Lucas 9:23 - Tagbanwa

²³ Bawnga may inaat ya siꞌ duꞌun it kadakel it mga taw nga magꞌaat, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yat aldaw-aldaw i sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Lucas 9:23 Iomraidhean Croise

Roma 8:13

Sabap in mangaꞌgenan kamu paꞌ uyun duꞌun it singkadan mi nga kaꞌiꞌirgan nga maraꞌe-raꞌet, daꞌkamu karibri kat kamataynen nga egay kaskedang panriga. Temed in kat keseg it tabang it Espiritu Santo pagꞌimatayen mi na i mga kaꞌiꞌirgan ngaytung singkadan mi, ta sikayan siguradung may kaꞌgenan mi nang egay kaskedan.

Colosas 3:5

Aypaꞌ ipaꞌalaid na asat imyu i muꞌsang maraꞌway nga adat situt banwa nga subuk muꞌsang kalasit pamakun duꞌun it ega asawa mu, baw maski unu nga adat, pagpikiren, u kaꞌiꞌirgan nga maraꞌway. Indiꞌan mi na gasiꞌ i adat nga maꞌingarum, ka in mga kusas situt banwa i pirming pagpipikiren, subuk kusas nay pagsambaen ta, ega na Ampuꞌang Diyus.

2 Timoteo 3:12

Baw ta, yay matuud, in siyu-siyuy magꞌireg mangaꞌgenan it mataldeng kat panleteg it Ampuꞌang Diyus ka pakilagpit kanyat ki Cristo Jesus, talagang maglabay kanya gasiꞌ it pakuriꞌ it masigkataw.

Tito 2:12

Ta ildaw ngaytut Ampuꞌang Diyus i magpatantu it aten nga kaꞌilangan indiꞌan tay maski unu nga kuntraꞌ it kaꞌirgan ya. Kaꞌilangan indiꞌan tay mga kaꞌiꞌirgan nga ega magayen nga pagsumbayaꞌen it mga ega namayaꞌ. Ipagpatantu ya gasit aten nga kaꞌilangan pagsupilen tami i sadili ta, nga mangaꞌgenan tami it mataldeng, nga uyun nga pirmi kat kaꞌirgan it Ampuꞌang Diyus mintras situ tami paꞌ it sinirungat langit.

Hebreo 13:13

Aypaꞌ ka elpen tami kanya ngayti nga subuk duꞌun it liꞌwan it pagbabalay-balayan it mga Judio, ka paꞌuyut tami it mga pakuriꞌ baw kaꞌeyaꞌan ngayti nga siyagkaꞌ ya.