Mateo 1:1 - Tagbanwa

¹ Itu i kagiyaringanan ni Jesu-Cristo nga nanggaring kat mga tungtung-inapuꞌ ni David, nga egay beken nga kiyaꞌapuꞌ-apuꞌan, si Abraham.

Mateo 1:1 Iomraidhean Croise

Genesis 12:3

Talagang ildawan ku gasiꞌ i kumpur mildaw it imu, temed iyan nga rumaꞌe-raꞌet it imu, ukumanan ku it panrigang sumpa ku. Yay matuud, garing it imu maꞌildawan i muꞌsang bangsat taw situt sinirungat langit.”

Genesis 2:4

Ta, ituy kamatuudan pasar it langit baw banwa, iyan baꞌgu sirang giyuna it AMPUꞌANG DIYUS. Tagna-tagnaꞌ paꞌ, iyan giyuna it AMPUꞌANG DIYUS i langit baw banwa,

Genesis 22:18

Baw manggaring kat mga tungtung-inapuꞌ mu, maꞌildawan i muꞌsang bangsa situt sinirungat langit, sabap siyunud mu i inaat ku it imu.”

Genesis 5:1

Itu na ngaytu i paꞌyag pasar it mga kaꞌanak-anakan ni Adan. Iyan giyuna it Ampuꞌang Diyus na Adan, pamwat ya, magꞌagen-agen it kaladawan ya.

Isaias 11:1

Iyan pagkaꞌadiꞌ it kaduguꞌ-duguꞌan ni David, kabilangan ya, subuk begtek it kayu nga piyukan. Temed kat kaduguꞌ-duguꞌan naga ni David, limiꞌwan i esang adiꞌ nga kabilangan ya, esang tumunas siꞌ nga kayu duꞌun it tuꞌud ngayti it kayu nga piyukan.

Isaias 53:8

Ipiyabetang kanya it dakulang kagipitan baw inukumanan it ukum-dapit. Egay makasugid in sang unuy kadakulaꞌ it karaꞌe-raꞌetan it mga kaꞌebay-ebayan ya ka gintas nira i ginawa ya. Temed inimatay kanya sabap tiyanggung ya i kasalaꞌan tami nga mga taw.

Jeremias 23:5

“Kat pagdadarapaꞌen nga timpu,” maat it AMPUꞌANG DIYUS, “pabaraꞌen ku nga may limiꞌwan kat kaduguꞌ-duguꞌan it adiꞌ nga si David nga esa nga mataldeng kat panleteg ku. Rumraan ku kanya kat pagkaꞌadiꞌ baw manggayen nga banar i pagꞌadiꞌ ya. Kat muꞌsang rugar pangukuman nga mataldeng baw purus tamaꞌ i ipapanaw ya.

Mateo 1:18

Atkaytu yan i kapanganakan it ki Jesu-Cristo. Si Maria ngayti nga yanay paꞌaaten nga inaꞌ ya, naꞌupakat nay pagꞌasawa nira duwa ni Jose temed ega paꞌ naꞌubus, alwan paꞌ. Ta lamang daꞌsira paꞌ nakapagdemket, mamuyaan, magdarugmatiꞌ na si Maria ngayti. Miyatkayti ka kat keseg it Espiritu Santo.

Mateo 1:2

Si Abraham i amaꞌ ni Isaac. Si Isaac i amaꞌ ni Jacob, nga iyan i amaꞌ ni Juda sang siraan magsusulsug.

Mateo 15:22

May nandangep duꞌut ki Jesus nga esang babay nga ega Judio nga taga duꞌun. Pagꞌabut ya, diyadakulaꞌ yang ampang nga magꞌaat, “Ampuꞌan, nga tungtung-inapuꞌ it adiꞌ nga si David, sanguꞌan mu beteꞌ aku! Ka anak ku nga babay, pagpapulpugun it maraꞌe-raꞌet. Talagang magkakuriꞌan na kanya nga banar.”

Mateo 3:16

Iyan nabawtis na si Jesus, nga magpatingdal na, sakaling miyabri i langit. Naltegan ya i Espiritu Santo it Ampuꞌang Diyus nga magpapasalu duꞌun it kanya, nga subung it kalapatiꞌ i pamabilug.

