Lucas 9:34 - Tagbanwa

³⁴ Magꞌampang paꞌ si Pedro, sakaliꞌ nga inlungan sira it kunum. Ta it siyakep na sirat kunum ngayti, namagkaiꞌlam nga banar na Pedro ngayti.

Lucas 9:34 Iomraidhean Croise

Lucas 9:33

Iyan mamaggagaring nay duwa ngayting duꞌut umid ni Jesus, mampang si Pedro. Maat ya, “Agalen, magayen talaga nga situ tami na. Baw magayen siguru, muwat kamit tulung kaꞌardungan. Esay imu, esay ki Moises baw esay ki Elias.” Ega na napikir ni Pedro i inampang ya ngayti.

Lucas 9:35

Bawnga may gaꞌmaran nga duꞌun nat kunum ngayti i sinraꞌan, nga magꞌaat, “Itu i Anak ku nga piniliꞌ ku nga sarigan ku. Pagnegan mi kanya it magayen.”

Mga Ipiyalteg 1:17

Pagkalteg kut kanya ngayti, simnuꞌsub aku na duꞌut aꞌay ya. Ega nakariꞌe-riꞌeng aku ka subuk ega nay giginawa ku. Temed tiyapal ya aku it iwanan nga alima ya baw inaat ya, “Ayaw kat iꞌlam. Aku i uꞌnat muꞌsa baw aku nagay kat sinauryan. Talagang kat pamegbeg ku i muꞌsa.

Mga Pagbayaꞌen 6:22

Sikayti natantuwan ni Gedeon nga Anghil nga matuud it AMPUꞌANG DIYUS i kasugi-sugid ya ngayti. Ta sabap kayti, piyangingiraꞌbutan kanyat iꞌlam. Magyegyeg na kanya nga miyampang nga maat ya, “Ay kayni AMPUꞌANG DIYUS ku, unu nayni i baraꞌan ku kayni it nabilug ku na ngaynit kalteg i Anghil it AMPUꞌANG DIYUS!”