bagay ka sambaen ku kanya.