Lucas 9:41 - Tagbanwa

⁴¹ Mampang si Jesus, maat ya, “Kamung mga taw kayti, kamaliꞌ talagay muꞌsang pagpikiren mi baw kurang talagay pamayaꞌ mi. Kaꞌnu mana baytuy ipamayaꞌ mi nga banar it naꞌlay na nga kaꞌiba-iba mi aku? Seked it kaꞌnu kaꞌilangan nga pagsagkaꞌen kuy adat mi ngaytu? Tabanen mu na sinit aken i anak mu ngayan.”

Lucas 9:41 Iomraidhean Croise

2 Mga Adiꞌ 5:8

Pagkabaritaꞌ ni Eliseo it binwat it adiꞌ nira ngayti, piyasugidan ya nga magꞌaat, “Unuka piyanrarasik mu nay pakayan mu, adimaat egay mabwat mu? Paꞌasiniyen mu kanyat aken isaꞌun maꞌrutan nira nga talagang may prupitaꞌ it Ampuꞌang Diyus situt Israel.”

Exodo 10:3

Aypaꞌ naꞌaduꞌun siꞌ na Moises, duwa ni Aaron, it adiꞌ ngayti. Maat i inaat nira, “Pagnegan mu i ampang it AMPUꞌANG DIYUS namen nga mga Hebreo, nga magꞌaat, ‘Sang unu pay kaꞌlay bawnga pababaꞌ ka it aken? Kaꞌilangan ipalugut mu na nga mapanaw nay mga taawan ku ka sumamba sira it aken.

Exodo 16:28

Ta it atkayti siꞌ, maat siꞌ it AMPUꞌANG DIYUS it ki Moises, “Seked it kaꞌnu baytu i pasngel mi it mga urdin ku ngaytu?

Mga Bilang 14:27

“Talagang maraꞌe-raꞌet i adat it iyang mga taw. Seked kayti talagang sigi-sigi pang basul nira it aken. Kaꞌnu paꞌ bayan i ipdek nira?

Mateo 11:28

Padangep kamu situt aken, kamung muꞌsa nga nalpuꞌan baw magkakuriꞌan ka subuk mabeꞌgat nga pirisiꞌen i mga ugaliꞌ baw pagliꞌyan mi. Mamayaꞌ baw sumarig it aken ka papaꞌnaen ku kamu.

Mateo 12:39

Katubag si Jesus, maat ya, “Puꞌsa kamu ngaytu, maraꞌe-raꞌet i adat. Subung kamu it pagꞌaꞌasawaen nga babay nga barapakun, nga ega paglabiyen yay pagꞌasawa, ka atkayay buwat mi duꞌun it Ampuꞌang Diyus. Maat mi, magꞌangut kamu it tandaꞌanan, temed egay ipalteg it imyu, puyrat iti, tandaꞌanan nga ipiyagladawan nga nalabayan it prupitaꞌ ngayan it tagnaꞌ nga si Jonas.

Mateo 12:45

Aypaꞌ buwaten ya, mapanaw siꞌ ka mangumbinyu it pitu nga mga kaꞌibaan ya nga maraꞌe-raꞌet paꞌ it kanya, ka kaꞌibaan ya nat papulpug siꞌ. Aypaꞌ baraꞌan it iyan nga taw, subraꞌ paꞌ nga rumaꞌe-raꞌet i kabetangan ya. Ta atkayan naga i mabetangan mit imyu nga muꞌsa nga nakagneg it Magayeng Baritaꞌ temed, ta, ega naga piyamayaꞌ mi.”

Mateo 16:4

Puꞌsa kamu ngaytu, maraꞌe-raꞌet i adat. Subung kamut pagꞌaꞌasawaen nga babay nga barapakun, nga ega paglabiyen yay pagꞌasawa, ka atkayay buwat mi duꞌun it Ampuꞌang Diyus. Maat mi, magꞌangut kamu it tandaꞌanan, temed egay ipalteg it imyu, puyrat iti, tandaꞌanan nga ipiyagladawan nga nalabayan ni Jonas.” Bawnga tiyananan ya na sira, liminꞌid na kanya.

Mateo 17:17

Katubag si Jesus, maat ya, “Kamung mga taw kayti, kamaliꞌ talagay muꞌsang pagpikiren mi baw kurang talagay pamayaꞌ mi. Kaꞌnu mana baytuy ipamayaꞌ mi nga banar it naꞌlay na nga kaꞌiba-iba mi aku? Seked it kaꞌnu kaꞌilangan nga pagsagkaꞌen kuy adat mi ngaytu? Ipaꞌasini mi nat aken i waꞌwaꞌ ngayan.”

Mateo 23:36

Matuud talagay iꞌaat kut imyu, nga iyan panriga sabap it muꞌsa ngaytu, siguradung mabut it imyu nga mga Judio it kayting timpu.”

Mateo 3:7

Temed ta, namuyaan ni Juan nga dakel i mga Pariseo baw mga Saduceo nga magpaꞌaduꞌut kanya ka magpabawtis gasiꞌ. Maat yat kanira, “Unuka situ kamu nga mga mapiyandayaꞌ nga subung it adat it dukul? Siyuy miyaat nga mapalagyuwan mi i panriga nga magꞌaꞌabut?

