Lucas 9:44 - Tagbanwa

⁴⁴ “Dedemdemen mi tu it magayen i iꞌaat ku ngaytut imyu. Magꞌabut talaga nga subuk idagang aku nga Taga Langit nga Ipiyanganak it Taw. Ipaꞌalima aku duꞌun it mga punuꞌan.”

Lucas 9:44 Iomraidhean Croise

Mateo 16:21

Ta garing sikayti, ipiyapuꞌun na ni Jesus it paꞌrut it mga alagad ya nga kaꞌilangan nga paꞌaduꞌun kanya it Jerusalem. Labayen yay dakel-dakel na nga kakuriꞌan nga subraꞌ na kat alima it mga mataꞌas nga ginuꞌu, mga pagbayaꞌen it sasirduti baw kat mga manigpaꞌyag it urdin, langkuy imatayen nira kanya. Temed pagꞌikatlung aldaw, maꞌgen naga kanya it paꞌuliꞌ.

Mateo 26:2

“Magkaꞌrutan mi nga duwang aldaw mana, Pistaꞌ na it Tiyaꞌliban. Iyan aku nga Taga Langit nga Ipiyanganak it Taw, idagang aku isaꞌun karansang duꞌun it krus.”

Marcos 8:31

Egay beken, ipiyapuꞌun na ni Jesus it paꞌrut it mga alagad ya nga, kanya nga Taga Langit nga Ipiyanganak it Taw, dakel-dakel na nga kakuriꞌan i malabayan ya. Tibabaꞌen kanya it mga mataꞌas nga ginuꞌu, mga pagbayaꞌen it sasirduti baw mga manigpaꞌyag it urdin, baw imatayen paꞌ kanya. Temed pagꞌikatlung aldaw, maꞌgen naga kanya it paꞌuliꞌ.

Marcos 9:31

sabap pagtulduꞌan yay mga alagad ya. Maat ya, “Magꞌabut talaga nga subuk idagang aku nga Taga Langit nga Ipiyanganak it Taw. Ipaꞌalima aku duꞌun it mga punuꞌan, ka imatayen nira aku. Temed magꞌegen aku nagat paꞌuliꞌ, pagꞌikatlung aldaw.”

Lucas 1:66

Muꞌsang nakamuya baw nakabaritaꞌ kayti, yay pirming kat nakem nira, magꞌaat, “Unu sadaw i baraꞌan it iyang waꞌwaꞌ in dumakulaꞌ na?” Sabap talagang maꞌyag nga, muꞌsa pasar it itung waꞌwaꞌ, pabetang-betang talaga it Ampuꞌang Diyus.

Lucas 18:31

Ipiyapinpin ni Jesus i sang puluꞌ baw duwa ngayting mga alagad ya, baw maat yat kanira, “Kayti, magpaꞌaduꞌun tamit Jerusalem. Ta, in duꞌun na, matuman nayan i muꞌsang ipiyamagsurat it mga prupitaꞌ pasar it aken nga Taga Langit nga Ipiyanganak it Taw.

Lucas 2:19

Ki Maria, idiyawaꞌ ya nga banar kat ulu ya i muꞌsa ngayti, nga pirmi nga pagdedemdemen ya.

Lucas 2:51

Ta yapay katabus it kanirang uliꞌ duꞌut Nazaret. Talagang mapiyamayaꞌ si Jesus ngayti it kanira. Muꞌsa ngayti nga magkamuyaan ni Maria, ipagdawaꞌ yang banar duꞌun it ulu ya.

Lucas 24:44

Bawnga inaat ni Jesus i mga alagad ya ngayti, maat ya, “Itu naytu i pagpaꞌiguꞌan ku it inaat ku it iyan magbaya-bayaꞌen tami paꞌ ngayan. Daꞌga basaꞌan maat ku nga kaꞌilangan nga matuman i muꞌsang isiyurat duꞌun it ampang it Ampuꞌang Diyus nga akuy pagpaꞌiguꞌan, muꞌsa ngayan nga ipiyasurat it ki Moises baw mga prupitaꞌ baw duꞌun it kasuratan nga pagpangaranat Mga Awit?”

Lucas 9:22

Baw maat pay beken nga ipiyagꞌaat ni Jesus it mga alagad ya, “Aku nga Taga Langit nga Ipiyanganak it Taw, dakel-dakel nga kakuriꞌan i malabayan ku. Tibabaꞌen aku it mga mataꞌas nga ginuꞌu, mga pagbayaꞌen it sasirduti baw mga manigpaꞌyag it urdin, baw imatayen aku paꞌ. Temed ikatlung aldaw, egnen aku naga it paꞌuliꞌ.”

Juan 16:31

“Ay unu,” maat ni Jesus, “magpamayaꞌ kamu na kayti?

Juan 16:4

Ipagsugid ku naytung lagit imyu isaꞌun pagꞌabut it timpu nga buwaten nira na, mademdeman mi nga nakasugid ku nang lagit imyu. Kaꞌlay ngaytu, ega paytu ipagsugi-sugid kut imyu i itu nga mga bagay, ka kaꞌiba-iba mi paꞌ aku.”

Juan 19:11

Katubag si Jesus, maat ya, “Mabwat mu lamang bayan i atkayan sabap ibinggay it Ampuꞌang Diyus it imu i iyan nga pudir. Aypaꞌ subrang mabeꞌgat it kasalaꞌan mu i kasalaꞌan it iyan nagpaꞌalima ngaytut aken situt imu.”

Mga Binwat 2:23

Temed ta, ipiyaꞌalima mi kanya ngaytu duꞌun it mga taw nga ega magkilala it Ampuꞌang Diyus, ka ipiyaꞌimatay mi kanya duꞌun it krus. Temed yay matuud, pagtuman tu lamang it pabetang-betang it Ampuꞌang Diyus.

Hebreo 2:1

Aypaꞌ, kayti, dapat tang ipakagat it maꞌingget kat nakem tami i kamatuudan nga ipiyangadal it aten isaꞌun daꞌtami rumarad.