Lucas 9:43 - Tagbanwa

⁴³ Talagang naliluꞌ i muꞌsang taw kat keseg it guna it Ampuꞌang Diyus. Ta it magkaliluꞌan it mga taw i muꞌsa ngayting pagbuwaten ni Jesus, maat yat mga alagad ya,

Lucas 9:43 Iomraidhean Croise

Mateo 17:22

Kaꞌsa nga duꞌun sirang muꞌsa it Galilea nga mamagpanaw-panaw siꞌ, maat ni Jesus it mga alagad ya ngayti, “Magꞌabut talaga nga subuk idagang aku nga Taga Langit nga Ipiyanganak it Taw. Ipaꞌalima aku duꞌun it mga punuꞌan,

Marcos 6:51

Simnakay na si Jesus sang siraan nat mga alagad ya ngayti. Sakaliꞌ nga yimnengyeng nay deres. Naliluꞌ nga banar i mga alagad ya ngayti.

Lucas 18:43

Ta iti nga lagi, magkalteg na kanya, langkuy dimnasun na kanyat ki Jesus, baw sigi nga pasalamat ya duꞌun it Ampuꞌang Diyus. Pagkamuyat kadakel ngayti, biyantug nira gasing muꞌsa i Ampuꞌang Diyus.

Lucas 4:36

Naliluꞌ sira nga muꞌsa. Maamaatan sira, “Unu na bayang ampang i atkayan? Ka ungayan, may pudir ya baw ega basta-bastang keseg nga surarawun yay pati mga maraꞌe-raꞌet bawnga limꞌid sira kat pagpapulpugun nira.”

Lucas 5:26

Namagkaliluꞌ i kadakel ngayti baw biyantug niray Ampuꞌang Diyus. Talagang inabut gasiꞌ sirat iꞌlam baw maat nira, “Kalililuꞌan naytung bagay i naltegan ta ngaytu kayti!”

Lucas 5:9

Atkayti i inampang ni Simon Pedro ka naliluꞌ kanya, pati mga kaꞌibaan ya duꞌut sakayan ngayti, sabap it yanay dali-daliꞌ nirat kapisiꞌ it yanayting kadakulaꞌ.

Lucas 8:25

Bawnga iningkut ni Jesus i mga alagad ya ngayti, “Unuka ega pay pamayaꞌ baw pagsarig mit aken?” Temed magꞌiꞌlam sira baw naliluꞌ. Maamaatan sira, “Siyu kanya baytung matuud, nga maski deres baw bakat, in sekaten ya, magsunud it kanya?”

Lucas 9:42

Temed desang magdarmuk sirat ki Jesus, piyaranget nat maꞌget it magpapulpug i pulpug it waꞌwaꞌ ngayti. Nangingsil siꞌ kanya nga gimimbaꞌ duꞌut lugtaꞌ. Temed inimugaw ni Jesus i maraꞌe-raꞌet ngayti. Ta, mindek nay pulpug it waꞌwaꞌ ka piyagayen na ngayti. Bawnga idiyuꞌun na ni Jesus it amaꞌ ya.

2 Pedro 1:16

Iyan ipiyangadal namen it imyu i pasar it guna baw pamaꞌuliꞌ situ it Ampuꞌan tami nga si Jesu-Cristo, egaytu maat tuturan-manuturan nga biyuwat-buwat lamang. Talagang matuud tu, nga nagpasar kat mata namen i kabantug ya.