Mateo 1:11 - Tagbanwa

¹¹ Si Josias i amaꞌ ni Jeconias sang siraan magsusulsug. Iting timpu, diyakepan it mga taga Babilonia i mga Israelita.

Mateo 1:11 Iomraidhean Croise

2 Mga Adiꞌ 24:14

Piyabayaꞌ ya na nga dakepan i muꞌsang taga Jerusalem ngayti, mga matataꞌas i duguꞌ, mga bantug nga mamumunuꞌ, baw muꞌsa nga mga karpintiru baw mananalsal nga ega basta-basta i kakayaan. Kadakel nira, miyabut it sang puluꞌ nga ribu. Talagang subuk ega nay ipiyaꞌped duꞌun, ka yamanay ipiyaꞌped, mga makukuriꞌ nga mga raꞌyat.

2 Mga Adiꞌ 25:11

Diyakepan ya na i mga naꞌped paꞌ nga mga Israelita duꞌun it Jerusalem baw iyan namagsukuꞌ duꞌun it adiꞌ nira ngayti nga taga Babilonia.

2 Cronica 36:20

Tiyaban gasiꞌ ni Nabucodonosor duꞌut Babilonia nga dakepan i kumpur ega inimatay it mga sundaluꞌ ya. Duꞌun sira nga pagsasakpen ni Nabucodonosor baw mga anak ya nga lalaki seked it siyakep i Babilonia ngayti it Persia.

Daniel 1:2

Ta, diyaꞌeg si Joaquim ngayti, ka ipiyaꞌalima kanya it Ampuꞌang Diyus duꞌun it ki Nabucodonosor ngayti. Riyangpasan pay Templo, nga papagsambaan nirat Ampuꞌang Diyus, ka piyataꞌnan it Ampuꞌang Diyus si Nabucodonosor nga may pisiꞌen ya nga mga kagamitan duꞌun. Mga iti ngayti, tiyaban yat miyuliꞌ duꞌun it Babilonia bawnga idiyuꞌun yat pagdawaꞌan it kamanggadan nga duꞌun it balay nga papagsambaan it pagbete-beteꞌen nga diyus ya.

Mateo 1:12

Pagkadakepan ngaytit mga Israelita, nga piyabayaꞌ na sira duꞌun it Babilonia, nanganak na Jeconias it ki Salatiel, nga amaꞌ ni Zorobabel.

Mateo 1:17

Aypaꞌ kapuꞌsaan, sang puluꞌ may epat nga pagtungtung-pagꞌinapuꞌ garing it ki Abraham seked it ki David. Sang puluꞌ may epat gasiꞌ garing it ki David seked it diyakepan it mga taga Babilonia i mga Israelita. Baw sang puluꞌ may epat gasiꞌ garing it pagkadakepan ngayti seked it ipiyanganak nay Cristo.