Mateo 9:27

Paggaring ni Jesus duꞌut iti nga balay, may duwang kataawan nga beleg nga magdasun-dasun it kanya. Ipaggaꞌu-gaꞌuy nira na nga magꞌaat, “Anak ni David, sana ildawan mu kami!”

Lucas 1:33

Ka magꞌadiꞌ kanyat egay kaskedan kat mga taawan ya nga mga tungtung-inapuꞌ ni Jacob. Talagang egay kaskedan it pagꞌadiꞌ ya.”

Juan 7:42

Ka daꞌga baꞌ nakabtang ngayan duꞌut siyubli-subli tami nga kasuratan ngayang ampang it Ampuꞌang Diyus, nga magꞌaat, ‘Iyan Cristo ngaytu, liꞌwanan ya kat mga tungtung-inapuꞌ ni David, baw garingan ya duꞌun it Betlehem nga lansangan ni David ngaytu.’”

Mga Binwat 2:30

Temed nakaꞌampang kanya it atkayti sabap it piyaprupitaꞌ kanya. Naꞌrutan yay isiyanggup it kanya it Ampuꞌang Diyus it may sumpa. Sanggup ngayti, may ipaꞌdung it Ampuꞌang Diyus kat pagkaꞌadiꞌ ni David nga esa it mga tungtung-inapuꞌ ya.

Roma 1:3

Itu, Magayen ngaytung Baritaꞌ, pasar tu it Ampuꞌan nga si Jesu-Cristo, nga nagbalyung taw, lamang Anak kanya it Ampuꞌang Diyus. Kat pagkataw ya, ipiyanganak kanya it esang tungtung-inapuꞌ it adiꞌ nga si David.

Roma 4:13

Dedemdemen mi nay isiyanggup ngayti it Ampuꞌang Diyus it ki Abraham nga ipasakep it kanya baw mga tungtung-inapuꞌ ya i muꞌsang banwa. Temed egaytu maat sabap it pagsunud ni Abraham it mga urdin it Ampuꞌang Diyus, in daꞌga sabap it kataldengan nga ipiyabetang it Ampuꞌang Diyus it kanya uyun kat pamayaꞌ baw pagsarig ya.

Roma 9:5

Mabantug i mga kagiyaringanan nira baw gasiꞌ nga kaduguꞌan nira naga i nanganak it ki Cristo ngaytu, iyan nagbalyu kanya nga taw. Si Cristo ngaytu, Ampuꞌang Diyus kanya nga magbebegbeg it muꞌsa, nga pagbantugun baw pagsambaen it egay katupusan. Kamatuudan talagaytu.

Galacia 3:16

Ta kayti, iyan isiyanggup it Ampuꞌang Diyus it ki Abraham it tagnaꞌ, nga garing it kanya maꞌildawan i muꞌsang taw, kat sangbat lamang nga kaꞌanakan ni Abraham ngaytu i katumanan ya. Ka ega ireg sugiden matuman kat dakel nga kaꞌanak-anakan ya, in daꞌga sangbat tu i pagpaꞌulugan, si Cristo lamang.

1 Timoteo 2:5

Sabap esa-esay Ampuꞌang Diyus, ega nay beken. Baw esa-esa gasiꞌ i ipiyasiguru nga magpanindeg it taw duꞌun it Ampuꞌang Diyus, si Cristo Jesus lamang nga nagbalyung taw.

2 Timoteo 2:8

Pagdedemdemen mu nga pirmi si Jesu-Cristo, nga inggen it paꞌuliꞌ, kanya ngaytung tungtung-inapuꞌ it adiꞌ nga si David. Itu ngaytuy Magayen ngaytung Baritaꞌ nga ipagpangadal ku.

Mga Ipiyalteg 22:16

Talagang aku nga si Jesus i timnaꞌeg it anghil ku ngaytu, isaꞌun kapatantu it imyu nga mga gurupu it mga taawan ku nga magpamayaꞌ it aken i itung mga bagay. Talagang liniꞌwanan ku, adiꞌ nga si David, ka matuud nga tungtung-inapuꞌ ya naga aku. Esa gasiꞌ nga panaꞌwag it aken, Magsinggat nga Buntatalaꞌ.”