Lucas 9:52 - Tagbanwa

⁵² May piyauꞌna ya nga in pirang kataawan. Ta, miyuꞌna sira nga naꞌaduꞌun it esang baryu nga sakep it Samaria, ka asikasuun nira duꞌun i mapaꞌabutan ni Jesus.

Lucas 9:52 Iomraidhean Croise

Malakias 3:1

Maat siꞌ it AMPUꞌANG DIYUS nga landaw nga gunaan, “Yay matuud, may paꞌasanen ku nga taꞌgen ku. Kanyay makauꞌna it aken, ka asikasuun ya i panawan ku. Bawnga iyan Ampuꞌan nga pagtulusun mi, biglaꞌ yan nga mabut asan it Templo ya. Talagang mabut yan i pagꞌeꞌlaten mi ngayan, kanya nga patindeg it pakiꞌupakat ku,” maat it AMPUꞌANG DIYUS.

Mateo 10:5

Piyapanaw ni Jesus i sang puluꞌ may duwa ngayting mga alagad ya baw tinggunan ya, nga magꞌaat, “Iyan ayaw kamut aduꞌun it rugar it mga taw nga ega Judio, u maski ari nga lansangan it mga Samaritano.

Lucas 10:1

Ta, pagkaꞌanu kayti, miniliꞌ siꞌ si Jesus it pitung puluꞌ baw duwa nga beken nga mga alagad ya. Bawnga piyauꞌna ya sirat papanaw it tagduwa-duwa duꞌun it kada lansangan baw baryu nga pagrima-rimaen yat paꞌaduꞌunan.

Lucas 10:33

Temed ega naꞌlay, may esang Samaritano nga nakapsag gasiꞌ. Naltegan yay taw ngayti nga inatkayti it mga manigpanrangpas. Pagkalteg ya, nakasanguꞌ kanyang banar.

Lucas 17:11

Kat panaw ngayti ni Jesus nga magpapaJerusalem, namsag kanya duꞌun it piyagtengaꞌan it mga rugar it Samaria baw Galilea.

Lucas 17:16

Nanluud kanya duꞌun it sarungaan ni Jesus ka nagpasalamat. Iti nga taw, Samaritano.

Lucas 7:27

Sabap si Juan na ngaytu i pagpaꞌiguꞌan it ampang it Ampuꞌang Diyus nga isiyurat, nga magꞌaat, ‘Yay matuud, may taꞌgen ku nga makauꞌna it imu, ka asikasuun ya i panawan mu.’

Juan 4:4

Temed kat panaw nira ngayti, kaꞌilangan nga mamsag duꞌun it Samaria.

Juan 4:5

Pagkaꞌbut duꞌut esang lansangan it Samaria nga pagpangaranan it Sicar, namagpaꞌna sira duꞌut liꞌwan it lansangan ngayti. Sicar ngayti, adeꞌdeng it ki Jose nga kabagiꞌan nga lugtaꞌ it amaꞌ nira nga si Jacob it timpu paꞌ nira.

Juan 4:9

Kaꞌampang i babay ngayti nga Samaritano, maat ya, “Unuka magꞌangut kat danum nga imnun mu, it Judio ka, aku Samaritano?” (Ka iyan mga Judio, pagliꞌyan niray mga ipagkaꞌen baw ipagꞌinum it mga Samaritano.)

Juan 8:48

Inaat siꞌ si Jesus it mga Judio ngayti, “Daꞌga baꞌ matuud i pagꞌaaten namen nga Samaritano ka, baw pagpapulpugun ka it maraꞌe-raꞌet?”