Lucas 9:7 - Tagbanwa

⁷ Nabaritaꞌan ni Herodes ngayting adiꞌ it Galilea i muꞌsa ngayting bagay pasar it ki Jesus. Nalibeg i pikir ya ka may magꞌaat nga si Jesus ngaytu, barang si Juan naga ngayting uꞌna-uꞌnang namawtis nga naꞌgen it paꞌuliꞌ.

Lucas 9:7 Iomraidhean Croise

Mateo 11:2

Ta si Juan ngayting uꞌna-uꞌnang namawtis nga pagpipirisuun na, nabaritaꞌan ya i mga bagay nga pagbuwaten ngayti ni Cristo. Aypaꞌ ka may piyapaꞌaduꞌun ni Juan nga mga alagad ya,

Marcos 8:28

Katubag i mga alagad ya ngayti, maat nira, “Iyan beken, maat nira si Juan ka ngayting magpamawtis. Ta kat beken gasiꞌ, si Prupitaꞌ Elias ka kunuꞌ. Ta, may magꞌaat paꞌ nga esa ka kat mga prupitaꞌ ngayti it tagnaꞌ nga nagꞌegen it paꞌuliꞌ.”

Lucas 13:31

Bawnga may miyabut nga mga Pariseo. Maat nira it ki Jesus, “Magliꞌid ka na situt rugar ngaytu ka ipagpaꞌimatay kaytu ni Herodes.”

Lucas 21:25

Mabut i timpu nga may maltegan nga mga tandaꞌanan duꞌun it aldaw, bulan baw duꞌut mga bituꞌun. Situt banwa makbaan baw matarantaꞌ i muꞌsang bangsa it dagurdur baw pamkas it langeb nga ega na namasaan it kaꞌlay.

Lucas 23:7

Ta, it naꞌrutan ni Pilato nga taga duꞌun it pagsasakpan it adiꞌ nga si Herodes, egay beken, ipiyataban ya duꞌut kanya si Jesus, sabap kat iting timpu duꞌun gasiꞌ it Jerusalem si Herodes ngayti.

Lucas 3:1

Ta it naꞌlay nang timpu, naꞌbut nay ikasang puluꞌ baw lima nga taꞌun i pagꞌimpiradur ni Tiberio. Si Poncio Pilato i gubirnadur it Judea. Si Herodes i adiꞌ duꞌun it Galilea baw sulsug ya nga si Felipe i adiꞌ duꞌun it Iturea baw Traconite. Si Lisanias i adiꞌ duꞌun it Abilinia.

Lucas 9:19

Katubag i mga alagad ya ngayti, maat nira, “Iyan beken, maat nira si Juan ka ngayting magpamawtis. Iyan beken gasiꞌ, si Prupitaꞌ Elias ka kunuꞌ. Ta, may magꞌaat paꞌ nga esa ka nga prupitaꞌ ngayti it tagnaꞌ nga nagꞌegen it paꞌuliꞌ.”