Mateo 10:10 - Tagbanwa

¹⁰ Ayaw kamu gasiꞌ it pamiri-pirisiꞌen kat panaw mi ngaytu. Ayaw kamut taban it iꞌimaraꞌnan, u panggaganti it talumpaꞌ baw sungkud. Arigraen kamu yan it mga pagtabangen mi ngaytu, sabap bagay it manigbuwat i gastuꞌan.

Mateo 10:10 Iomraidhean Croise

Mateo 10:11

Ta maski ari nga lansangan u baryu i abutan mi, iyan i tulusun mi, taw nga magayen i adat nga magꞌistimar it imyut magayen. Duꞌun i istaran mi mintras duꞌun kamu it iti nga rugar.

Marcos 6:8

Parabir piyapanaw ya sira, tinggunan ya nga ega magbalun it maski unu kat panaw nira ngayti. Pangaꞌen, pirak, baw maski pagbetangan it ipagꞌildaw it kanira, ega na tabanen. Sungkud na lamang i tabanen.

Lucas 3:11

Pagtubag ni Juan, maat ya, “Ta, mga atkaytu i magayen nga buwaten mi. In beteꞌ nagduwa naga i badyuꞌ mu, kaꞌilangan tunggalan muy iyan talagang ega na. Subung nagay iyan may pangaꞌen, ega riga-rigaen yay iyan ega nay magkasikep.”

Lucas 9:3

Tinggunan ya sira nga magꞌaat, “Ayaw kamut pagbalun it maski unu in mapanaw kamu na, maski sungkud, pagbetangan it ipagꞌildaw it imyu, pangaꞌen, pirak u panggaganti nga subuk iꞌimaraꞌnan.

2 Timoteo 4:13

Baw in paꞌasini ka na, patuluy ka daꞌan duꞌut kana Carpo nga duꞌut Troas, ka parigaan mut tumaban i natuduꞌ duꞌun nga gulamen ku. Tabanen mu gasiꞌ i mga kasuratan ku, subraꞌ nay iyan mga anit ngayay binwat.

1 Samuel 17:40

Pagkaꞌawaꞌ ya, kiyuꞌmit ya nay pagsungku-sungkudun ya, bawnga nanguꞌmit kanya duꞌut sapaꞌ it limang batuy batu nga mapupuyu-puyuꞌtung baw malinuꞌ. Ibintang ya duꞌun it puyuꞌ-puyuꞌ ya nga gamit it manigꞌeper it tupa, bawnga napanaw na nga dumarugpaꞌ it ki Goliat ngayti. Sekel ya na i subuk tiradur ya.