Marcos 10:14

Pagkamuya ni Jesus kayti, ega napakay ya. Maat yat mga alagad ya ngayti, “Ega sulang-sulangen mi i mangaꞌwaꞌ nga magpaꞌasitut aken. Pataꞌnan mi lamang. Sabap mga mapiyababaꞌ nga subung it mangaꞌwaꞌ ngaytu, sira i mapakay nga pasakep it kaꞌadiꞌan it Ampuꞌang Diyus.

Marcos 10:49

Timnindeg si Jesus ngayti nga magpanaw baw maat ya, “Paꞌasituun mi kanya.” Aypaꞌ tiyaꞌwagan nira i beleg ngayti, nga magꞌaat, “Paksegen muy nakem mu. Tindeg! Ka pagpaꞌaduꞌunun ya ikaw.”

Marcos 9:19

Pagkagneg ni Jesus, maat ya, “Kamung mga taw kayti, kurang talagay pamayaꞌ mi. Kaꞌnu mana baytuy ipamayaꞌ mi nga banar it naꞌlay na nga kaꞌiba-iba mi aku? Seked it kaꞌnu kaꞌilangan nga pagsagkaꞌen kuy adat mi ngaytu? Ipaꞌasini mi nat aken i waꞌwaꞌ ngayan.”

Lucas 8:25

Bawnga iningkut ni Jesus i mga alagad ya ngayti, “Unuka ega pay pamayaꞌ baw pagsarig mit aken?” Temed magꞌiꞌlam sira baw naliluꞌ. Maamaatan sira, “Siyu kanya baytung matuud, nga maski deres baw bakat, in sekaten ya, magsunud it kanya?”

Lucas 9:40

Ipagꞌabang ku na kanya it mga alagad mu, nga imugawun niray magpapulpug ngaytu temed ega magkabwat nira.”

Lucas 9:42

Temed desang magdarmuk sirat ki Jesus, piyaranget nat maꞌget it magpapulpug i pulpug it waꞌwaꞌ ngayti. Nangingsil siꞌ kanya nga gimimbaꞌ duꞌut lugtaꞌ. Temed inimugaw ni Jesus i maraꞌe-raꞌet ngayti. Ta, mindek nay pulpug it waꞌwaꞌ ka piyagayen na ngayti. Bawnga idiyuꞌun na ni Jesus it amaꞌ ya.

Juan 14:9

Maat i tubag ni Jesus, “Naꞌlay na nga timpu nga kaꞌiba-iba mi aku. Ta unu, Felipe, ega paꞌ magkakilalaan mi akung banar? Iyan nga nakalteg nat aken, nakalteg na gasiꞌ it Amaꞌ. Ta unuka inaat mu paꞌ nga ipalteg kut imyu i Amaꞌ?

Juan 20:27

Bawnga inaat ya si Tomas, “Letganan muy mga alima ku, baw iruꞌuk mu nay tutulduꞌ mu sinit bungad nga piyanawan it ransang. Ilaꞌut mu na gasiꞌ i alima mu sinit kilid ku. Ayaw ka nat pakiꞌambut. Pamayaꞌnen mu na.”

Mga Binwat 13:18

Piyabayaꞌ-bayꞌan ya i pakikuntraꞌ nirat kanya it seledat epat nga pulung taꞌun, nga kaꞌlay it panaw nira duꞌun it kapupuyangtan nga rugar.

Mga Binwat 2:40

Dakulaꞌ pay inampang ni Pedro nga pamatuud baw sasar ya baw ipiyagbenge-bengel yat kanira, nga magꞌaat, “Iyan siguruun mi nga maribri kamu, nga ega na kaꞌuyutan it mga taw nga maraꞌe-raꞌet i adat, nga talagang rigaen it Ampuꞌang Diyus.”

Roma 2:4

Barang tanud mi, mga taw kamu na nga pagsagyaan nga pirmi it Ampuꞌang Diyus sabap it kadakulat ildaw yat imyu, baw kapalulusan ya nga pagpataꞌnan ya lamang it kaꞌlay ngaytu i mga kasalaꞌan mi. Temed subuk ega pagꞌabutun it pikiran mi nga, buwat ya nga atkaytu, sana yay tumaban it imyu it magsinguliꞌ baw mangindiꞌ it muꞌsa ngaytung mga kasalaꞌan mi.

Hebreo 3:19

Aypaꞌ kayti magkaꞌrutan tami na nga daꞌsira nakasled duꞌun it rugar ngayti nga isiyanggup it kanira sabap it lamwat sirang ega magpamayaꞌ it Ampuꞌang Diyus.

Hebreo 4:11

Aypaꞌ paꞌres tami nga makaꞌuyut it kapaꞌnaan ngaytu, isaꞌun daꞌtami makasbung it beken ngayting mga Israelita nga nariga-riga lamang sabap it ega namagsunud it mga inaat it Ampuꞌang Diyus.

Hebreo 4:2

Sabap kita, kaꞌlay ngaytu, pagtulduꞌan tami it Magayeng Baritaꞌ nga garing duꞌut Ampuꞌang Diyus, subung nagat mga taw ngaytit tagnaꞌ. Temed sira, egay napulus nira it mga ipiyaꞌrut it kanira ka ega talaga piyamayaꞌ nira.

Hebreo 7:25

Aypaꞌ, sabap it muꞌsa ngaytu, kayang-kaya ya nga iribri it kaꞌustuꞌang karibriyan i muꞌsa nga, kat keseg it pamayaꞌ nirat binwat ya, magpasakep duꞌut Ampuꞌang Diyus. Magkapanindegan ya sirang pirmi ka egen kanya it egay kaskedan.