Lucas 9:47 - Tagbanwa

⁴⁷ Temed magkaꞌrutan ni Jesus i pagpikiren nira ngayti. Aypaꞌ ka inanu yay esang waꞌwaꞌ baw piyatindeg duꞌun it umid ya.

Lucas 9:47 Iomraidhean Croise

Mateo 12:15

Ega nataguꞌ it ki Jesus i iti ngayti nga riyunding. Aypaꞌ ka liminꞌid kanya duꞌun. Dakel i mga taw nga dimnasun it kanya, baw piyagayen ni Jesus i muꞌsa nga may mga sarut.

Mateo 9:4

Temed magkaꞌrutan ni Jesus i kat nakem nira ngayti. Aypaꞌ miyampang kanya nga magꞌaat, “Unuka atkayan i kat nakem mi, nga talagang ega magayen?

Lucas 5:22

Temed magkaꞌrutan ni Jesus i kat nakem nira ngayti. Aypaꞌ ka maat ya it kanira, “Unuka atkayan i kat nakem mi?

Juan 16:30

Kayti magkaꞌrutan namen nga urut mu nay muꞌsang bagay. Ega kaꞌilangan mu nga ingkutun ka it maski siyu isaꞌun maꞌrutan mu in unuy kat pikir ya, sabap maski ega paꞌ ipiyalbaw yay kuꞌingkutun ya, urut mu nang lagi. Sikayan pagpamayaꞌnen namen na nga talagang ikaw, garing nga matuud duꞌun it Ampuꞌang Diyus.”

Juan 2:25

Ega na kaꞌilangan paꞌ nga may sumugid duꞌut kanya, sabap magkaꞌrutan ya nga banar i kat nakem it taw.

Juan 21:17

Tulung saꞌup i ingkut ngayti ni Jesus ngayting magꞌaat, “Simon nga anak ni Juan, unu talagang, kamatuudan i pagꞌireg mu ngayat aken?” Nasmek si Pedro kat ikatlu ngayting ingkut it kanya, nga magꞌaat, “Unu, pagꞌirgan mu aku?” Tumubag siꞌ si Pedro, maat ya, “Ampuꞌan, talagang magkaꞌrutan mu nay muꞌsang mga bagay. Urut mu na gasiꞌ in sang unuy pagꞌireg kut imu.” “Ta in atkayan,” maat siꞌ ni Jesus, “arigraen mut magayen i mga tupa ku.

1 Corinto 14:20

Mga sulsug ku kat pamayaꞌ, sana gantiyan mi nay pikir mi pasar it mga itu ngaytu. Ka pikir mi kayti, subung lamang it pikir it waꞌwaꞌ. Sabagay in pasar it kubwat it karaꞌe-raꞌetan, sana yay subung kamu it madaragen nga ega pay kat nakem nira nga itu ngaytu. Temed in pasar it kasepsep it kaꞌirgan it Ampuꞌang Diyus, kaꞌilangan ustuꞌ nay pikir mi.

Hebreo 4:13

Talagang egay magkataguꞌ duꞌun it Ampuꞌang Diyus. Muꞌsang bagay, maꞌyag kat panleteg ya, baw kanya i panubagan tami nga muꞌsa kat muꞌsang mga binwatan ta.

Mga Ipiyalteg 2:23

Pangimatayen ku gasiꞌ i mga anak ya nga lupaw. Sikayan maꞌrutan it muꞌsang magpamayaꞌ nga aku i manigrikisaꞌ it kaꞌirgan baw in unuy kat nakem it taw. Talagang tumbasan kuy kada esat imyu uyun kat mga pagbuwaten mi.