Mateo 1:12 - Tagbanwa

¹² Pagkadakepan ngaytit mga Israelita, nga piyabayaꞌ na sira duꞌun it Babilonia, nanganak na Jeconias it ki Salatiel, nga amaꞌ ni Zorobabel.

Mateo 1:12 Iomraidhean Croise

2 Mga Adiꞌ 24:14

Piyabayaꞌ ya na nga dakepan i muꞌsang taga Jerusalem ngayti, mga matataꞌas i duguꞌ, mga bantug nga mamumunuꞌ, baw muꞌsa nga mga karpintiru baw mananalsal nga ega basta-basta i kakayaan. Kadakel nira, miyabut it sang puluꞌ nga ribu. Talagang subuk ega nay ipiyaꞌped duꞌun, ka yamanay ipiyaꞌped, mga makukuriꞌ nga mga raꞌyat.

Esdras 3:2

Pagkatingped, biyaꞌgu na nira i papangantengan nga pagꞌantengan it mga pagbuwaten nga ipagsamba nira it Ampuꞌang Diyus it bangsa nira nga Israel, uyun kat magsusurat duꞌun it mga urdin nga ipiyaskel it ki Moises nga manigsirbi it Ampuꞌang Diyus it tagnaꞌ. Kat buwat nira ngayti, piyanguꞌnaan sira ni Jesua nga anak ni Josadac, mga kaꞌibaan ya nga sasirduti, baw si Zorobabel nga anak ni Sealtiel, kaꞌuyutan it beken nga mga kaduguꞌan ya.

Esdras 5:2

Ta, it atkayti, siyarunga na ni Zorobabel nga anak ni Sealtiel baw si Jesua nga anak ni Josadac i buwaten ngayti nga baꞌguun i Templo it Ampuꞌang Diyus duꞌun it Jerusalem. Mintras magbuwat sira, pagpaksegen i nakem nirang muꞌsa it duwa ngayting prupitaꞌ nga si Ageo baw si Zacarias.

Jeremias 22:24

Ta, it atkayti, ituy inaat it AMPUꞌANG DIYUS, “Aku nga AMPUꞌANG DIYUS nga egen it egay kaskedan i magꞌampang kaytu. In beteꞌ ikaw, Joaquin, nga anak it adiꞌ it Juda nga si Joaquim, siꞌsing ku nga pamimirmaꞌ ku, apluꞌun ku ikaw kat tutulduꞌ ku.

Ageo 1:1

Kat ikadwa na ngayti nga taꞌun it pagꞌadiꞌ ni Dario, iyan uꞌnang aldaw it ikaꞌnem nga bulan, miyabut i ampang it AMPUꞌANG DIYUS duꞌun it prupitaꞌ nga si Ageo. Piyapaꞌaduꞌun ya it anak ni Sealtiel nga si Zorobabel, nga gubirnadur it Juda, baw duꞌun gasiꞌ it anak ni Josadac nga si Josue, nga Piyakamataꞌas nga Sasirduti.

Mateo 1:11

Si Josias i amaꞌ ni Jeconias sang siraan magsusulsug. Iting timpu, diyakepan it mga taga Babilonia i mga Israelita.

Mateo 1:13

Si Zorobabel ngaytu i amaꞌ ni Abiud, nga iyan i amaꞌ ni Eliaquim, baw si Eliaquim i amaꞌ ni Azor.

Mateo 1:17

Aypaꞌ kapuꞌsaan, sang puluꞌ may epat nga pagtungtung-pagꞌinapuꞌ garing it ki Abraham seked it ki David. Sang puluꞌ may epat gasiꞌ garing it ki David seked it diyakepan it mga taga Babilonia i mga Israelita. Baw sang puluꞌ may epat gasiꞌ garing it pagkadakepan ngayti seked it ipiyanganak nay Cristo.

Lucas 3:27

nga anak ni Joana, nga si Joana, anak kanya ni Resa nga anak ni Zorobabel, nga anak ni Salatiel, nga anak gasiꞌ ni Neri.