Lucas 9:26 - Tagbanwa

²⁶ Yay matuud, in siyu-siyu nga iꞌyaꞌ yay pasakep it aken baw pakimatuud ya it ampang ku, talagang aku nga Taga Langit nga Ipiyanganak it Taw, iꞌyaꞌ ku naga kanya, pagpaꞌuliꞌ ku siꞌ situ. Eeꞌ baꞌ, paꞌuliꞌ aku siꞌ situ, nga matanyag nay kabantugan ku baw kabantugan it Amaꞌ ku nga situ nat aken, baw kaꞌibaan kuy ega babasta-bastaeng mga anghil.

Lucas 9:26 Iomraidhean Croise

Isaias 53:3

Tiyeger-teger kanya it mga taw baw diyaꞌga. Talagang dakulay magkasmekan ya baw dakulaꞌ gasiꞌ i pasakit it taw it kanya. Egay maski nagpatiklib it semyek duꞌut kanya it seyek nga may sanguꞌ. Talagang tinibabaꞌ ta kanya, nga ipiyabetang ta nga egay kakapulusan.

Mateo 16:27

Sabap talagang matuud nga paꞌuliꞌ aku naga situ, aku nga Taga Langit nga Ipiyanganak it Taw, nga matanyag na situt aken i kabantugan it Amaꞌ ku, baw kaꞌibaan kuy mga anghil ku. Kat iyan nga aldaw, tumbasan kuy kada taw uyun kat kanyang binwatan.

Mateo 25:31

Ipiyasigi ni Jesus, nga maat ya, “In mabut aku nga Taga Langit nga Ipiyanganak it Taw, nga maꞌyag nay kabantugan ku baw kaꞌibaan kuy muꞌsang mga anghil, madung aku na duꞌun it ega basta-bastang araꞌdungan it adiꞌ.

Mateo 26:64

Katubag si Jesus, maat ya, “Eeꞌ, matuud bay inaat mu ngayan. Temed ituy masugid kut imyu, nga garing kayti mamuyaan mi aku, nga Taga Langit nga Ipiyanganak it Taw, nga magꞌaꞌdung duꞌun it iwanan nga ayun it landaw nga gunaan nga Ampuꞌang Diyus. Baw beken, maltegan mi aku nga magꞌaꞌabut nga gumaring duꞌut langit nga magpangindelangan it kunum.”

Marcos 8:38

Yay matuud, kadakel it mga taw kayti, maraꞌe-raꞌet i adat baw talagang daꞌsira magsunud it kaꞌirgan it Ampuꞌang Diyus. Ta it atkayan, in siyu-siyu nga iꞌyaꞌ yay pasakep it aken baw pakimatuud it ampang ku, talagang aku nga Taga Langit nga Ipiyanganak it Taw, iꞌyaꞌ ku naga kanya, pagpaꞌuliꞌ ku siꞌ situ nga matanyag na nga situt aken i kabantugan it Amaꞌ ku, baw kaꞌibaan kuy ega babasta-bastaeng mga anghil.”

Juan 12:43

Ireg paꞌ nirang sagyaan sirat masigkataw nira, ega gat Ampuꞌang Diyus i sumagya it kanira.

Juan 5:44

Ka iyan i pagꞌabaten mi, pagbantug it esa may esa, ega pagbantug nga garing duꞌun it matuud nga Ampuꞌang Diyus. Ta magꞌuꞌunu kamu yan makapamayaꞌ it aken?

Mga Binwat 10:22

Itiyuturan na niray enged nira. Maat nira, “Amay, panaw namen ngaytu, tiyaꞌeg kamit pagbayaꞌen namen nga si Cornelio. Esa kanyang kapitan it sundaluꞌ duꞌut Cesarea. Itu nga taw, mataldeng kanya kat panleteg it Ampuꞌang Diyus nga paggalangen ya it may iꞌlam, baw pagdaya-dayawun kanya it muꞌsang mga Judio duꞌun it rugar namen. Inaat kanyat esang anghil it Ampuꞌang Diyus nga ipapisiꞌ ya ikaw situ ka papaꞌaduꞌunun kat balay ya, isaꞌun makagneg kanya it mga makapaꞌyag mu.”

Roma 1:16

Talagang ipagpabetang ku nga ega basta-basta i Magayen ngaytung Baritaꞌ, ka pagꞌuꞌrutan kung banar nga duꞌun i keseg it Ampuꞌang Diyus. Sabap ituy pabetang-betang ya nga ikaribri it muꞌsang taw nga mamayaꞌ nga uꞌna nay mga Judio, subung naga i beken nga bangsa nga maski ega Judio.

2 Corinto 12:10

Eeꞌ baꞌ, pagsagyaan ku ga in malubay aku, tibabaꞌen, igpitan, pakuriꞌan, u ereꞌeret nga pagꞌapisen aku sabap it pagsirbi ku it ki Cristo. Ka in kaꞌnu malubay aku u ega nay kaya ku nga sadili, sakaliꞌ siꞌ nga kumulaꞌsi aku sabap it keseg baw kakayaan nga ipagꞌildaw ni Cristo it aken.

