Biblia Todo Logo
Bìoball air-loidhne

- Sanasan -




Lucas 9:60 - Tagbanwa

60 Tiyubag kanya ni Jesus, nga magꞌaat, “Ipataꞌan mu na nga ilbeng i miyatay ngayti it mga beken nga kabilangan patay gasiꞌ sabap daꞌsira kupamayaꞌ it aken. Temed ikaw, mapanaw ka, ka ipangadal muy pasar it kaꞌadiꞌan it Ampuꞌang Diyus.”

Faic an caibideil Dèan lethbhreac




Lucas 9:60
14 Iomraidhean Croise  

Ta, it magpangadal na ngayti si Jesus, liyekep-lekep yay rugar it Galilea ngayti. Magpanulduꞌ kanya duꞌut mga papagsambaan, nga ipagpanulduꞌ ya i Magayen nga Baritaꞌ sabap it kaꞌadiꞌan it Ampuꞌang Diyus. Pagpagayenen ya gasiꞌ i mga taw kat in unu nga sarut nira.


Temed katubag si Jesus, “Magayen in mayaꞌ ka lamang it aken kayti. Ipataꞌan mu na nga ilbeng i miyatay ngayti it mga beken nga kabilangan patay gasiꞌ sabap daꞌsira kupamayaꞌ it aken.”


Ka kabilangan it anak ku ngaytu, natay na temed naꞌgen naga it paꞌuliꞌ. Subung kanyat naꞌlam temed naparagan naga.’ Egay beken, nagkasagyaan sira nga matuud.


Temed kayti, simpri dapat tami nga magkasagyaan ka sulsug mu ngaytu, kabilangan ya natay na temed subuk naꞌgen naga it paꞌuliꞌ. Subung gasiꞌ it naꞌlam kanya temed naparagan naga.’”


Ega ireg ku nga sugiden nga pangadal ku ngaytut Magayeng Baritaꞌ i ipagkadayaw it aken, ka yay katengdanan nga ipiyagrumra it aken. Talagang ega magkapakay it nakem ku baw ukuman it Ampuꞌang Diyus i pagꞌangutun ku in ega mangadal aku.


Talagang kamu katꞌesa, kaꞌalimbawaan mi, subuk patay kat panleteg it Ampuꞌang Diyus kat kadakulat mga kasalaꞌan mi nga kuntraꞌ kat kaꞌirgan ya. Egay maski unu nga magpangbit kat nakem mi in pasar it pagkilala it kanya.


Sabap maski subuk patay ta nang patay sabap it kasalaꞌan tami, subuk ipiyaꞌuyut ya na kita it ki Cristo nga inggen yat paꞌuliꞌ, nga begayan tami na it kaꞌgenang egay kaskedan. Talagang sabap lamang it ildaw ngaytut Ampuꞌang Diyus maribri tami kat panriga yat tagnang pangaꞌgenan ta.


Temed iyan balu nga alaid na duꞌut Ampuꞌang Diyus i pangaꞌgenan ya ka sadili nang kaꞌirgan i pagsumbayaꞌen ya nga pirmi, kabilangan ya subuk patay maski egen pay bilug, ka egay kanyang uyu-uyut it kaꞌgenan nga egay kaskedan.


Ipagsekat ku nga, maski unu nga timpu, ipangadal mu nga pirmi i ampang ngaytu nga kamatuudan. Ipalbaw mut mga pagpangadalan mu i mga kamaliꞌ nira, sardawun mu baw paksegen muy nakem nira nga muwat sirat mataldeng. Buwaten muy muꞌsa ngaytu it may dakulang kapalulusan baw luway-luway nga tulduꞌ.


Temed ikaw, kaꞌilangan maꞌintur ka, nga pagsupilen mu nga pirmi i sadili mu. Sagkaꞌen mu lamang i muꞌsang kakuriꞌan nga magꞌabut it imu. Kaꞌilangan sarungaen mut magayen i katengdanan mu nga manigpangadal it Magayen ngaytung Baritaꞌ baw manigsirbi it Ampuꞌang Diyus.


Bawnga maat yat aken, “Ituy ibtang mu kat surat nga ipataban mu duꞌun it manigpamaalaꞌ it mga magpamayaꞌ it aken duꞌut Sardis. Aaten mu nga, ‘Ituy ipagkusugid it iyan kanya nga magpupudir it Espiritu Santo baw magseskel it pitu ngaytung bituꞌun. Talagang magkaltegan kuy mga pagbuwaten mi. Pagkilalaen kamu nga maat egen, arit yay matuud, patay, ka talagang egay kamatuudan it pamayaꞌ mit aken.


Lean sinn:

Sanasan


Sanasan