Lucas 9:42 - Tagbanwa

⁴² Temed desang magdarmuk sirat ki Jesus, piyaranget nat maꞌget it magpapulpug i pulpug it waꞌwaꞌ ngayti. Nangingsil siꞌ kanya nga gimimbaꞌ duꞌut lugtaꞌ. Temed inimugaw ni Jesus i maraꞌe-raꞌet ngayti. Ta, mindek nay pulpug it waꞌwaꞌ ka piyagayen na ngayti. Bawnga idiyuꞌun na ni Jesus it amaꞌ ya.

Lucas 9:42 Iomraidhean Croise

1 Mga Adiꞌ 17:23

Bawnga tiyaban ya na duꞌun it salu. Maat yat balu ngayti, “Wayni nay anak mu, nagꞌegnan naga kanya.”

Marcos 9:20

Tiyaban duꞌut ki Jesus i waꞌwaꞌ ngayti. Pagkalteg it maraꞌe-raꞌet ngaytit ki Jesus, piyaranget ya nat maꞌget. Nangingsil siꞌ i waꞌwaꞌ nga gimimbaꞌ duꞌun it lugtaꞌ, nagpabalitadtad it magbuburaꞌ-buraꞌ siꞌ i baꞌbaꞌ.

Lucas 7:15

Egay beken, nagbangun i piyakisugidan ngayti baw miyampang ka nagꞌegen nga matuud. “Ta, wayni nay anak mu,” maat ni Jesus it babay ngayti. “Nagꞌegen naga.”

Lucas 9:39

Kada yan papulpugun kanyat maraꞌe-raꞌet, sakaliꞌ nga mangurisang kanya, gembaꞌ ka magpangingsil, baw muraꞌ-buraꞌ nay baꞌbaꞌ ya. Talagang ega naytu pagliꞌdan it magpapulpug ngaytu baw dakulaꞌ na nga sakit i magkapulus ya.

Lucas 9:41

Mampang si Jesus, maat ya, “Kamung mga taw kayti, kamaliꞌ talagay muꞌsang pagpikiren mi baw kurang talagay pamayaꞌ mi. Kaꞌnu mana baytuy ipamayaꞌ mi nga banar it naꞌlay na nga kaꞌiba-iba mi aku? Seked it kaꞌnu kaꞌilangan nga pagsagkaꞌen kuy adat mi ngaytu? Tabanen mu na sinit aken i anak mu ngayan.”

Lucas 9:43

Talagang naliluꞌ i muꞌsang taw kat keseg it guna it Ampuꞌang Diyus. Ta it magkaliluꞌan it mga taw i muꞌsa ngayting pagbuwaten ni Jesus, maat yat mga alagad ya,

Juan 6:19

Iyan naꞌlay na sirat begsay, lima u enem nang kilumitru i kaꞌalaid it nasakayan nira, naltegan nira si Jesus nga magpanaw duꞌut sagpaw it danum nga magꞌelep duꞌut sakayan. Namagꞌiꞌlam sirang banar.

Mga Binwat 9:41

Singkel ni Pedro i alima ya ka ipiyatindeg. Bawnga tiyaꞌwagan yay mga balu ngayti baw beken ngayting mga magpamayaꞌ nga semled siꞌ, ka ipiyaꞌadap ya nat kanira nga talagang egen siꞌ.

Mga Ipiyalteg 12:12

Aypaꞌ dakulaꞌ na talagay kasagyaan situt langit. Sumagya kamung muꞌsa nga magtataꞌid situ. Temed kumpur magtataꞌid asan it banwa baw dagat, talagang ega basta-bastang kakuriꞌan i labayen mi. Kaꞌildaw-ildaw kamu ka piyaꞌasan na si Satanas ngaytu. Timnalalu talagay iseg ya ka urut ya na nga dekeyeꞌ manay timpu yat kanya.”