Galacia 6:14

Takaꞌ in aku, alaid nat aken i adat ngayang patuꞌgud. Ega talaga ipagpatuꞌgud ku i sadili ku in daꞌga iyan binwat ni Jesu-Cristo nga Ampuꞌan tami, nga tiyanggung ya i kasalaꞌan tami duꞌun it krus. Ka, sabap it kamataynen ya ngayti duꞌut krus, ipagpabetang ku na nga egay kuwintaꞌ it muꞌsang pagpaꞌresan situt banwa, nga maat yay ipagkatanggap it kanira it Ampuꞌang Diyus. Baw pabetang gasit banwa it aken kayti, taw nga egay kuwintaꞌ, ka pagbaliwalaꞌen ku nay mga bagay ngaytu nga pagpaꞌresan nira.

1 Timoteo 5:21

Kayti Timoteo, kat panleteg it Ampuꞌang Diyus baw si Cristo Jesus baw mga ega basta-bastang anghil nga taraꞌgen ya, ipagsekat ku nga sarungaen mu nga buwaten i mga ipagꞌaat ku ngaytu, nga egay pagbidaꞌen mu nga taw.

2 Timoteo 1:12

Baw sabap it pagsarunga kut katengdanan ku ngaytu, nakabetang akut kakuriꞌan ngaytung atkaytu. Temed egaytu ipagpabetang ku nga kaꞌeꞌyaꞌan, sabap talagang kilalang-kilala kuy piyamayaꞌ ku ngaytu nga si Cristo Jesus. Baw pagsisiguruun ku nga kaya ya talaga nga tarimaen ya aku nga makateꞌteꞌ, isaꞌun pagꞌabut it aldaw ngayang ipangukuman, maꞌaken i karibriyan nga isiyarig kut kanya.

2 Timoteo 2:12

Eeꞌ baꞌ, basta teꞌteꞌan ta kanya, siguradung magꞌadiꞌ ta nga iba ya in duꞌun nat kaꞌadiꞌan ya. Takaꞌ in beteꞌ payluwan ta na kanya kat adapan it mga taw, siguradung payluwan ya kita pagꞌabut it aldaw ngayang ipangukuman.

Hebreo 11:26

Ka, kat pikir ya, maski unu nga kakuriꞌan i malabayan ya kat alima it beken sabap it pamayaꞌ ya it Manriribri nga ipalampud it Ampuꞌang Diyus kat pagdadarapaꞌen, yay subraꞌ pang magayen it kamanggadan nga mapisiꞌ ya duꞌun it Egipto. Iyan talagay ipiyatdek ya kat nakem ya, ega basta-basta nga itumbas it Ampuꞌang Diyus it kanya kat pagdadarapaꞌen.

Hebreo 13:13

Aypaꞌ ka elpen tami kanya ngayti nga subuk duꞌun it liꞌwan it pagbabalay-balayan it mga Judio, ka paꞌuyut tami it mga pakuriꞌ baw kaꞌeyaꞌan ngayti nga siyagkaꞌ ya.

Judas 1:14

Naꞌiguꞌ gasiꞌ sira it inaat ni Enoc nga ikapitu nang pagtungtung-pagꞌinapuꞌ garing it ki Adan. Maat ya it tagnaꞌ ngayting timpu, “Pagnegan mi tu. Siguradu nga mabut i Ampuꞌan, iba ya i ribu-ribu nga ega babasta-bastaen nga mga anghil ya.

Mga Ipiyalteg 1:7

Dedemdemen mi tu, mabut kanya nga subuk mangindelangan it kunum. Talagang maltegan tu it muꞌsang katataawan, pati mga nagꞌimatay it kanya. Ta sabap it kanya ngaytu, sumgaw i muꞌsang bangsat taw situt sinirungat langit, ka matantuwan na niray panriga. Talagang matkaytuytu nga matuud.

Mga Ipiyalteg 20:11

Pagkatupus siꞌ kayti, iyan siꞌ i naltegan ku, dakulaꞌ baw maputiꞌ nga araꞌdungan it adiꞌ baw kanya nga magꞌaꞌdung duꞌun. Baw sabap it magꞌaꞌdung na kanya ngayti duꞌun, nagsipat nay langit baw banwa, ega nay maltegan pat sumaꞌup.

Mga Ipiyalteg 21:8

Temed ta, talagang makuriꞌ nga banar i mabetangan it iyan magꞌiꞌlam mamayaꞌ, mga nangindiꞌ it pamayaꞌ, mga nagpasaga-saga it mga maraꞌway nga pagbuwaten, mga mangingimatay it masigkataw, mga mapiyamakun duꞌun it ega asawa nira, mga may kepetan nga pananamayaꞌ, mga magsirbi it diwata u maski unu nga ganti nirat Ampuꞌang Diyus, baw muꞌsa nga maꞌaꞌambut. Sira ngaytung muꞌsa, egay pagduwa-duwa nga italpak duꞌun it maglalapnaw nga magsugu nga asupri, nga iti nay paꞌaaten nga ikadwang kamataynen.”

Mga Ipiyalteg 3:5

Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, siguradung papakayan ku kanya it pakayan nga maputiꞌ baw ega buraen kuy ngaran ya kat pagsuratat mga pagbegayan it kaꞌgenan nga egay kaskedan. Baw ipamatuud ku kat adapan it Amaꞌ ku baw mga anghil ya nga pagkilalaen ku talaga kanya nga aken nayan.