Lucas 9:51 - Tagbanwa

⁵¹ Iyan magꞌadeꞌdeng nay timpu nga muliꞌ na si Jesus duꞌun it langit, ipagpadaꞌeg ya na kat nakem ya i paꞌaduꞌun nat Jerusalem.

Lucas 9:51 Iomraidhean Croise

2 Mga Adiꞌ 2:11

Sigi nang sugi-sugid nirat mamagpanaw ngayti, bati-batiꞌan nira, nagpatngaꞌ duꞌut kanira i esang sarakayan it magpakibunuꞌ nga magdeleg na, pagguguyudun it mga kabayuꞌ nga mamagdeleg na gasiꞌ. Nakapagbelag na sira ka si Elias ngayti, tiyaban na duꞌut langit it ripu-ripu.

Marcos 16:19

Pagkatupus it pagꞌampangen ngaytit Ampuꞌan nga si Jesus duꞌun it mga alagad ya, piyapatibung na kanya duꞌun it langit baw miyadung na kat iwanan nga ayun it Ampuꞌang Diyus.

Lucas 12:50

Talagang dakulaꞌ nga kakuriꞌan i kaꞌilangan ku nga labayen, nga itu ngaytu, magkasusaan kuytut subraꞌ mintras ega paꞌ natuman.

Lucas 13:22

Nagdayun-dayun nagay panaw ngayti ni Jesus. Magpangadal kanya kat kada lansangan baw baryu nga pagpesagen it panaw ya nga paꞌaduꞌun it Jerusalem.

Lucas 17:11

Kat panaw ngayti ni Jesus nga magpapaJerusalem, namsag kanya duꞌun it piyagtengaꞌan it mga rugar it Samaria baw Galilea.

Lucas 18:31

Ipiyapinpin ni Jesus i sang puluꞌ baw duwa ngayting mga alagad ya, baw maat yat kanira, “Kayti, magpaꞌaduꞌun tamit Jerusalem. Ta, in duꞌun na, matuman nayan i muꞌsang ipiyamagsurat it mga prupitaꞌ pasar it aken nga Taga Langit nga Ipiyanganak it Taw.

Lucas 19:11

Ta, mga taw ngayting duꞌun it balay na Zaqueo nga nakagneg it iti nga sugi-sugid ni Jesus, piyagnegan ya nat ipiyaꞌugdun ya nga esang alimbawa. Atkayti i buwat ya ka adeꞌdeng na kanya duꞌun it Jerusalem, baw tanud it kadakel, ipatindeg ya nat iting timpu i kaꞌadiꞌan it Ampuꞌang Diyus nga magꞌadiꞌ na kanyat banwa nira.

Lucas 19:28

Napanaw siꞌ na Jesus nga lumangbus na duꞌut Jerusalem. Magꞌuuꞌna si Jesus it mga kaꞌibaan ya.

Lucas 24:51

Mintras pagpatdekan ya ngayti sira, magpadibwat-magpadibwat kanya ka panliꞌid ya na.

Lucas 9:57

Mamagpanaw paꞌ ngayti sira, may miyaat it ki Jesus, “Talagang magbaya-bayaꞌ aku nat imu maski paꞌunu-unu ka.”

Juan 13:1

Naꞌbut nay papuꞌun na it Pistaꞌ ngaytit Tiyaꞌliban. Si Jesus ngayti, magkaꞌrutan ya nang lagi nga naꞌbut nay timpu nga ilꞌid ya situt banwa ngaytu, ka muliꞌ na duꞌun it Amaꞌ ya. Talagang pagmaꞌalen yay mga alagad ya nga situt banwa ngaytu. Ta kayti, ipiyalteg ya na in sang unuy kadakulat pagmaꞌal ya ngayti it kanira.

Juan 16:28

Talagang garing aku duꞌut Amaꞌ bawnga limnampud aku nga naꞌasitut banwa ngaytu. Ta kayti, limꞌid aku na situt sinirungat langit ka muliꞌ aku na duꞌun it Amaꞌ.”

Juan 16:5

Inaat paꞌ ni Jesus, “Kayti, muliꞌ aku na duꞌun it nagtaꞌeg it aken, temed egay maski esat imyu nga magꞌingkut sabap it uliꞌan ku ngaytu.

