Lucas 9:2 - Tagbanwa

² Bawnga tiyaꞌeg ya na sira nga mapanaw ka ipangadal nira i pasar it kaꞌadiꞌan it Ampuꞌang Diyus baw pagayenen nira i kumpur magpangabang nga may sarut.

Lucas 9:2 Iomraidhean Croise

Mateo 10:5

Piyapanaw ni Jesus i sang puluꞌ may duwa ngayting mga alagad ya baw tinggunan ya, nga magꞌaat, “Iyan ayaw kamut aduꞌun it rugar it mga taw nga ega Judio, u maski ari nga lansangan it mga Samaritano.

Mateo 13:19

Iyan mga taw nga nagpagneg it ampang it Ampuꞌang Diyus sabap it kaꞌadiꞌan ya temed ega magkasepsepan nira, subung sirat padalan ngaytung nasaꞌbugan it biꞌni. Madaliꞌ maꞌagaw ni Satanas i ampang ngaytung nagnegan nira.

Mateo 24:14

Baw ilkep nga ipangadal kat sinirungat langit i Magayen ngaytung Baritaꞌ pasar it kaꞌadiꞌan it Ampuꞌang Diyus, isaꞌun matantuwan it muꞌsang bangsa. Bawnga iyan paꞌ i umur nat banwa.

Mateo 3:2

Ipagsugid yat mga taw, nga magꞌaat, “Singuliꞌan baw indiꞌan mi na i mga kasalaꞌan mi, sabap adeꞌdeng nay kaꞌadiꞌan it Ampuꞌang Diyus.”

Marcos 16:15

Bawnga maat ni Jesus it kanira, “Lekpen mi i muꞌsang banwa ka ipangadal mi i Magayen nga Baritaꞌ kat muꞌsang mga taw situt sinirungat langit.

Marcos 6:12

Ta, napanaw nay sang puluꞌ baw duwa ngayting mga alagad ka nangadal na sira duꞌun it katataawan. Ipagpangadal nira nga kaꞌilangan singuliꞌan baw indiꞌan nay mga kasalaꞌan.

Lucas 10:1

Ta, pagkaꞌanu kayti, miniliꞌ siꞌ si Jesus it pitung puluꞌ baw duwa nga beken nga mga alagad ya. Bawnga piyauꞌna ya sirat papanaw it tagduwa-duwa duꞌun it kada lansangan baw baryu nga pagrima-rimaen yat paꞌaduꞌunan.

Lucas 10:11

‘Pati kapu-kapu ngaytu nga dimingket situt aꞌay namen, tagtagen namen naga, nga bilang imandaꞌan it imyu nga ega na ipagpabetang kamut Ampuꞌang Diyus nga taawan ya. Temed yay dedemdemen mi, nga adeꞌdeng na situt imyu i kaꞌadiꞌan it Ampuꞌang Diyus. Aypaꞌ it daꞌkamu kupasakep, baalaꞌ kamu na!’

Lucas 10:9

Pagayenen mi i mga magsarut duꞌun, baw iꞌaat mit taga lansangan ngayan nga, ‘Adeꞌdeng nat imyu i kaꞌadiꞌan it Ampuꞌang Diyus.’

Lucas 16:16

Iyan ega pay si Juan nga uꞌna-uꞌnang namawtis, iyan mga urdin ni Moises baw iyan mga isiyurat it mga prupitaꞌ i ipagpanulduꞌ. Temed garing it may si Juan na ngayti, iyan nay ipagpangadal, Magayen ngaytung Baritaꞌ pasar it kaꞌadiꞌan it Ampuꞌang Diyus. Baw pagpatikesegan it mga taw i kapasakep kaytu.

Lucas 9:11

Temed ta, pagkaꞌrut it katataawan, namagpanundug naga sira. Tiyanggap sira ni Jesus it masagya. Bawnga ipiyangadal yat kanira i pasar it kaꞌadiꞌan it Ampuꞌang Diyus, baw iyan mga may sarut, piyagayen ya.