Lucas 9:61 - Tagbanwa

⁶¹ Bawnga mampang siꞌ i sang kataawan, “Aken, Ampuꞌan, magbaya-bayaꞌ aku na bayat imu, takaꞌ in mapakay, mamꞌun aku daꞌan duꞌun it mga kaꞌibaan ku nga duꞌut balay.”

Lucas 9:61 Iomraidhean Croise

1 Mga Adiꞌ 19:20

Iti nga lagi, tiyananan na ni Eliseo i mga ipagꞌaradu ya ngayti baw miyusig it ki Elias ngayti, ka maat ya, “Mamꞌun aku daꞌan duꞌun it mga giyaringan ku. Pagkapamꞌun ku, ta mayaꞌ aku nayat imu.” “Eeꞌ,” maat ni Elias ngayti, “mamꞌun ka na daꞌan duꞌun. Daꞌku naga magpanreges it imu.”

Lucas 14:26

“Iyan kupasakep it aken, ega mapakay kanya nga alagad ku basta magkasubraꞌ pat pagmaꞌal yat aken i pagmaꞌal yat kanyang giyaringan, asawa, mga anak, mga sulsug, baw maski kanyang sadili nga kaꞌgenan ka subrang pagrarasan ya.

2 Corinto 2:13

Temed maski atkayan, kat iting timpu daꞌku naga magkabaraꞌan, ka ega pay si Tito duꞌun, nga sulsug ku kat pamayaꞌ. Aypaꞌ ka namꞌun aku it kanira ka nanlangbus duꞌun it Macedonia.