Juan 17:11

Daꞌku na maꞌlay sinit sinirungat langit, ka muliꞌ aku na asat imu. Temed sira, sini pat banwa ngayni. Amaꞌ nga alaid kat muꞌsang kasalaꞌan, tatarimaen mu sira kat keseg it guna baw kabantugan mu nga itanyag mu sinit aken. Tatarimaen mu sira isaꞌun urunyun sirang pirmi, subung nagat aten.

Juan 6:62

Magꞌuꞌunu yan in maltegan mi nga patibung siꞌ i Taga Langit nga Ipiyanganak it Taw ka muliꞌ na duꞌun it giyaringan ya?

Mga Binwat 1:2

seked it aldaw nga piyaꞌuliꞌ na kanya duꞌun it langit, pagkatupus it mga ipiyagꞌaat yat mga piniliꞌ ya ngayti nga mga alagad, nga isingkat yat kanira i buwaten nira kat keseg it Espiritu Santo.

Mga Binwat 1:9

Iyan nakasugid ya nay muꞌsa ngayti, letganan nira, magpadibwat-magpadibwat kanya seked it nasipatan na nira ka magpangunragiꞌ nat kunum.

Efeso 1:20

iyan inggen ya si Cristo it paꞌuliꞌ baw piyaꞌdung ya duꞌun it mabantug nga puwistuꞌ nga kat iwanan ya nga ayun nga duꞌut langit.

Filipos 3:14

Kabilangan ku, esang manigkuntis nga pagꞌubsu-ubsun yay keseg ya isaꞌun lamang mandaꞌeg, nga matanggap yay pirimyuꞌ. Ta aken, pagpaꞌresan kuy kapalangit isaꞌun matanggap ku duꞌun i tumbas nga ipiyabetang-betang it Ampuꞌang Diyus nga ibgay yat aken sabap it pakilagpit ku it ki Cristo Jesus.

1 Timoteo 3:16

Eeꞌ baꞌ, talagang matanug it aten nga muꞌsa nga kalililuꞌan baw mabantug i kamatuudan nga kaꞌlay ngaytu subuk tagu-taguꞌ temed ipiyaꞌrut na pasar it ki Cristo. Ka si Cristo ngaytu, nagbalyung taw kanya. Kataldengan ya nga talagang Anak kanya it Ampuꞌang Diyus, ipiyagpamatuud tu it Espiritu Santo. Naltegan kanya it mga anghil. Baw pasar it kanya i ipagpangadal na kat belag-belag nga bangsa. Dakel na sira nga namayaꞌ nat kanya situt sinirungat langit. Baw kanya, nagpatibung siꞌ duꞌun it langit, duꞌun it kabantugan ya.

Hebreo 12:2

Kaꞌilangan, subuk ega lisuꞌun i seyek tami duꞌun it ki Jesus, nga kanya i nagpalteg it aten nga muꞌsa in magꞌuꞌunu i kaꞌustuꞌan baw egay kasbung nga pagsarig baw pamayaꞌ duꞌun it Ampuꞌang Diyus. Biyaliwalaꞌ ya lamang i kadakulat kaꞌeyaꞌan it kamataynen ya duꞌut krus ka yay ipagpadaꞌeg ya nga pirmi kat nakem ya, ega basta-bastang kasagyaan nga makanya duꞌun it langit. Ta kayti, magꞌaꞌdung na kanya kat iwanang ayun it araꞌdungan it pagkaꞌadiꞌ it Ampuꞌang Diyus.

Hebreo 6:20

Miyuꞌna it aten duꞌun si Jesus baw kayti magpanindeg it aten duꞌut adapan ngayti it Ampuꞌang Diyus. Ka, si Jesus ngaytu, kanya na i ipiyatindeg nga Piyakamataꞌas nga Sasirduti it egay katupusan nga subuk mataꞌas nga pagkasasirduti ni Melquisedec.

1 Pedro 3:22

Miyuliꞌ na si Jesu-Cristo ngaytu duꞌun it langit, nga kayti, duꞌun na kanyat iwanang ayun it Diyus Amaꞌ. Ta muꞌsang mga anghil duꞌut langit, pati mga ega babasta-bastaen i pudir baw keseg, daꞌgay-daꞌga ipiyasakep nat kanya.